Jeremías 48:1 - Bible in Tzotzil de Chamula

¹ Ti Ajvalil ti scotol xu' yu'une, Dios yu'un ti Israele, xi ta xalbe sc'oplal ti Moabe: “Uts' aba, uni jteclum Nebo, lilijem lacom ta j'ech'el un. U'ninbil xa ma' ti Quiriataime, c'ot ta j'ac'-lo'il-maxil. Busul xa ta lumtic ma' ti nac'obbail yu'une.

Bible in Tzotzil de Chenalhó with Deuterocanon

¹ Li Muc'ul Dios ti tspas ta mantal scotol te ta vinajele, jech chal ta sventa li Moabe: “¡Ay, lum Nebo, ijin xa o; iyal xa o ta q'uexlal! Li Quiriataime i'och xa o ta c'abal. Li tsatsal coralton yu'une ijin yalel o c'alal ta banamil.

Jeremías 48:1 Iomraidhean Croise

Génesis 14:5

Ta yan jabil une, ti ajvalil Quedorlaomere xchi'uc ti yan ajvaliletic ti jmoj svoloj sbaique, batic ta yosilal jteclum Astarot Karnaim. Ti bu taje, laj stsalic stsaquel ta c'op ti refaítaetique. Ts'acal to xtoc un, laj stsalic stsaquel ta c'op ti zuzitaetic oy ta Hame. Ja' jech xtoc, laj stsalic stsaquel ta c'op ti emitaetic oyic ta Savé-quiriataime.

Génesis 19:37

Voc' yol ti vixile. Laj yac'be sbi Moab, totil yu'unic ti moabitaetc avi tana li'e.

2 Crónicas 20:10

Avi tana une, li' xa oyic ti amonitaetique, ti moabitaetique, xchi'uc ti liquemic talel ta vitstic yu'un Seir ti jun banomil mu'yuc xavac' ochicuc ech'el ti israeletic c'alal loq'uic talel ta Egiptoe. C'ajomal no'ox laj sq'uej sbaic batel ta stojolic, ti mu'yuc laj stubbeic ti sc'oplale.

Isaías 25:10

Ti Diose sbainoj ta xchabiel ta yoc ta sc'ob stuc ti vits Sione. Ja'uc ti lum Moabe, ta xlic xpech'olan ta teq'uel jech c'u cha'al ta xich' pech'olanel ta teq'uel ti jobel ti bu yavil c'a'epe.

Isaías 25:12

Ti Diose ta sjinesbe yalel ta lum ti toyol ta j'ech'el ti smoquique, ti tsots lec yipe. Ta sjinesbe yalel ti busul ta xicta comel ta lumtic scotole.

Isaías 27:3

Jbainoj ta xchabiel ti vu'un Diosune. Mu xquicta ta smaltabel ya'lel. Jbainoj ta xchabiel c'ac'al ac'ubal yo' jech mu xich' ilbajinel.

Jeremías 27:3

Mi laj une, taco batel ts'ibabil vun ta stojol ti ajvaliletic yu'un ti jteclum Edome, ti Moabe, ti Amone, ti Tiroe, xchi'uc ti Sidone, ti ta xich'ic batel ti j'al-mantal j'ich'-c'opetic ti talemic ta svu'lanel ti ajvalil Sedequías li' ta Jerusalene.

Jeremías 9:26

ti jteclum Egiptoe, ti jteclum Judae, ti jteclum Edome, ti jteclum Amone, ti jteclum Moabe, xchi'uc scotol ti buch'utic nacal ta sbajtical banomil ti xch'ulojic lec ta loq'uel ti stsotsil sjolic ta xocon xchiquinique. Yu'un scotol ti jteclumetic taje, xchi'uc scotol ti jteclum Israele, laj xa xchanbeic yo'nton ta j'ech'el ti jyanlumetique.”

Números 24:17

Ta xquil ti oy c'usi ta xc'ot ta pasel le' to ech'ele, ti nom to xvayet ta q'uelel ti xi s'elan ta xc'ot ta pasele: Yu'un co'ol s'elan jbej c'anal ta xloc' talel ta stojol ti Jacobe, ti ta xc'ot ta ajvalil yu'un ti Israele. Ta xpech'be ta teq'uel sjol ti Moabe; ta xpech' ta teq'uel scotol snitilultac ti Sete.

Números 32:3

—Chiquintao ava'iic ti xi ta xcalcutique. Ti banomiletic ti ja' smacoj ti Atarote, ti Dibone, ti Jazere, ti Nimrae, ti Hesbone, ti Elalee, ti Sebame, ti Neboe, xchi'uc ti Beone,

Números 33:47

Loq'uic ech'el ta Almón-diblataim, c'ot slaman sbaic ta vitstic yu'un Abarim, ti oy ta sloq'ueb c'ac'al yu'un ti Neboe.