Jeremías 5:1 - Bible in Tzotzil de Chamula

¹ Ti Diose xi ta xale: “Xaniic ti calleetic yu'un ti Jerusalene. Sa'ic ta jujujot ti bu xvolvun ti jnaclejetique. T'unic lec mi oy bu ta xataic junuc ti oy ta yo'nton ta spasel ti c'usi tuq'ue, ti mu yanuc ti sjol yo'ntone. Mi oy bu laj ataique, ta jch'aybe smul scolo' ti Jerusalene.

Bible in Tzotzil de Chenalhó with Deuterocanon

¹ “Xanic scotol xoraltic ta Jerusalén, batanic ta scotol cuxub o'ntonaletic ta yut lum; bat sa'ic, q'uelic lec me oy chataic junuc li boch'o tuc' c'usi tspase ti ja' tsa' c'usi melele, yu'un jech xu' ta jpasbe perdón li Jerusalene.

Jeremías 5:1 Iomraidhean Croise

1 Reyes 19:10

Xi laj staq'ue: “Toj tsots ac'oplal ta xca'i, ti mu jc'an ta xatenat comel ta Ajvalilal ti scotol xu' avu'une, Dios. Yu'un ti israeletique laj xa sten comel ta spat ta xocon ti atratee. Laj xa sjines ti avaltar une. Laj xa smilic ta espada ti avaj'alc'optaque. C'ajomal xa jch'ul tuc licom, ti yacal ta xisa'icun yo' ta stubbeicun ti jc'oplal avi tana une.”

2 Crónicas 16:9

Ti Diose chajal ta sba ta sat ti c'usitic ta xc'ot ta pasel ta sjoylej banomile yo' jech ta xac'be yipal yu'un ti buch'utic spatoj yo'nton ta stojole. ¡Li'e, ch'ayemot ta j'ech'el ti c'usi ta xapase! Tana li' une, ta xlic ech'el ti xlic xcaj ti letovajele.”

Salmos 12:1

Coltauncutic un, Dios, mu'yuc xa junuc ta sbisot ta yajvale; mu xa junuc viniquetic ti jamal lec yo'ntonique.

Salmos 14:2

Ti Diose, ta vinajel to, ta sq'uel talel mi oy buch'u xa'ibe ti xchiquinale, mi oy ta yo'nton ta sa' ti Diose.

Salmos 14:3

Ja'uc le' une, scotolic laj xa stamic batel ti chopol bee; scotolic mu'yuc xa xch'ulel xa'i sbaic ti c'usi ta spasique; mi junuc ti oy c'usi lec ta spase, mi junuc ta j'ech'el.

Salmos 94:16

¿Mi oy la buch'u xana' ta stic' sba ta jpojel ta yoc ta sc'obic ti buch'u mu'yuc xch'ulel xa'i sbaique, ti jchopol joletique?

Proverbios 20:6

Yepal no'ox ta sbis sbaic ma' ti oy stuq'uil yalojique, mi junuc oy buch'u stac' patel o'ntonal ta stojol.

Proverbios 23:23

T'uno ta sa'el ti bu melele, ti abijile, ti chanubtasele, xchi'uc ti snopbenale, mu aq'uelojuc ta xbat avu'un ta yan un.

Proverbios 8:3

Xi ta svinajes ta a'yiel ta ti' ochebal yu'un ti jteclume:

Cantares 3:2

Va'i un, liloc' ta sa'el, laj jxani sjunul ti jteclum ta sa'el ti cuni c'upile, ta jujun beetic, xchi'uc ta yamaq'uil ti jteclume. Laj jsa'ilan ta j'ech'el, mi ja'uc oy bu laj jta.

Isaías 59:4

Yu'un mu'yuc buch'u junuc ti ja' melel ti c'usi ta xale. Mi ja'uc ta yutsilal yo'nton ti tuc' ta xchapanvane. Ja' xa xch'i o ta xa'i ti jut c'ope, ti scajanan no'ox ta bail ti c'usi ta xloc' ta yee. Naca mulil noj ta stojolic. Chamebal xa xal ti c'usitic ta xloc' ta pasel yu'unique.

Jeremías 2:29

¿Mi oy c'usi stac' xavalic ta scontrainelun ti c'alal toyobbaoxuc acotolique? Ti vu'un Diosune, mu stselbuj ti jc'ope.

