Jeremías 4:5 - Bible in Tzotzil de Chamula

⁵ Ti ta jteclum Jerusalene, xchi'uc ta Judae, oq'uisanic oq'ues ta sjunul ti muc' ta lume. Xi xavaq'uic ta na'el ti tsots ta xa'avanique: ‘La'ic un, batic ta nac'obbail jteclumetic, ba jtsob jbatic.’

Bible in Tzotzil de Chenalhó with Deuterocanon

⁵ “Puquic mantal ta Judá xchi'uc ta Jerusalén; jupanic oq'ues ta scotol avosilalic; avananic, jech xavalic: ‘Batic ta lumetic ti bu lec setbilic ta coraltone, te jnac' jbatic’, chianic.

Jeremías 4:5 Iomraidhean Croise

Isaías 28:19

Ta xa sbec'oxuc batel ti jujuten ta xvul ta atojolique. Ta yoc'omal no'ox, ta c'ac'al ac'ubal, ta xvul ta loq'uel. Naca no'ox ta xava'ibeic ti sc'oplalique, xanic xa ta xi'el yu'un.

Jeremías 11:2

“Ti israeletique, ac'o sts'etan lec xchiquinic bu c'alal ta xac' ta na'el ti trate li'e. Albo ti jnaclejetic ta Judae xchi'uc ti jnaclejetic ta Jerusalene,

Jeremías 35:11

Ti jteclum taje, c'alal och ta yu'ninel ti Nabucodonosor ajvalil yu'un ti Babiloniae, loc' ayan ta co'ntoncutic litalcutic li' ta Jerusalene, yo' ta jpoj jbacutic ta yoc ta sc'ob ti soldado caldeoetique, xchi'uc ti sirioetique. Jech o xal li' nacaluncutic ta Jerusalén.”

Jeremías 5:20

“T'ambeic ya'i ti yajval lum yu'un ti Israele, ti xiuc yalbeic ti jteclum Judae:

Jeremías 6:1

Jnaclejetic ta yosilal Benjamín, sa'ic ti bu xu' ta xanac' abaique. Jatavanic loq'uel ti ta jteclum Jerusalene. Oq'uisanic ti oq'ues ta jteclum Tecoae. Va'anic senyail ta Bet-haquereme, yu'un ta yolon to ti yolon xocon sloq'ueb c'ac'ale, ta xlic talel ti cuxul j'ilbajinvanej ti mu albajuc ta xac' ti vocole.

Jeremías 8:14

Ti jteclum une xi ta xlic yalique: “¿C'u cha'al ti li' no'ox oyotique? Batic jcotoltic ta nac'obbail jteclumetic, j'ech'eluc quich'tic milel. Ti Ajvalil Dios cu'untique sq'ueloj xa no'ox ta xijchamotic. Ta xac'botic cuch'tic vo' ti capbil ta veneno ta scoj ti laj xa jta jmultic ta stojole.

Jeremías 9:12

¿Buch'u xa ono'ox la ti jelavem sbijil ta ya'yibel smelol ti va'i s'elan taje? ¿Mi yu'un oy buch'u ac'bat sna' yu'un Dios ti va'i s'elan taje yo' jech xu ta xalbe ya'i smelol ti yane? ¿C'u cha'al c'ot ta lilijel ti jteclume? ¿C'u cha'al ti c'ot ta taqui banomil ta j'ech'el jech c'u cha'al junuc sbajtical banomil ti mu ja'uc xa oy buch'u ta x'ech' teye?

Ezequiel 7:14

Xtutet xa ta x'ic'van ti oq'ues ta sventa ti letoe. Ta xlic xchapan sba scotolic un. Mi junuc ta stsinbe yipal ti tsacvanej ta letoe. Ta sc'ac'al co'nton ta jtsits ya'iic yu'un stoyobbailic ti israeletique.

Oseas 8:1

Xi ta xal xtoc ti Diose: “Oq'uisanic ti oq'ues jech c'u cha'al junuc jchabivanej jq'uel-osil ti sbainoj ta sq'uelel steclumal ti Diose. Yu'un mu'yuc xc'ot ta pasel yu'unic ti jtratee. C'ajomal no'ox laj stoy sbaic ta stojol ti c'u s'elan laj jchanubtase.

Joel 2:1

Oq'uisanic ti oq'ues ta vits Sione. Oq'uisanic yo' ta xac' ta na'el svinajeb ta ch'ul vits yu'un ti Diose. Nicnunicuc no'ox liquel ti buch'utic nacalic ta jteclum Judae, yu'un jutuc xa sc'an ta xvul ta loq'uel ti xi s'elan ta xc'ot ta pasel ti sc'ac'alil yorail ti Diose:

Amós 3:6

Mi xtutet xa liquel ti oq'ues ta jun jteclume, mu xa stac' a'yeluc ta xa'i c'usi xu' ta spas ti jteclume. Mi oy c'usi chopol c'ot ta pasel ta jun jteclume, yu'un jech c'ot ta nopel yu'un ti Diose.

Amós 3:8

¿Mi yu'un la oy buch'u mu sna' xnic ta xi'el ti c'alal xloquet no'ox snuc' ti leone? ¿Mi yu'un la oy buch'u mu xalbe sc'oplal Dios ti c'alal ja' ta xal ti mantale?

Números 10:2

“Meltsano chibuc plata taq'uin oq'ues ti anbil ta yanobile, ti ja' ta xtun avu'un ta sventa stsobel talel ti jnaclejetique, ti ta xac' ta na'el ti ta stam batel ti sbeique.

Números 10:3

C'alal ta xich' oq'uisanat chibal ti oq'uese, scotol ti jteclume ta stsob sbaic talel ta atojol ta ochebal sti' ti Axibalna ti bu nupel ta be xchi'uc ti Diose.

Josué 10:20

Ti Josuee xchi'uc ti israeletic ti laj xa stsutsesic ta j'ech'el ti amorreoetique, ep no'ox laj smilic ta j'ech'el. Ja'uc ti buch'u cuxul to comic ti amorreoetique, bat snac' sbaic ta slumalic.