Jeremías 5:3 - Bible in Tzotzil de Chamula

³ Cajval, ochemot ta sa'el jnaclejetic ti tuc' sjol yo'ntone. Laj atsits, mi ja'uc laj ya'ibeic xc'uxul un; laj abusanbe ta stojolic ti vocole, mi ja'uc laj yich' o yo'ntonic. Mu'yuc c'usi sc'anic albel. Ti yo'ntonique x'ech' to syijil bat jech c'u cha'al ti tone, laj to ta alel yu'unic ta stamel ti tuq'uil bee.

Bible in Tzotzil de Chenalhó with Deuterocanon

³ Muc'ul Dios, li c'usi chasa'e, ja' ti oyuc boch'o melel c'usi chale. Laj avac'be nucul, pero mu'yuc c'ux laj ya'yic; laj avac'be tsots svocolic pero muc xbijubic o. Toj tsots la spas sbaic jech chac c'u cha'al ton; me jutuc muc sutes yo'ntonic o.

Jeremías 5:3 Iomraidhean Croise

Génesis 19:34

Ta yoc'omal un, ti vixile xi laj yalbe ti smuque: —Ay ava'i, ti samele laj jchi'in ta vayel ti jtotique. Ti ac'ubaltic tana li'e, ta jyacubtastic xtoc yo' ta xachi'in ta vayel ec, yo' jech ta xcolinbetic ti xnich'one, yo' jech oy coltic ti jchibaltique.

1 Reyes 13:33

Manchuc mi jech un, mu'yuc laj yicta sba xchi'uc sbolil ti Jeroboame. C'ajomal no'ox lic sva'anan paleetic ta xch'ulna ti loc'obbail diosetic ta lume. Ti buch'uuc no'ox oy ta yo'ntone, ta xtiq'ueic ta pale yu'un ti Jeroboam ta sventa xch'ulna ti loc'obbail diose.

2 Reyes 1:13

Ta yoxibal xa velta un, ti ajvalile laj to stac batel yan banquilal yu'un ti soldadoe, xchi'uc yan lajuneb yoxvinic (50) ta vo' soldadoetic. Ja' no'ox un, ti yoxibal banquilal jpas-mantal yu'un ti soldadoetique, muy batel ti bu to c'alal oy ti Eliase. Xi laj sc'anbe vocol ti xquejelet ta stojole: —Avocoluc, j'alc'op, c'uxubajuc avo'nton cu'un xchi'uc ti lajuneb yoxvinic (50) ta vo' soldadoetic li'e, ti ja' avajtuneltaque.

2 Crónicas 16:9

Ti Diose chajal ta sba ta sat ti c'usitic ta xc'ot ta pasel ta sjoylej banomile yo' jech ta xac'be yipal yu'un ti buch'utic spatoj yo'nton ta stojole. ¡Li'e, ch'ayemot ta j'ech'el ti c'usi ta xapase! Tana li' une, ta xlic ech'el ti xlic xcaj ti letovajele.”

2 Crónicas 28:22

Manchuc mi tsots xa batem ti vocol staoje, staoj yav yanijem yo'nton ta stojol ti Diose. ¡Ja' jech o stalel ma' ti ajvalil Acaz une!

Salmos 51:6

Melel un, mu tuch'baj ta avo'nton ti buch'u jamal yo'nton ta atojole, ta yutil to co'nton laj abijubtasun.

Salmos 51:8

Jtauc to avu'un yepal ti mu'yuc c'usi jna'e, ti smuyubajel co'ntone; muyubajcun ta ach' avu'un, manchuc mi laj xa avac'bun ti jvocol une.

Salmos 55:20

Syales no'ox yoc sc'obic ta stojol ti buch'u lec xil sbaic xchi'uque; mu xc'ot ta pasel yu'unic sc'opic ti laj yalic j'ech'el mu sten sbaique.

Proverbios 21:29

Stsinan xa sba yu'un sc'op yilel ma' ti buch'u mu'yuc xch'ulel xa'i sbae, ja'uc ti buch'u oy stuq'uile, mu stselbuj ti bu stamoj batele.

Proverbios 22:12

Yac'oj sat ti Dios ta stojol ti buch'u oy sbijile; ta stselbunbe sc'op ti buch'utic lec xa'iic sjutel ti c'ope.

Proverbios 23:35

Xachi ta xaval une: “Quere, laj la sbalicun ta majel, mi juteb laj ca'i, laj la stsitsicun, mi jutebuc laj quil, le' une, c'alal vul ti jch'ulele, lic to cuch' yan.”

Proverbios 27:22

Mi xajisbe jisbe ya'i ti buch'u pimunebe, me'inem xa'i.

Isaías 26:11

Cajval, chapal xa avu'un ti tsitsele, mi ja'uc sc'an xaq'uic ta venta un. C'alal ta xilic ti mu albajuc ti syail xc'uxul avo'nton ta sventa ti ateclumale, q'uexlaltasbil ti sba satic ta xc'ote. Oyuc la ta alel ti lajicuc ta chiq'uel yu'un ti sc'ac'al avo'ntone.

