Jeremías 4:10 - Bible in Tzotzil de Chamula

¹⁰ Xichi laj cal une: “Mu xa ono'ox cha'bel un, Dios, yu'un laj xa alo'la ti jnaclejetic yu'un ti jteclum Jerusalene. Laj avalbe ya'i ti ta staic ta xlamaj ti c'ope. Le' une, c'ajomal no'ox q'uelel ta stojolic ti cuchilu xve' yu'un ti snuq'uique.”

Bible in Tzotzil de Chenalhó with Deuterocanon

¹⁰ Jech laj cal: “¡Ay, Muc'ul Dios, toj ech'em laj alo'la li jchi'iltac li'i xchi'uc li jchi'iltac te ta Jerusalene! Yu'un avalojbe ti chavac'be jun yo'ntonique, pero xco'laj xchi'uc tijil xa espada ta sbec'talic”, xcut.

Jeremías 4:10 Iomraidhean Croise

Éxodo 5:22

Ja' yu'un un, ti Moisese xi laj yalbe Dios c'alal laj sta ta c'oponele: —Cajval, ¿c'u cha'al ta xavac'be svocol ti anich'nabe? ¿C'u cha'al laj atacun talel?

Éxodo 9:14

Avi tana li'e, ta xcac' taluc scotol ti vocol ta atojole, ta stojol ti avaj'abteltaque, xchi'uc ta stojol ti avinquileltaque, yo' jech xana' ti mu'yuc buch'u jech yan ti li' ta banomil jech c'u cha'al ti vu'une.

Isaías 30:10

Ti buch'u jamal sba satique, xi ta x'albatique: “Mu me ave'icuc xa ta yalel ti c'usi jam aba asatic ta yilele.” Xi ta x'albatic ti j'alc'opetique: “Mu xavalic ti c'usi melel la'ac'bat anopique. Albuncutic no'ox ti c'usi xtal ta ajolique. Mu xamacbuncutic ta be ti c'usi batem co'ntoncutic ta sc'upinele.

Isaías 37:35

Ta jtic' jba ta spojel ti jteclum li'e ta sventa ti mu tuch'baj ta co'nton ti cajtunel Davide, xchi'uc ti ich'bil ta muc' ta xc'ot ti jc'oplale.’ ”

Isaías 63:17

Dios, ¿c'u cha'al ta xavac' ave ati' ta stamel ech'el ti yan jbecutic une? Dios, ¿c'u cha'al ta xavac' pucujibuc co'ntoncutic ti ta xc'ot ta pasel ti mu xa xajxi'tacutique? Lajuc tubuc sc'oplal avu'un le' une. Ayanuc syail xc'uxul avo'nton yu'un ti avajtuneltaque xchi'uc ti jujuvoc' ti ja' avu'untaque.

Jeremías 1:6

Ti vu'une xi laj jtac'bee: “Teque' no'ox ch'a unbi, Dios, uni jch'ielun to, mu jna' xic'opoj.”

Jeremías 23:17

Ti buch'utic ta sten ta sbaj ti jc'ope, xi ta xalbeique: ‘Lec ta xc'ot ta loq'uel avu'unic scotol.’ Ti buch'u ta spucujilic ta sts'acliic ta spasel ti c'usi ta xal ti yo'ntonique, xi ta xalique: ‘Mi jutebuc oy c'usi chopol ta xc'ot ta atojolic un.’ ”

Jeremías 32:17

‘Cajval, ti ta sjunul amuc'ul atsatsal laj ameltsan ti vinajele ti banomile. Ma'uc ma' ti mu'yuc c'usi ta xc'ot ta pasel avu'une.

Jeremías 4:18

“Ti c'u s'elan ti atalele, ti c'usi ta xapase, ja' ta scoj ti jech c'ot ta atojole. Yu'un ti c'usi chopol apasoje, ja' me yutsil ti va'i s'elan c'ot ta atojol une, ti xbiet no'ox ti avo'nton yu'une.”

Jeremías 5:12

Ti Israele xchi'uc ti Judae mu'yuc ta venta c'ot yu'unic ti Diose, yu'un xi ta xalique: “Ti Diose mu'yuc laj sna'. Mu'yuc c'usi ta xc'ot ta jtojoltic. Mu xvul ta loq'uel ti letoe, ti vi'nale.”

Jeremías 6:14

Xaval yilele, co'ol s'elan xa'ibeic yipal xc'uxul syayijemal ti jteclumale. Yaleluc xa yu'un ti lec oy scotole c'alal mu jechuque.

Jeremías 8:11

Ta xavalic ti lec oy scotole, c'alal mu'yuc c'usi lec ta xc'ot ta pasele, naca no'ox ta xavac'be xchi'il syayijemal ti jteclumale.

Lamentaciones 2:21

Xvinaj ti buyuc no'ox telel ta bebetic ti jva'lej viniquetique, ti moletique. Ti jquerem jtsebtac une lajic ta milel ta espada. Yorail lic ti c'ac'al sc'ac'al avo'ntone, jloq'uel abtel laj ayayijes, mu xa na'etuc laj amil.

Ezequiel 11:13

C'alal jech yacal to ta xic'opoj ta sventa Dios ta stojolique, ti Pelatías xnich'on ti Benaiase, xnijij yalel un, toj chamel c'ot. Ti vu'une jnupilan xa banomil laj jquejan jba, ti xi tsots li'avane: “Teque' no'ox xch'a un, Cajval. ¿Mi ta jbel xa avo'nton ta xatsutses ti vi xa no'ox yepal oy ti Israele?”

Romanos 1:24

Jech o xal ac'bat comel ta sbaic yu'un Dios ta spasel ti sbolil yo'ntonique, ti q'uexlal sba c'usitic lic spasbe sbaic ta jujun tale.

Romanos 1:26

Jech o xal un, ti Diose laj yac'be comel ta sbaic ti c'usitic q'uexlal sba ta pasele. Ti antsetic eque, ma'uc ta xchi'in sbaic ta xchi'inel ti bu albil sc'oplal stac' xchi'ine, lic xchi'in sba stuquic.

Romanos 1:28

Ti jech mu sc'an sbic'tajes sbaique, ti mu'yuc c'usi bal o ta xa'iic ti Diose, ac'batic comel ta sbaic ta spasel ti c'usi mu stac' pasele.