Jeremías 4:12 - Bible in Tzotzil de Chamula

¹² Ti ta scoj taje, tsots ta j'ech'el ta jtac talel ti iq'ue. Ta xcal ta jamal ti mu xa ono'ox xcolic ta j'ech'ele.”

Bible in Tzotzil de Chenalhó with Deuterocanon

¹² Li ic' ti ta jmantal ta xtale bats'i ven tsots, ven xi'bal sba; vu'un chcal jtuc ti ja' jech li stojol mulil chtal ta stojolique”, xi li Muc'ul Diose.

Jeremías 4:12 Iomraidhean Croise

Salmos 11:6

Ti Diose ta xac' talel tilemal ac'al, xchi'uc c'oc' ta xtil ta azufre ti ta slamanbe talel ta stojolic ti buch'u toj chopolique, xchi'uc ta xac' taluc jchic'vanej ic' yo' ta xchic' scotol. Loc' ta sa'el yu'unic ti ta x'ac'batic stojic yu'un ti Diose.

Jeremías 1:16

Ta scoj taje, chapalun ta yac'bel ya'i stojic ti jsa'muliletic ti laj svalopatinicun comele, ti laj yich'ic ta muc' ta xchic'bel pom ti jyanlum diosetic ti laj sloc'taic ta meltsanel ti stuquique.

Jeremías 4:11

C'alal ta xc'ot xa yorail taje, xi ta xlic yich' albel ti jnaclejetic ta Jerusalene: “Ti ic' ta xlic talel ta sbajtical banomile, toj q'uixin ta jmec ti xvuch'et no'ox ta xtal ta stojol ti jteclumale. Ma'uc ti siquet no'ox yutsil ta xtun ta sventa yic'ael solepal ti trigoe.

Jeremías 4:13

Q'uelo avilic, ti jcontrainvaneje xvolet no'ox talel jech c'u cha'al junuc toc. Ti scarretaic sventa ti pasob letoe, co'ol s'elan sutub ic' ti sts'otobaj no'ox talele. Ti sca'ique xvilet no'ox talel, ja' mu sta xvil ti muc' ta xique. Mu xa ono'ox cha'bel, ja' to lijlaj un.

Jeremías 51:1

Ti Diose xi ta xale: “Ta jtac talel jmilvanej ic' ta scontrainel ti muc' ta lum Babilonia ti jnaclej caldeoetic yu'une.

Ezequiel 5:8

Jech o xal ti vu'un Diosune xichi ta xcale: Ta xlic jcontrainot ava'i, Jerusalén. Ta sba ta sat yan muc'tiquil lumetic jbel xi c'opoj ta scontraineloxuc,

Oseas 13:15

Ac'o mi yepal no'ox c'usi x'ayan yu'un ti Israel jech c'u cha'al ts'o'ol ta nich ti momole, ta xmajat yu'un ic' ti ta xlic talel ta sloq'ueb c'ac'ale, ti xjumet no'ox ti ta xlic talel ta sbajtical banomile. Ja' yu'un un, ta xlic taquijuc, ta xlic uluc ti tuquem vo'etique. Yu'un ti sc'ulejal ti toyolic stojol ti c'usitic c'upilic sba ti oy yu'une, ta xbec'bat batel ta elc'anel yu'un ti yajcontrae.

Habacuc 1:11

Co'ol to s'elan junuc sutub ic' ti xvoletic no'ox ochele; ja' no'ox xrioxinojic o ta xa'iic ti oy yipal yu'unique.”