Isaías 42:25

Jech o xal cap sjol ta stojolic. Laj stsits ta sventa muc' ta leto ti laj xchic' ta leb c'oq'ue. Ja'uc le' une, mi ja'uc laj snit spajes sbaic.

Isaías 48:4

Jna'oj xa ono'ox ti mu xava'ibe xchiquinale, ti tsots ta j'ech'el avo'nton jech c'u cha'al ti tsatsal taq'uine, ti mu stac' ca'el puxel jech c'u cha'al ti c'anal taq'uine.

Isaías 9:13

Ja'uc ti jteclum une, mu'yuc sutic talel ta stojol Dios ti jech tsitsbilique, mi ja'uc c'ot ta yo'ntonic ta sa'el ti Dios ti scotol xu' yu'une.

Jeremías 15:7

Ti ateclumal ti oyic ta jujun lumetic yu'un ti muc' ta lume, co'ol s'elan sc'a'epal majbil trigo laj jtaniic loq'uel. Ti jteclumale, mi junuc yalab xnich'nabic laj quictabeic comel. J'ech'el laj jtubbe sc'oplalic, yu'un mu xictaic ta spasel ti c'usi chopole.

Jeremías 17:23

Ti stuquic une, mi ja'uc laj xch'unbeicun. Mi ja'uc laj yaq'uic ta venta. Jelav ti stoyobbailique. Mi ja'uc c'ot ta yo'ntonic ti ta xch'unique. Mi ja'uc sc'anic albel.

Jeremías 19:15

“Ti Ajvalil ti scotol xu' yu'une, Dios yu'un ti Israele, xi ta xale: ‘Ta jtac talel stsitselic ti jteclum li'e, xchi'uc scotol ti jteclumetic joyol ta spat ta xocone, jech c'u cha'al laj calboxuc ava'iic ti sc'oplale, yu'un pucujibemic xa ta j'ech'el, ti mu xa xc'ot ta ch'unel yu'unic ti jc'ope.’ ”

Jeremías 2:30

Mu'yuc xtojobic ti avalab anich'nabic ti laj jtsitsique, mi jutebuc c'ot ta yo'ntonic un. Ti vo'oxuc eque, co'ol a'elanic jech c'u cha'al jti'oval león. Laj amilic ti j'alc'opetic avu'unique.

Jeremías 3:3

Jech o xal un, ta acoj mu xtal ti vo' ta yorail sique, xchi'uc ta yorail corixmae. Avich'ojbe spimil sat ti jchonbail antse, q'uexavan ti jech a'elane.

Jeremías 32:19

Jelavem no'ox smuc'tiquil ma' ti c'usitic ta xanope. Mu albajuc smuc'tiquil ma' ti avabtel une. Ti c'usitic ta spasic ti buch'uuc no'oxe, chajal lec ta aba ta asat. Ta jujun, ta xavac'be stoj ti yabtelique.

Jeremías 35:13

“Ti Ajvalilun ti scotol xu' cu'une, Diosun yu'un ti Israele, ta xcalbot ava'i ti xi chba avalbe ya'i ti jnaclejetic ta Judae, xchi'uc ti ta Jerusalene: ‘C'otuc ta avo'ntonic ti c'u s'elan laj cac' avilique. Ch'unic ta spasel ti c'u s'elan laj cale. Ta xcal ava'i ti vu'un Ajvalilune,

Jeremías 44:10

Staoj to yav tana li' une, mu xac'an xasutes abaic. Mi ja'uc ma' ti ta xaxi'ique. Mi ja'uc xavaq'uic ta venta ti bijubtasele, xchi'uc ti oy c'usi jbel albil ti tsots sc'oplal c'otem ta aventaic cu'une, xchi'uc ti atot ame'ic ta vo'nee.

Jeremías 7:26

Ti vo'oxuc une, mu'yuc xavich'beicun ta muc'. Mi ja'uc laj avac'beicun ta venta. C'ajomal laj apasic ti jelavem ti atoyobbailique, ti mu xava'ibeic ti xchiquinale, ja' jc'ol to mu sta ti atot ame'ic laj ech'icuc ta vo'nee.

Jeremías 7:28

Xi xavalbe ya'iique: ‘Ti muc' ta lum li'e, mu xich'ic ta muc' ti Ajvalil Dios yu'unique. Mu x'ochic ta be yu'un ti tojobtasele. Ch'ay ta ye ta sti'ic ta yalel ti oyuc lec c'usi tuc' ta xich' pasele.’ ”

Jeremías 8:5

Le' une, Israel, ¿c'u cha'al mu xa'ac'van ta ventae? ¿C'u cha'al un, jteclum Jerusalén, ta j'ech'el laj ajip laj aten aba loq'uel ta jtojol? ¿C'u cha'al avac'ojbe yipal ti toyobbail ti mu xac'an xasut talele?

