Jeremías 4:1 - Bible in Tzotzil de Chamula

¹ Ti Diose xi ta xale: “Israel, mi xac'an to xasutes aba, mu yanuc bu xatam batel, tuc' xasut talel ta jtojol. Mi j'ech'el laj aten loq'uel ti j'ac'-vocol loc'obbailetic avu'une, mi mu xach'ac aba ta jtojol,

Bible in Tzotzil de Chenalhó with Deuterocanon

¹ Jech chcal vu'un li Muc'ul Diosune: “Israel, me chac'an chasut tale, la' me li' ta jtojole. Me chajip comel ta avo'nton li c'usi toj chopol chquile, me mu xabat ta buyuc no'oxe,

Jeremías 4:1 Iomraidhean Croise

Génesis 35:2

Va'i un, ti Jacobe xi laj yalbe ya'i ti c'u yepalic ta nacleje xchi'uc scotol ti c'u yepal oy ta stojole: —Loq'uesic scotol ti jnabel diosetic ti c'u yepal oy avu'unique. Atinanic, jeltao lec ac'u'ic.

2 Reyes 23:13

Ti ajvalile mu xa sc'an sq'uelbe sat ti c'opojebaletic ti oy ta yeloval sloq'ueb c'ac'al yu'un ti Jerusalene, ti oy ta stuq'uil yolon ti yac'ol xocon sloq'ueb c'ac'al yu'un ti vits olivose, ti ja' meltsanbil comel yu'un ti Salomón ajvalil yu'un ti Israele. Ti june, ja' ta sventa ti Astarte j'ac'vanej ta vocol ch'ul me'il yu'unic ti sidonioetique. Ti june, ja' ta sventa ti j'ac'vanej ta vocol loc'obbail Quemos dios yu'unic ti moabitaetique. Ti june, ja' ta sventa ti j'ac'vanej ta vocol loc'obbail Milcom dios yu'unic ti amonitaetique.

2 Reyes 23:24

Ti Josiase j'ech'el laj stubbe sc'oplal ti j'ac'-chameletique, ti jt'unvanejetique, ti chabibil loc'obbailetique, ti c'usitic yan loc'obbailetique, xchi'uc scotol ti c'usitic spajebal o chopol ta xil ta sba ta sat ti Diose, xchi'uc ti c'usitic xvinaj lec ta stunesic ta pasob q'uin ta Judae xchi'uc ta Jerusalene. Ja' jech laj spas yo' jech ta xc'ot ta pasel yu'un scotol ti c'usi ts'ibabil ta jpoc svunal yu'un ti c'usi jbel albil ti laj sta ti pale Hilcías ta yut xch'ulna ti Diose.

2 Crónicas 15:8

C'alal laj ya'i ti Asa ti va'i s'elan a'yej yu'un ti j'alc'ope, ayan to yip ti yo'ntone. Lic slilin loq'uel ti loc'obbail diosetic ti oy ta sjunlej sbanomil ti Judae, xchi'uc ti ta Benjamine, xchi'uc ti ta jteclumetic ti laj yu'ninan ta svitsal yosil ti Efraine. Lic xcha'meltsan ti yaltar Dios ti oy ta ochebal sti' xch'ulna ti Diose.

2 Crónicas 33:8

Mi ja'uc xa ta jten loq'uel ta osil ti israeletic ti bu laj cac' nacliicuc ti smolmuc'totique, mi ta xc'ot ta xch'unel yu'unic scotol ti c'u s'elan caloje, xchi'uc scotol ti c'u s'elan chanubtasbilic cu'une, ti oy c'usi jbel tsots albil cu'une, xchi'uc ti nopbil cu'une, ti laj cac'beic ta sventa ti Moisese.”

