Jeremías 45:3 - Bible in Tzotzil de Chamula

³ ‘Ti vo'ote xachi ta xavale: Mu xa ono'ox cha'bel un. Ti Diose, c'ajomal no'ox ta xiyac'bun c'ux o'ntonal xchi'uc me'inal. Yu'un laj xa jmil jba ta oq'uel. Mi ja'uc oy bu ta jta ti xlaet ti banomil ta xca'ie.’

Bible in Tzotzil de Chenalhó with Deuterocanon

³ Li vo'ote jech laj aval: ‘¡Ay, toj abul jba! C'u yu'un laj yepajesbun tsots jvocol, tsots at-o'nton li Muc'ul Diose; solel sta xa co'nton ta aj'unel, mu'yuc ta jcux o jutuc co'nton’, xachi.

Jeremías 45:3 Iomraidhean Croise

Salmos 120:5

Mu xa ono'ox cha'bel un, co'ol j'elan jyanlumun li' nacalun ta Meseque, ti capalun ta naclej xchi'uc ti Cedar jnaclejetique.

Salmos 27:13

Le' une, yac'oj xa jol ta jq'uel slequil yutsilal ti Dios ti c'u sjalil cuxulune.

Salmos 42:7

Co'ol s'elan yech'omal uc'um xvinaj xchajet ta xyal talel ta lican ch'entic ti xbalaq'uin no'ox ech' ta jtojol avu'une.

Salmos 6:6

Lub xa co'nton ta oq'uel. Yepal no'ox ta xi'oc' ti jujun ac'ubal ta x'ech'e, ti cheq'uel ta ya'lel jsat ti jxoncole.

Salmos 6:7

Ic'uneb ti osil banomil ta xca'i yu'un ti yipal xc'uxule. Ic'uneb ti osil banomil ta scoj ti cajcontrae.

Salmos 69:3

Mu xloc' tsots ta xic'opoj ta scoj ti ep li'avane; lubtsajem xa ti jsat ta amalaele, Dios.

Proverbios 24:10

Mi ta xalubtsaj xchi'uc ti avocole, yu'un ch'abal ti yipal avu'un unbi.

Jeremías 45:2

“Baruc, ti Diose xi ta xalbot ava'ie:

Jeremías 8:18

Ti naca xa tsacal ti co'nton ta xca'i yu'un ti yipal xc'uxule, mu'yuc xa xpoxil un.

Jeremías 9:1

Ti jechuc la s'elan ti co'oluc s'elan sat vo' xtuctun ta xloc' ti ya'lel jsate, c'ac'al ac'ubal unbi ta xi'oc' ta scoj ti animaetic yu'un ti jteclumale.

Lamentaciones 1:13

Ti Diose, ta toyol to, laj sten talel c'oc' ti laj slilin ti jbaquiltaque. Laj yac' pets' ta be ti bu ta xi'ech'e, lisut ta jpat yu'un. Sq'uel no'ox jipbil licom yu'un, oyun ta jvocol scotol c'ac'al.

Lamentaciones 1:22

Chajaluc c'otuc ta aba ta asat ti c'u yepal chopol laj xa spasique. Jech xapasbeic ta stojol yu'un smulic jech c'u cha'al laj apas ta jtojole. Ep xa li'oc', och xa xchamel ti co'nton ta xca'i une.

Lamentaciones 3:32

Ac'o mi ta xac' vocol, sna' xc'uxubinvan xtoc, yu'un mu'yuc spajeb syail xc'uxul yo'nton.

2 Corintios 4:1

Ti jech ta xc'uxul yo'nton yac'ojbuncutic cabtelcutic ti Diose, jech o xal un, mu xichibajcutic ta spasbel ti yabtele.

2 Corintios 4:16

Jech o xal mu xichibajcutic. Ac'o mi lubtsajem xa ta q'uelel ti jbec'tal jtacopalcutique, yacal ta stsac batel yip jujun c'ac'al ti co'ntoncutique.

Gálatas 6:9

Ja' lec ti mu xijlubtsaj ta spasel ti leque. Mi mu xijchibaj ta bee, ta sta sc'ac'alil ta jtsobbetic ti sate.

2 Tesalonicenses 3:13

Mu xalubtsajic ta spasel ti c'usi leque, Jchi'iltac.