Jeremías 44:15

Va'i un, ti buch'utic sna'ic ono'ox ti oy yajnilic ta xaq'uic matanal pom ta stojol ti loc'obbail diosetique, ti antsetic ti jmoj xvoletic ti bu taje, ti judíoetic ti nacalic ta yolon ti yac'ol xocon smaleb c'ac'al ta Egiptoe, ti yepal no'ox oyique, xi laj stac'beic ti Jeremiase:

Jeremías 8:6

Jmalaoj xa ca'i, ts'etel xa jchiquin mi oy buch'u ta sutes sba yu'un ti c'usi chopol ta spase. Le' une, mi junuc ti oy buch'u xi jamal ta xale: ‘¿C'u xa no'ox cha'al ti vi s'elan laj xa jpas une?’ Scotol, jun be stamojic batel ti xbitet ta anil jech c'u cha'al junuc ca' ti mu xa stac' pajesel c'alal xyaquet ti letoe.

Jeremías 9:2

Oc no'ox la ta alel oyucun ta sbajtical banomil yo' xu' ta xinaquie, yo' nom ta xquicta comel ti jlumale. Yu'un scotolic mu'yuc stuq'uil ti yo'ntonique. Scotolic naca j'ac'vanejetic ta milel.

Jeremías 9:7

Jech o xal ti vu'un Diosun ti scotol xu' cu'une, xi ta xcale: ¿Mi oy to la c'usi stac' ta jpas ta stojol ti jteclumal li' une, ja' xa xna'un xa'iic ta jtiq'uic ochel ta c'oc' yo' ta xtuq'uibique?

Ezequiel 22:30

Laj xa jsa'ilan ta stojol ti jnaclejetique, ti oyuc buch'u spac ti c'op ta sventa ti muc' ta lume, ti oyuc to buch'u xet'es ti c'op ta jtojol yo' mu jtubbe ti sc'oplalique. Mu'yuc bu laj jta un.

Ezequiel 9:9

Xi laj stac'bun talel ti Diose: “Yu'un ti jteclum Israele xchi'uc ti jteclum Judae, jelav xa ta j'ech'el ti smul scolo'ique. Yu'un ti jteclume, naca xa jmilvanejetic ti tey nojique. Yu'un ti muc' ta lume, ja' xa noj ti mu'yuc smelol ti c'usi ta spasique. Ta nan snop ti nom loq'uemun batel ta stojol ti muc' ta lume, ti mu xquil yalojic ti c'usitic ta spasique.

Daniel 12:4

“Ja' no'ox un, ti vo'ote, Daniel, ts'ijlan no'ox me. Avo'ntonuc no'ox sna' ti va'i s'elan taje. Ja' jech xtoc, pac'bo lec xpix ti jpoc vune. Q'uejluc o, ja' to ti c'uxi ta xc'ot ti yorail albile. Yu'un ep ti xtal xbat ta jujujot ti jnaclejetic ta sa'ilanel ti c'uxi xu' ta sta lec ti sbijilique.”

Joel 2:9

Ta spojic batel ti c'usi oy yu'un ti jteclume. Xbitetic no'ox ta anil ti ta ba moque, ti stsoylajetic no'ox muyel ta naetic jech c'u cha'al junuc j'eleq'uetic ti ta xbitic ochel ta ventanae.

Amós 8:12

Ti jnaclejetique xtal xbatic ta jujujot ta sa'el ti sc'op Diose. Ta xbatic ti xi ta jujujot to sti'il ti nabe, ti xi ta stuq'uil yolon ti yolon xocon sloq'ueb c'ac'ale, ti xi ta stuq'uil ti sloq'ueb c'ac'ale. C'u stu un, mi ja'uc ta staic ta sa'el.

Zacarías 2:4

ti xi albat xtoque: “Batan ta anil, ti xi xba avalbe ya'i ti buch'u yich'ojbe ti sbisobile: ‘Ti jteclum Jerusalene, ta ach' ta xlic ayanuc jnaclejetic ti ep ta j'ech'ele xchi'uc ti chon bolometic yu'unique, laj to ta alel ti ta xich' maquel ta moque.

San Lucas 14:21

Ti jtunele c'ot yalbe ya'i ti yajval ti va'i s'elan tac'avic ti buch'u ic'bilique. Chopol laj ya'i ti ajvalile, xi laj yalbe ya'i ti yajtunele: ‘Batan ta ora ta jteclum. Xani o ti calleetique, ti bic'tal beetique. Ic'o talel ti buch'u abol sbaique, ti coxovetique, ti ma'satetique, ti tuncoetique.’

2 Tesalonicenses 2:10

Yu'un naca xac' no'ox sjol ta spasel ti c'usitic chopole yo' jech xu' ta slo'la ti buch'utic ta xbatic ta ch'ayele, yu'un mu sc'anic, mi ja'uc lec laj ya'iic ta yich'el ta muc' ti bu ja' melele yo' jech ta sta ti scolelique.