2 Crónicas 34:33

Ti Josías une laj stubbe sc'oplal ti c'usitic chopol liquem yu'unic ta scotol yosilal ti israeletique. Laj yal mantal ta scotol c'u yepal oy ta Israele, ti c'otuc ta pasel yu'unic c'u s'elan ta ich'el ta muc' ti Ajvalil Dios yu'unique. Ti c'u sjalil cuxule, mu'yuc laj xch'ac sbaic ta stojol ti Ajvalil Dios yu'un ti smolmuc'totic ta vo'nee.

Isaías 31:6

Sts'unubal snitilul Israel, sutanic talel ta stojol ti Buch'u ep laj xa asa'beic ti sti'ole.

Jeremías 15:19

Va'i un, ti Diose xi laj stac'bune: “Mi ta xasut talel ta jtojole, jun co'nton xu' ta xacha'tun cu'un. Mi ta xavicta aba ta yalel ti c'usitic jeche' no'oxe, ti ja' no'ox ta xlic avalilan ti bu xloc' ventae, ta xac'opoj batel ta jventa. Yu'un tsots sc'oplal ti suticuc talel ta atojole, ma'uc vo'ot ta xabat ta stojolic.

Jeremías 15:4

Ta xc'ot ta pasel cu'un ti ta aventaic mu xa c'usi x'ech' o ta xa'iic xi'el scotol ti muc'tiquil lumetic ta banomil ta scoj ti c'usi chopol laj spas ta jteclum Jerusalén xnich'on ti Ezequiase, ja' ti Manasés ajvalil yu'un ti jteclum Judae.

Jeremías 18:11

“Albo ya'i un cha'e ti yajval lum Judae, xchi'uc ti jnaclejetic yu'un ti jteclum Jerusalene, ti xi ta xcal ti vu'un Diosune: ‘Yacalun ta xchapanel ti c'usi ta xava'iic cu'une. Yacalun ta snopel ti ta xajtsitsoxuque. Comtsanic xa ti bu chopol atamojic batele. Tuq'uibuc ta q'uelel ti atalelique, ti c'usitic ta xapasique.’

Jeremías 24:9

Ta xcac' c'otuc ta stojolic ti ta xbat xa xch'ulelic ta xi'el scotol ti yan muc'tiquil lumetic oy ta banomile. Ti bu tan puc ta xbatic cu'une, xvic' to satil yu'unic ti nijil chimilic ta q'uexlale, ti bajbil tenbile, ti bisbilic ta cotol chavale.

Jeremías 25:5

Yu'un ti stuquique xi laj yalboxuque: ‘Ictaic xa ta spasel ti c'usi mu'yuc smelole, ti c'usitic chopole, ja' to jech xu' xanaquiic ta banomil ti bu laj avich'ic ac'bele, ti ac'bil ono'ox comel yu'un Dios ti atot ame'ic ta vo'nee.

Jeremías 3:1

Ti Diose xi ta xale: “Mi oy jun vinic ta sutes ti yajnile, mi malij ta yan ti ants laj sbaje, ti sba vinique mu xu' ta xcha'ic'. Ti jech taje, mu ts'icbaj lec ta xa'iic ti jteclume. Ja'uc ti vo'ot une, Israel, xloc' x'och ti avajval yu'unic ta c'upinele. Tana une, ta to xasut ava'i talel ta jtojol un. Ti vu'un Diosune, mu lo'iluc no'ox ma' taje.

Jeremías 3:12

Batan, xi xc'ot avalbe ya'i ti lo'il a'yej jech c'u cha'al li'e, ti xi aq'ueloj batel ta stuq'uil ti yolon ti yolon xocon sloq'ueb c'ac'ale: ‘Ti Diose xi ta xale: Sutan talel ta jtojol, toyobba Israel. Mu xanop ti yanijem jol co'nton mi ta xasut talel ta jtojole. Mu xanop ti ilinemun ta j'ech'ele. Yu'un oy yutsil slequil co'nton. Yu'un vu'un ti Diosune, mu stselbuj ti jc'ope.

Jeremías 3:14

Ti Diose xi ta xale: “Sutanic talel, toyobba nich'nabiletic, yu'un cu'unoxuc. Ta xquic' ta jtojol jun ta jujun jteclum. Ta xquic' ta jtojol cha'vo' ta jujuchop nitiluletic ti ta xcac' suticuc ta jteclum Sione.

