Jeremías 4:11 - Bible in Tzotzil de Chamula

¹¹ C'alal ta xc'ot xa yorail taje, xi ta xlic yich' albel ti jnaclejetic ta Jerusalene: “Ti ic' ta xlic talel ta sbajtical banomile, toj q'uixin ta jmec ti xvuch'et no'ox ta xtal ta stojol ti jteclumale. Ma'uc ti siquet no'ox yutsil ta xtun ta sventa yic'ael solepal ti trigoe.

Bible in Tzotzil de Chenalhó with Deuterocanon

¹¹ C'alal me ic'ot yorail le'e, ja' jech chich' albel li lum li'i xchi'uc li Jerusalene: “Muc'ta q'uixin ic' ta xtal ta stojol li jteclumale, ja' te chlic tal ta vitsetic ta xocol banamil; li iq'ue mu ja'uc no'ox jech chac c'u cha'al li ic' sventa chich' ic'ael o trigoe.

Jeremías 4:11 Iomraidhean Croise

Oseas 13:15

Ac'o mi yepal no'ox c'usi x'ayan yu'un ti Israel jech c'u cha'al ts'o'ol ta nich ti momole, ta xmajat yu'un ic' ti ta xlic talel ta sloq'ueb c'ac'ale, ti xjumet no'ox ti ta xlic talel ta sbajtical banomile. Ja' yu'un un, ta xlic taquijuc, ta xlic uluc ti tuquem vo'etique. Yu'un ti sc'ulejal ti toyolic stojol ti c'usitic c'upilic sba ti oy yu'une, ta xbec'bat batel ta elc'anel yu'un ti yajcontrae.

Ezequiel 17:10

Manchuc mi ta to xich' cha'ts'unel, mu xa cha'bel xq'uelomaj. Ta xtaquij o yu'un ic' ti ta x'ech' majeuc ti ta xlic talel ta sloq'ueb c'ac'ale. J'ech'el ta xtaquij o ti bu oy sc'oplal ta xch'i talel ti sq'uelomtaque.’ ”

San Lucas 3:17

Yu'un stsacoj xa ti yic'aobil strigoe yo' ta st'ujbe loq'uel ti sc'a'epale. Ta sq'uej ta yavil ti trigoe. Ti sc'a'epale ta xchic' ta c'oc' ti bu mu xtube.

San Mateo 3:12

Ti Buch'u ta ts'acal to ta xtale stsacoj xa ti yic'aobil trigoe. Ta st'ujbe loq'uel ti sc'a'epale yo' naca trigo ta xcom. Ti t'ujbil trigoe ta sq'uej ta yavil. Yan ti sc'a'epale ta xich' chiq'uel ti bu mu xtub ti c'oq'ue.

Oseas 13:3

Ja' yu'un un, ti stuquique c'otemic jech c'u cha'al yalemal toc ta sob ic'luman. C'otemic jech c'u cha'al sts'ujulal job ac'ubal ti sob no'ox ta xch'ay batele. C'otemic jech c'u cha'al c'a' jobel ti cuchbil ta xbat yu'un ti iq'ue. C'otemic jech c'u cha'al ch'ail ti xtomet no'ox ta sac ch'ay ti bu ta xmuy batele.

Ezequiel 19:12

Laj sjipic loq'uel ta scapemalic, yal yu'unic ta lum un. Taquij yu'un ic' ti lic talel ta sloq'ueb c'ac'ale, yal ta lum ti sat une. Ti sc'obtac stsacoj yip xchi'uque, taquij, laj sjipic ochel ta c'oc'.

Lamentaciones 4:6

Smul scolo' ti muc' ta lum yu'un ti jteclumale, jc'ol to mu sta smul scolo'ic ti Sodomae, ti ta jech to yepal ta jliquel lilijem com ti mu'yuc buch'u tsacun ta leto yu'une.

Lamentaciones 4:3

Ja'uc ti me' oq'uile ta to xac' xchu' yo' ta xchu'iltas ti yalabtaque, yan ti jnaclejetic yu'un ti jlumale, jti'oval ta j'ech'el, co'ol s'elan jech c'u cha'al spucujil ti j'anilajel-mut ti oy ta sbajtical banomile.

Lamentaciones 3:48

Co'ol s'elan jun uc'um xmal no'ox ti ya'lel jsat ti lilij ti cuni teclumal ti mu tuch'baj ta co'ntone.

Lamentaciones 2:11

Mu xa cha'bel xquil osil yu'un ti oq'uele, mu xa tsacaluc ta xca'i ti co'ntone. Mu'yuc xa jchi'uc jch'ulel c'alal ta xquil lilijem steclumal ti jvinquileltaque, ti buyuc xa no'ox ta xquil chamemic ta bebetic ta scoj vi'nal ti jchu'nel ololetique.

Jeremías 23:19

Scapemal ti Diose, co'ol s'elan jech c'u cha'al tsots ic' xchi'uc ya'lel, xjuch'et no'ox liquel ta stojol ti buch'u mu'yuc xch'ulel xa'i sbae.

