Jeremías 48:3 - Bible in Tzotzil de Chamula

³ Ta Horonaim jteclum to, xvinaj ti xi ta x'avanique: ‘Busul xa ta lumtic, tubem xa sc'oplal ma' le'e.’

Bible in Tzotzil de Chenalhó with Deuterocanon

³ Ta xvinaj tsots oq'uel te ta Horonaim: ‘Lijyavnaij xa, lij'ul xa o’, xiic.

Jeremías 48:3 Iomraidhean Croise

Isaías 15:2

Ti jnaclejetic ta Dibone ta xmuyic ech'el ta yoq'uitael sbaic ta ch'ulna ti va'anbil ta vitse. Ti lum Maobe mu xa x'ech' ta xa'i svocol xchi'uc ti tub sc'oplal ti jteclum Neboe xchi'uc ti jteclum Medebae. Scotolic sloc'oj ti stsatsal sjolique, ti xch'ulojic ta loq'uel ti yisimique.

Isaías 15:5

Jc'anuc xa ca'i ti oyuc spojel ti Moabe, ti xtanetic xa ech'el ta jatobal ti steclumal c'alal to lum Zoare, ta Eglat-selisiyae. X'oc' x'avanic xa ta xmuyic ech'el ta sbelel Luhit. Smil xa sbaic ta avetel ta oq'uel ta sbelel Horonaim ta scoj ti laj yilic ti chopol c'ot ta pasele.

Isaías 15:8

Ti x'avlajetic ti ta sc'anic ti pojel colele, oy ta joyob sts'actac ti Moabe. Ti xvinaj to x'avlajetique, ta xc'ot ta Eglaim xchi'uc ta Beer-elim.

Isaías 22:4

Jech o xal xichi laj cale: Q'uejo aba loq'uel ta jtojol, yu'un ta jc'an ta jmil jba ca'i ta oq'uel. Mi ja'uc jc'an patbel co'nton yu'un ti c'usi chopol ta xc'ot ta jteclumale.

Jeremías 20:16

Ti vinic taje, c'otuc ta stojol jech c'u cha'al ti jteclumetic ti j'ech'el ta slilin ti Diose. Ac'o ya'iuc ec un ti oy buch'u sob xa x'avet xchi'uc yipal xc'uxule, ti ta o'loluc c'ac'ale, yiluc ta sat ti yacal xa ti letovajele,

Jeremías 47:2

“Xichi ta xcal ti Diosune: Ta xlic talel jmut'ivanej vo' ta yolon ti yolon sloq'ueb c'ac'ale, co'ol s'elan jech c'u cha'al t'omem yoc uc'um. Ta smut'i comel ti lume xchi'uc scotol ti c'usitic x'ayan yu'une, xchi'uc scotol ti c'u yepal cuxulic ta jteclume. X'avlajetic xa liquel scotolic ti jnaclejetic ta muc' ta lume, xviquet no'ox xchi'uc xc'uxul ti buch'uuc no'oxe.

Jeremías 48:34

Ta x'avanic ta j'ech'el yu'un yipal ti mu ts'icbaj ta xa'iic ti jnaclejetic ta Hesbone. Ti yech'omal snuq'uique xvinaj to batel c'alal to Elalé xchi'uc ti ta Jahase, ti ta Zoare, c'ot c'alal to Horonaim xchi'uc ta Eglat-selisiyae. Ul xa ti sat vo' ti ta xtuc ta Nimrime.

Jeremías 48:4

“Stuc xa xch'uch'ulil busul ma' ti Moabe; x'avlajetic yu'un ti yipal xc'uxul ti c'ot c'alal to ta Zoare.

Jeremías 48:5

Xmal no'ox ya'lel satic ti xvoletic batel ta muyebal ta svitsal Luhite. X'avlajetic no'ox yu'un svocolic ti mu stac' alel c'usi c'ot ta stojolic ti buch'u ta xyalic batel ta Horinaime.

Jeremías 51:54

Ta jteclum to Babilonia, ta xlic talel ti oy buch'u x'avet xa xchi'uc ti yipal xc'uxule. Ta steclumal to caldeoetic, oy c'usi tsots xvo'o'et ti ta xvule.