Jeremías 3:22

Sutanic talel ta jtojol, toyobba nich'nabiletic, yu'un ta jpoxtaot ti vi a'elan yu'un ti atoyobbaile.” Ti israeletique xi ta xalique: “Li' xa oyuncutique, litalcutic xa ta atojol, yu'un ti vo'ote, Diosot cu'uncutic.

Jeremías 35:15

Yu'un ta ono'ox jtaquilan talel ta atojolic scotol ti cajtunel j'alc'optac ti xi ta xalboxuque: Ictaic comel ti chopol avo'ntonique, ti chopol ti c'usi ta xapasique. Mu xanijan xachiman abaic ta sts'acliel ti yan diosetique yo' mu'yuc c'usi xana'ic ta naclej ta banomil ti laj cac'boxuque, ti laj cac'beic ti atot ame'ic ta vo'nee. Mi ja'uc laj avaq'uicun ta venta. Mi ja'uc laj ach'unbeicun un.

Jeremías 36:3

C'alal mi laj ya'iic scotol Judá ti va'i s'elan jnopoj ta jtac talel ta stojolic ti cuxul j'ilbajinvanej vocole, yic'al nan xictaic ti c'usi chopol yac'oj sjolic ta spasele. Jech xu' to ta jch'aybe ti xchopolalique, ti smul scolo'ique.”

Jeremías 4:4

Jnaclejetic yu'un jteclum Judá, xchi'uc jteclum Jerusalén, ich'ic ti circuncísione, ojtiquinicun ti vu'un Ajvalilune. C'otuc ta avo'ntonic senyail ti jtratee, naca me ta scojuc achopolalic ta xlic tiluc ti sc'ac'al co'nton jech c'u cha'al junuc c'oc' ta xtile, ti xvo'o'et no'ox liquel ti mu'yuc buch'u xu' ta xtub yu'une.

Jeremías 7:3

Xi ta xal ti Ajvalil Dios yu'un Israel ti scotol xu' yu'une: ‘Tuq'uibuc ti acuxlejalique xchi'uc ti c'usi ta xapasique. Jech ta to xcac' ch'ian c'opojanic li' ta banomile.

Jeremías 7:5

‘Mi ta xtuq'uib ti acuxlejalique, ti c'usi ta xapasique, ti lec tuc' ti c'usi ta xapasbe abaic ta jujun tale,

Jeremías 7:7

va'i unbi, ta to xcac' ch'ian c'opojanic li' ta banomil ti bu laj cac'beic ta j'ech'el ti atot ame'ic ta vo'nee.

Ezequiel 11:18

Jech ti stuquique ta sutic talel ta slumal stuquic. Jech xtoc un, tey ta xlaj sc'oplal yu'unic ti c'usitic mu xtun ti yac'ojbeic to ox yipal ta spasele, xchi'uc ti c'usi mu xtun ta q'uelel ti oy ta stojolique.

Ezequiel 18:13

Ti xi s'elan ta spase, ti ech'em sjol ta xac' ta ch'om ti staq'uine, ti ta sujvan xa xchi'uc ti sjole, laj c'op ma' ti ta xcuxi ti vinic taje, yu'un laj xa spas scotol c'usi mu lecuc ta xquile, j'ech'el ta xcham. Laj yac'be sba svocol stuc, xvalc'uj sutbij ti lum ach'el yu'une.

Ezequiel 43:9

Sjipic stenicuc loq'uel ti xchopolal ta jtojole, ta sva'anel sloc'obbail ti ajvaliletic yu'unique. J'ech'el ta xinaqui ta stojolic un.

Oseas 14:1

Israel, cha'ac'o aba ta ventainel yu'un ti Ajvalil Dios avu'une, yu'un layal xa ta lum ta scoj ti amule.