Ezequiel 2:4

Jech ec ti yalab xnich'nabique, pucujibemic xchi'uc c'usi xal yo'ntonique, pimuneb xchi'uc ti snopbenal yu'unique. Ta xajtac batel ta stojolic ti xi xavalbe ya'iique: ‘Xi s'elan ta xal ti Diose.’

Ezequiel 24:13

‘Ti vu'une, Jerusalén, oy ta co'nton ta jmes loq'uel ta atojol ti asoquesoj abae xchi'uc ti bu ic'bil avo'nton yu'une. Mu'yuc xc'ot ta pasel ti mesbil tusbil lacom yu'une. Ja' to ta xames xatus yu'un mi laj jbusan talel ta aba ti sc'ac'al co'ntone.

Daniel 9:13

Yu'un lamal vul ta jtojolcutic scotol ti vocole jech c'u cha'al albil ti ts'ibabil ta jbel ti c'usi tsots sc'oplal albil yu'un ti Moisese. C'u stu un, ti vu'uncutique mu'yuc xinopajcutic ta atojol, Cajval ti Diosot cu'uncutique, mu x'ictaj ta ictael comel cu'uncutic ti jchopolalcutique. Mi ja'uc laj jtij co'ntoncutic ta stamel batel ti melel ti c'usi ta xavale.

Levítico 26:23

“Mi mu xatuq'uibic yu'un ti jech ta xc'ot ta atojolic scotol taje, ti staoj yav ti atoyobbailic ta jtojole,

Amós 4:10

“C'ot ta pasel cu'un ta atojolic ti oy c'usi chopol laj jtac talel ta atojolic jech c'u cha'al laj jtac ta stojolic ti egipcioetique. Laj cac' chamicuc ti jva'lej viniquetic avu'unic ti c'alal xyaquet ti letoe. Laj cac'be yu'nin aca'ic ti avajcontraique. Laj ava'ibeic stuil cu'un ti animaetic ti bu lamalic ta avaxibalnaique. C'u stu un, mi ja'uc lasutic talel ta jtojol. Ti vu'un Diosune, mu me lo'iluc no'ox ta xcal.

Amós 4:11

“C'ot ta pasel cu'un ti oy c'usi tsots laj jtac talel ta atojolic yo' jech ta jtsutsesoxuc ta j'ech'el jech c'u cha'al c'ot ta pasel ta jteclum Sodoma xchi'uc ti ta Gomorrae, ti co'ol s'elan chac uban ac'al ti ja' to no'ox laj yich' loq'uesel ta jornoe. C'u stu un, mi ja'uc lasutic talel ta jtojol. Ti vu'un Diosune, mu me lo'iluc no'ox ta xcal.

Amós 4:6

“C'ot ta pasel cu'un ta atojolic ti vi'nal ta scotol ti ateclumalique. C'ot ta pasel cu'un ti mu xa xata ave'elic ta scotol ti alumalique. C'u stu un, mi ja'uc lasutic talel ta jtojol. Ti vu'un Diosune, mu me lo'iluc no'ox ta xcal.

Amós 4:8

Xtal xbatic ti jnaclejetic ta jujun jteclum ta sa'el ti vo'e. Mi ja'uc ep ta staic yo' ta sicubtas ti yo'ntonique. C'u stu un, mi ja'uc lasutic talel ta jtojol. Ti vu'un Diosune, mu me lo'iluc no'ox ta xcal.

Amós 4:9

“C'ot ta pasel cu'un ti tal tsots ic' xchi'uc sc'ac'al ta atojolic, xchi'uc ti yan ti c'usitic toj chopole yo' jech ta jtsitsoxuc. C'ot ta pasel cu'un ti nucultaj ti c'usitic ts'unbil avu'unique, xchi'uc ti yaq'uil uvaetic avu'unique. Laj ta c'ulubetic ti icuxetic xchi'uc ti olivoetic avu'unique. C'u stu un, mi ja'uc lasutic talel ta jtojol. Ti vu'un Diosune, mu me lo'iluc no'ox ta xcal.

Sofonías 3:7

Xichi laj jnope: ‘Ti jech le'e, ja' to jech ta xlic xi'taicun ti jteclum Jerusalene, ja' to jech ta xc'ot ta yo'nton ti tojobtasele, yo' jech mu pocholuc ta xcom ti snaique, oy tsitsel ta stojolic.’ Bu xa ta un, ti stuquique stoyel laj ya'iic, lic yac'beic yipal ta spasel scotol ti c'usitic chopole.

Romanos 2:2

Ti bu ja' melele, jna'tic lec ti ja' jech ta xchapanvan ti Dios c'alal ta xac'be stoj smul ti buch'u jech ta spasic taje.

Hebreos 12:9

Yu'un ti c'alal biq'uitotic to oxe, laj quich'tic tsitsel yu'un ti jtotic li' ta banomile, ja'uc le'e, laj quich'tic ta muc'. ¿Mi ja' xa mu stac' jts'ictic ti tsitsel yu'un ti Ch'ul Diose yo' jech ta jtatic ti jcuxlejaltique?