Jeremías 4:9 - Bible in Tzotzil de Chamula

⁹ Ti Diose xi ta xale: “C'alal ta xc'ot sc'ac'alil taje, ti ajvalile xchi'uc ti banquilaletique, xnicnunic xa liquel ta xi'el. Ti paleetique mu ech'baj ti xi'el ta xa'iique. Ti j'alc'opetique ta xbat xch'ulelic ta xi'el.”

Bible in Tzotzil de Chenalhó with Deuterocanon

⁹ “C'alal me ic'ot li sc'ac'alil le'e, ta xniquic ta xi'el li ajvalil xchi'uc li banquilaletique. Li paleetique toj batel xch'ulel chc'otic; li j'alc'opetique toj ch'ayel chc'ot yo'ntonic”, xi li Muc'ul Diose.

Jeremías 4:9 Iomraidhean Croise

2 Reyes 25:4

Va'i un, lic sjom loq'uel sbeic ta smocal ti jteclume. Manchuc mi joyobtabil ta maquel yu'un ti caldeoetique, ti ajvalile xchi'uc scotol ti yajsoldadotaque jatavic loq'uel ta ac'ubaltic ta jteclum. Loq'uic ech'el ta ti'na ta stuq'uil ti oy smacoj cha'c'ol moc ta sbelel ts'unbil nichimetic yu'un ti ajvalile. Laj stamic ech'el sbelel stenlejal yu'un ti uc'um Jordane.

Salmos 102:4

Naca xa tsacal ti co'nton jech c'u cha'al yacal ta nucultajel ti momole; mu xa xyal ti ve'el une.

Isaías 19:16

Ti jech yorail taje, co'ol s'elan jun ants ta xc'otic ti egipcio viniquetique. Yu'un batem xa xch'ulelic ta xi'el c'alal ta xilic ta syales yoc sc'ob Dios ti scotol xu' yu'un ta scontrainelique.

Isaías 19:3

Ta xc'ot ta pasel cu'un ta stojolic ta xyanij ti sjol sbaquilique. Ta jtubbe ta be ti c'usi snopojic ta spasique. Va'i un, sjac'anan xa sbaic ta stojol ti sdiosique, ta stojol ti j'ac'-chameletique, ta stojol xch'ulelic ti jlajel jtubeletique, xchi'uc ta stojol ti jt'unvanejetique.

Isaías 28:19

Ta xa sbec'oxuc batel ti jujuten ta xvul ta atojolique. Ta yoc'omal no'ox, ta c'ac'al ac'ubal, ta xvul ta loq'uel. Naca no'ox ta xava'ibeic ti sc'oplalique, xanic xa ta xi'el yu'un.

Jeremías 2:26

Xi ta xal ti Diose: “Ti nijil xa ta xcom ta q'uexlal apun ti j'elec' ta xvinaje, jech nijil chimil ta xcom ta q'uexlal apun ti Israele, ti jteclume, ti ajvaliletique, ti banquilaletique, ti paleetique, xchi'uc ti j'alc'opetic yu'une.

Jeremías 25:34

Avananic un, jq'uel-chijetic, avananic yu'un ti yipal xc'uxule. Ti abainojic ta stojobtasel ti chijetique, baletanic xa liquel ta banomil un. C'ot xa yorail ma' ti milele. Ta xavich'ic milel jech c'u cha'al ti jubemal chije.

Jeremías 37:19

¿Bu oyic ya'yel ti j'alc'opetic ti ta jbel sc'oplal laj yalic ti mu xtal ti ajvalil yu'un ti Babilonia ta stsaquel ta c'op ti jteclum li'e?

Jeremías 48:41

Ti jteclumetique, ti nac'obbailetique, ta x'och ta yoc ta sc'ob ti jcontrainvaneje. Ti j'ac'-letoetic yu'un Moab ta yorail taje, jeche' xniclajetic liquel jech c'u cha'al junuc ants ti xnicnun xa liquel ta xa'ibe xi'elal xc'uxul ti yol ta svoq'uese.

Jeremías 5:31

Ti c'usi ta scaj'alic ti j'alc'opetique, naca jutbil. Ti paleetique, ja' no'ox yac'ojbeic yipal ta spasel mantal ti c'usi xloc' venta ta xa'iique. Loc' ta sa'el avu'un le' une, cuni lumal. Xcaltic taj une, ¿c'usi ta xapasic xana' mi c'ot ti yorail une?’ ”

Jeremías 52:7

Ja' yu'un un, lic sjomic smocal ti jteclume. Ac'o mi joyobtabil lec yu'unic ti caldeoetique, ti ajvalile xchi'uc scotol ti yajsoldadotaque, jatavic loq'uel ta jteclum. Xanavic sjunul ac'ubal. Loq'uic ech'el ta ti'na ti oy ta o'lol chib spac'bale, ti ta x'ech' ta sbelel sts'unbil nichim ti ajvalile. Laj st'unic batel ti be ti ta xc'ot ta stenlejal yu'un ti Jordane.

Hechos 13:41

‘A'yio ava'iic, jna'levanejetic, ch'ayal avo'ntonic xacham xalajic, yu'un oy c'usi yacalun ta spasel ti jech cuxuloxuc li'e, ti mu ch'unbaj ta xava'iic mi oy buch'u ta xalbote’ ”, xi ti Pabloe.