Oseas 2:2

Ti Diose xi laj yale: “Tic'beic ya'i smul ti ame'ique, tic'beic ya'i smul. Ma'uc xa cajnil. Mi ja'uc xa smalalun. Lajuc sc'oplal ti vinajem ti sbolomalinoj sbae. Lajuc sc'oplal ti ta xmeyilanat yu'un ti xch'ayobil sjol yo'ntone.

Oseas 7:16

C'ajomal no'ox sutic batel ta snijanel xchimanel sbaic ta stojol ti diosetic ti meltsanbil ta c'abale. Yu'un co'ol s'elanic jech c'u cha'al junuc xot-xot yolob ti mu tuc'uc ta xc'ot ti bu bijil satibil ech'ele. Ti jech mu'yuc stuq'uil smelol ta xc'opojique, espada xa'i xcham xlajic ti banquilaletic yu'unique. Jech xtoc ta me xich'ic labanel ti ta jteclum Egiptoe.”

Joel 2:12

Ja' yu'un un, xi ta xal ti Diose: “Avi tana le' une, sjunuluc avo'ntonic, sutanic talel ta jtojol; ictao avotic, oc'anic, avananic xtoc.”

Zacarías 1:4

Mu me jechuc xapasic jech c'u cha'al laj spasic ti atot ame'ic ta vo'nee, ti albatic yu'un ti ba'yel j'alc'opetic ti c'opojic ta jventae, ti ac'o yicta sbaic ta spasel ti c'usi mu lecuc ta q'uelele, ti c'usitic chopol ta spasique. C'u stu un, ti stuquique mi ja'uc laj xchiquintabeicun, mi ja'uc laj xch'unbeicun. Mu me lo'iluc no'ox ta xcal ti vu'un Diosune.

Deuteronomio 27:15

‘Bac svocol chamuc ta banomil ti buch'u ta smeltsan ti sdiostaque, mi oy c'usi unijesbil ta taq'uin ta sloc'tae, mi ta xac' ta meltsanel ti oy bu c'otem ta pasel ti snac'oj xa leque. Ti jech taje, toj chopol ta xil ti Diose.’ Xi ta stac' scotol ti lume: ‘Jechuc.’

Deuteronomio 4:30

Ta slajeb ta scotol un, mi cuch avu'un scotol ti vocoletic taj une, ti ilbajinele, ti vul o'ntone, ti mi lasutic talel ta stojol ti Diose, ti j'ech'el mu tuch'baj ta avo'ntonique,

Josué 24:14

—Ta sventa ti jech scotol le' une, xi'taic ti Diose. Ta stuq'uiluc ajol, ta sjunuluc avo'nton, ac'o abaic ta tunel ta stojol. Ma'ucuc me ti teq'uel ta xc'ot ta avo'ntonic ta yich'el ta muc' ti diosetic ti laj snijan xchiman sbaic ta yich'el ta muc' ti amolmuc'totic ti oyic to ox ta ti' uc'um Eufratese, xchi'uc ti ta Egiptoe. C'ajomaluc no'ox me, ac'o abaic ta tunel yu'un ti Dios stuque.

Jueces 10:16

Jech ti israeletique lic stubbeic sc'oplal ti jeche' diosetique yo' jech ta xlic yich'ic ta muc' ti Dios yan veltae. Jech ti Diose mi ja'uc xa ts'icbaj ta xa'i ti ilbajinbilic ti israeletique.

1 Samuel 7:3

Taj une, ti Samuele xi laj yalbe ya'i ti israeletique: “Mi ta sjunul avo'ntonic ta xasutic talel ta stojol ti Diose, tsots sc'oplal ta xatenic loq'uel ti yan diosetique, xchi'uc sloc'obbail ti Astartee, ti ta xavac' abaic ta tunesel yu'un ti Diose. C'ajomal no'ox stuc ta xavaq'uic ta ich'el ta muc'. Va'i un, ti stuque ta spojoxuc loq'uel ta yoc ta sc'ob ti contrainbiloxuc yu'un ti filisteoetique.”