Jeremías 39:1 - Bible in Tzotzil de Chamula

¹ Ta slajunebal (10) u yu'un ti sbalunebal (9) jabil yochel ta ajvalilal yu'un Judá ti Sedequiase, ja' o laj stam ech'el sbe ti Nabucodonosor xchi'uc scotol ti yajsoldadotac ta scontrainel ti Jerusalene, c'ot svoliic.

Bible in Tzotzil de Chenalhó with Deuterocanon

¹ C'alal slajunebal xa'ox u stsacoj li sbalunebal jabil yochel ta ajvalilal ta Judá li Sedequiase, ja'o italic xchi'uc scotol yajsoldadotac li Nabucodonosor ajvalil ta Babiloniae; ital setuic li Jerusalene.

Jeremías 39:1 Iomraidhean Croise

2 Crónicas 36:17

Va'i un, ti Diose laj yac'be talel sbe xaneb ti ajvalil yu'un ti caldeotic yo' ta xcontrainatic yu'une. Lajic ta milel ta espada ti querem viniquetic ta yut ti ch'ulna une. Mu'yuc xa syail xc'uxul lajic ti jva'lej viniquetique, ti jva'lej tsebetique, ti moletique, ti buch'utic ch'abal ts'acal ti yoc sc'obique. J'ech'el aq'ueic ta c'abal yu'un Dios scotolic.

Jeremías 32:1

C'alal slajunebal (10) xa jabil yochel ta ajvalilal ti Sedequías ta lum Judae, ti ja' o xa xvaxaclajunebal (18) jabil xtoc yochel ta ajvalilal ti Nabucodonosore, c'oponat talel yu'un Dios ti Jeremiase.

Jeremías 34:1

Ti Nabucodonosor ajvalil yu'un ti muc' ta lum Babiloniae, c'alal loc' talel xchi'uc scotol yajsoldadotac ti liquemic talel ta scotol muc'tiquil lumetic ti pasbilic ta mantal yu'une, ti svolojic ti Jerusalén xchi'uc scotol ti jteclumetic nopol xil sbaic xchi'uque, yo' ta stsaquic ta letoe, c'oponat talel yu'un Dios ti Jeremías ti xi albate:

Jeremías 34:22

Ta xcalbe mantal ti suticuc talel ta scontrainel ti jteclum li'e, ti svoluc sbaic ta stojole, ti yu'ninicuque, xchi'uc ti stsanbeicuc ti sc'ac'ale. Ta xc'ot ta pasel cu'un ti sts'ijlajan ta xcom ti jteclumetic yu'un ti Judae, ti mu ja'uc xa junuc ti jnaclejetic ta xcom yu'une. Ti vu'un Ajvalilune, mu me lo'iluc no'ox ta xcal.”

Jeremías 42:18

“Ti Ajvalil Dios yu'un Israel ti scotol xu' yu'une, xi ta xale: ‘Ti c'u s'elan ti sc'ac'al soquemal co'nton ta scontrainel ti jnaclejetic ta Jerusalene, ja' no'ox jech ta jtiles ta atojolic ec mi ta xabat naclanic ta Egiptoe. Mu xlaj ta alel ti bisbil ta cotol chaval ti ac'oplal ti xi'el xac' ta xa'i yu'un ti yane, j'ech'el xch'ay o ta asatic ma' ti banomil unbi.’

Jeremías 52:1

Yich'oj xa ox jun xcha'vinic (21) jabil ti c'alal lic ochuc ta ajvalilal ti Sedequiase. Buluchib (11) jabil ech' ta ajvalilal ta jteclum Jerusalén. Hamutal sbi ti sme'e, ti ja' yantsil nich'on ti Jeremías ti liquem talel ta Libnae.

Jeremías 6:6

Ti Dios ti scotol xu' yu'une xi s'elan loc' ti mantal yu'une: “Lomesic ti te'tique, meltsanic jun muyebal yo' jech ta xich' tsaquel ta leto ti Jerusalene. Yu'un chapal xa sc'oplal ta xich' tsitsel ti jteclum ta scoj ti naca j'ilbajinvanejetic teye.

Ezequiel 33:21

Ta yo'obal (5) c'ac'al yu'un ti slajunebal (10) ue, ta xlajchebal (12) xa jabil jbeq'uelcutic loq'uele, oy jun vinic jatvil loc' ta Jerusalén, tal xchapbun ca'i ti tsale xa yu'un yajcontra ti jteclume.

Ezequiel 4:3

Sa'o junuc pech-pech taq'uin. Pechano ta o'lol ti bu oyote, xchi'uc ti jteclume, co'oluc s'elan c'otem ta moc yilel, xchi'uc xava'an aba ta yeloval jteclum ti co'ol xa s'elan ta xatsac ta leto yilele. Ta xtun ta svinajeb yu'un ti israeletic ma' taje.

Ezequiel 40:1

Ta yo'obal xa xcha'vinic (25) jabil ti jbeq'uelcutic loq'uele, ta slajunebal (10) c'ac'al yu'un ti ach' jabile, xchanlajunebal (14) xa jabil yech'el u'nine ti jteclume, ti sc'ac'alil taje, laj yac' talel sc'ob Dios ta jtojolal ti laj yic'un batel bu taj une.

Ezequiel 5:2

C'alal mi tsuts ta stsaquel ta leto ti jteclume, chic'o ta o'lol jteclum jch'acuc ti stsotsil ajole. Tamo junuc cuchilu un, bojo jbosuc ti oxch'ac stsotsil ajolale. Tanio ta sjoyobal ti jteclume. Ti c'u yepal come, vileso ta taniel batel ta ic'. Jye'oj ma' ti quespada tijil ta xital ta spat ti jnaclejetic oy ta jteclume.

Zacarías 8:19

“Ta xjoybij liquel ta muyubajel sc'oplal ti ictaej vaj c'alal ta xc'ot sc'ac'alil ti jujun chanchan (4) ue, ti yo'obal (5) ue, ti yucubal (7) ue, ti slajunebal (10) ue. Ta xc'ot liquel ta q'uin ta smuyubajel yo'ntonic snitilultac ti Judae. ¡Ja' yu'un un cha'e, oyuc ta avo'ntonic ti bu ja' melele, xchi'uc ti lamajem ti c'op avu'unique!”

Deuteronomio 28:36

“Yu'un ti Diose ta stenot ech'el xchi'uc ti ajvalil avu'une, ta yan muc' ta lum ti mu ja'uc jutebuc xavojtiquine, mi ja'uc laj yojtiquinic ti atot ame'ique. Ti bu taje, ta xlic anijan achiman abaic ta yich'el ta muc' ti diosetic ti meltsanbil ta te'e, ti meltsanbil ta tone.