Jeremías 14:17

“Xi xcholet xavalbe ya'i ti jteclumale: ‘C'ac'al ac'ubal xmalmun ma' ti ya'lel jsat une, ta scoj ti q'uelel xa talel svocol ti jlumale, ti spajeb xa no'ox yipal ti svocol ta stae.

Jeremías 9:7

Jech o xal ti vu'un Diosun ti scotol xu' cu'une, xi ta xcale: ¿Mi oy to la c'usi stac' ta jpas ta stojol ti jteclumal li' une, ja' xa xna'un xa'iic ta jtiq'uic ochel ta c'oc' yo' ta xtuq'uibique?

Jeremías 9:1

Ti jechuc la s'elan ti co'oluc s'elan sat vo' xtuctun ta xloc' ti ya'lel jsate, c'ac'al ac'ubal unbi ta xi'oc' ta scoj ti animaetic yu'un ti jteclumale.

Jeremías 8:19

Xvinaj ta sjunul lum ti xi x'avlajetic ti jteclumale: “¿Mi mu'yuc xa li' oy ta jteclum Sión ti Diose? ¿Mi ch'abal xa ti ajvalil yu'une?” Ti Dios une xi ta staq'ue: “¿C'u cha'al laj asoquesbeicun co'nton ta scoj lic anijan achiman abaic ta yich'el ta muc' ti loc'obbailetique, diosetic ti mu'yuc c'usi xu' yu'une, ti yan o ta j'ech'ele?”

Isaías 64:6

Jcotolcutic co'ol j'elancutic jech c'u cha'al jun vinic ti oy sc'oplal mu stac' nopele. Scotol ti c'usi lequil abtel laj jpascutique, jun yic'al ta j'ech'el jech c'u cha'al ic'al c'a' poq'ue. Xitanetcutic ta bajel jech c'u cha'al junuc yanal te' ti coquijem xa yu'un ti staquinale, ti xivalc'uj sutbijcutic ech'el yu'un yic'al ti c'usi chopol ta jpascutique.

Isaías 41:16

Natic to xvilte-vilte muyel avu'unic ta toyol. Va'i un, cuchbil ta xbat yu'un ti iq'ue, ti bec'bil ta xbat yu'un ti sutub iq'ue. Jech ti vo'ot une, xlaet no'ox liquel avo'nton ta stojol ti Diose, ti atuc xa no'ox jech ti mu'yuc c'usi xana' ta xava'i ta stojol ti ch'ul Dios yu'un ti Israele.

Isaías 27:8

Ti Diose laj stsits ti slumal ti laj stac loq'uel ta sbanomilique. Tsots laj xvuch'ta loq'uel jech c'u cha'al tsots ic' ta xlic talel ta sloq'ueb c'ac'ale.

Isaías 22:4

Jech o xal xichi laj cale: Q'uejo aba loq'uel ta jtojol, yu'un ta jc'an ta jmil jba ca'i ta oq'uel. Mi ja'uc jc'an patbel co'nton yu'un ti c'usi chopol ta xc'ot ta jteclumale.

Lamentaciones 4:10

Ti antsetic ti oy slequil yo'ntonique, ta jech yepal lic slacan ti yolique. Laj stunesic ta ve'lil ma' ti yolic ti yacalic ta vi'nal ti muc' ta lum yu'un ti jteclumale.

Salmos 11:6

Ti Diose ta xac' talel tilemal ac'al, xchi'uc c'oc' ta xtil ta azufre ti ta slamanbe talel ta stojolic ti buch'u toj chopolique, xchi'uc ta xac' taluc jchic'vanej ic' yo' ta xchic' scotol. Loc' ta sa'el yu'unic ti ta x'ac'batic stojic yu'un ti Diose.

Jeremías 4:12

Ti ta scoj taje, tsots ta j'ech'el ta jtac talel ti iq'ue. Ta xcal ta jamal ti mu xa ono'ox xcolic ta j'ech'ele.”

Jeremías 13:24

Jech o xal un, ta jvajoxuc ta taniel ech'el jech c'u cha'al ti yacan trigoe, ti cuchbil ta xbat ta ic' ti ta xlic talel ta sbajtical banomile.

Habacuc 1:6

Ta xlic jpas ti ta xlic xchapan sbaic ta ac'-leto ti caldeoetique, ti ja' jun jnaclejetic ti mu'yuc xch'ulelic ta j'ech'ele, ti toj lec xa'iic ta xaniel ti banomil ta jujujote, yo' jech ta xu'ninic ti banomil ti c'alal ma'uc yu'unique.

Habacuc 1:11

Co'ol to s'elan junuc sutub ic' ti xvoletic no'ox ochele; ja' no'ox xrioxinojic o ta xa'iic ti oy yipal yu'unique.”

Oseas 4:19

Tacoltael xa'iic ech'el yu'un ti tsots iq'ue. Q'uexlaltasbil ta xc'otic ta scoj ti sloc'tabil diosique.