Jeremías 39:2 - Bible in Tzotzil de Chamula

² Ta sbalunebal (9) c'ac'al yu'un ti xchanibal (4) ue, ti ja' xa sbuluchibal (11) jabil yochel ta ajvalilal ti Sedequiase, ja' o och ta jteclum ti jcontrainvanej soldadoetique.

Bible in Tzotzil de Chenalhó with Deuterocanon

² Ta sbalunebal c'ac'al yochel xchanibal u ta xbuluchibal (11) jabil yochel ta ajvalilal ta Judá li Sedequiase, ja'o ijam ochel yu'unic Jerusalén li soldadoetique.

Jeremías 39:2 Iomraidhean Croise

Jeremías 1:3

Ja' jech xtoc c'oponat c'alal tiq'uil ta ajvalilal ti Joacim xnich'on ti Josías ajvalil yu'un ti jteclum Judae, ti jech o staoj yav ta xc'opanat c'alal tiq'uil ta ajvalilal ti Sedequiase, ti ja' o xa sts'aqui sbuluchibal (11) jabil yochel ta ajvalil ti Josías ta Judae, ti xcaltique, ta yo'obal (5) xa ox u ta sjabilal c'alal bec'bil loq'uic ta slumalic ti jnaclejetic yu'un ti jteclum Jerusalene.

Jeremías 32:1

C'alal slajunebal (10) xa jabil yochel ta ajvalilal ti Sedequías ta lum Judae, ti ja' o xa xvaxaclajunebal (18) jabil xtoc yochel ta ajvalilal ti Nabucodonosore, c'oponat talel yu'un Dios ti Jeremiase.

Jeremías 34:22

Ta xcalbe mantal ti suticuc talel ta scontrainel ti jteclum li'e, ti svoluc sbaic ta stojole, ti yu'ninicuque, xchi'uc ti stsanbeicuc ti sc'ac'ale. Ta xc'ot ta pasel cu'un ti sts'ijlajan ta xcom ti jteclumetic yu'un ti Judae, ti mu ja'uc xa junuc ti jnaclejetic ta xcom yu'une. Ti vu'un Ajvalilune, mu me lo'iluc no'ox ta xcal.”

Jeremías 37:8

Ti caldeoetic une ta sutic talel ta stsaquel ta leto ti Jerusalene. Ta x'och ta sc'obic. Ta xlic stsanbeic sc'ac'al.

Jeremías 5:10

Ochuc ya'i ti yajcontraic ta stojole, soquesbatuc ti uvaetic yu'une, ac'o mi ta to x'ictabat jutucuc. ¡Jepbatuc ya'i sc'ob-c'obtac ti s'uvae, yu'un ma'uc xa cu'un!

Ezequiel 33:21

Ta yo'obal (5) c'ac'al yu'un ti slajunebal (10) ue, ta xlajchebal (12) xa jabil jbeq'uelcutic loq'uele, oy jun vinic jatvil loc' ta Jerusalén, tal xchapbun ca'i ti tsale xa yu'un yajcontra ti jteclume.

Ezequiel 4:3

Sa'o junuc pech-pech taq'uin. Pechano ta o'lol ti bu oyote, xchi'uc ti jteclume, co'oluc s'elan c'otem ta moc yilel, xchi'uc xava'an aba ta yeloval jteclum ti co'ol xa s'elan ta xatsac ta leto yilele. Ta xtun ta svinajeb yu'un ti israeletic ma' taje.

Ezequiel 5:2

C'alal mi tsuts ta stsaquel ta leto ti jteclume, chic'o ta o'lol jteclum jch'acuc ti stsotsil ajole. Tamo junuc cuchilu un, bojo jbosuc ti oxch'ac stsotsil ajolale. Tanio ta sjoyobal ti jteclume. Ti c'u yepal come, vileso ta taniel batel ta ic'. Jye'oj ma' ti quespada tijil ta xital ta spat ti jnaclejetic oy ta jteclume.

Sofonías 1:10

“Ti jech c'ac'al taje, ta xvinaj ti x'avlajetic ta sc'anic coltael ti buch'u xi oy ta stuq'uil ti'na ti sbiinoj Ti'na yu'un ti Choye. X'avlajetic ti jnaclejetic ti xi oy ta Xchibal Barrioe. Ja' jech xtoc xc'ululet ta xjin yalel tal ti banomil ti ta vitstique.

Zacarías 8:19

“Ta xjoybij liquel ta muyubajel sc'oplal ti ictaej vaj c'alal ta xc'ot sc'ac'alil ti jujun chanchan (4) ue, ti yo'obal (5) ue, ti yucubal (7) ue, ti slajunebal (10) ue. Ta xc'ot liquel ta q'uin ta smuyubajel yo'ntonic snitilultac ti Judae. ¡Ja' yu'un un cha'e, oyuc ta avo'ntonic ti bu ja' melele, xchi'uc ti lamajem ti c'op avu'unique!”