Jeremías 3:9 - Bible in Tzotzil de Chamula

⁹ Mu ta vocoluc c'ot ta pasel ti lic socuc yu'un ti muc' ta lume. Yu'un yanij ta j'ech'el ti sjol yo'ntone. Lic snijan xchiman sba ta yich'el ta muc' ti loc'tabil tonetique, xchi'uc ti buyuc no'ox tec'ajtic ti te'etique.

Bible in Tzotzil de Chenalhó with Deuterocanon

⁹ Yu'un mu tsotsuc sc'oplal laj ya'ay li c'usi c'otem ta pasele, jech la soques o li slumale, yu'un imulivaj ta scoj ti ibat yich' ta muc' li tonetic xchi'uc li te'etique.

Jeremías 3:9 Iomraidhean Croise

Isaías 57:3

Nopajanic talel, yalab me' j'ac'-chamel, ti xi s'elan lavoq'uic talel ta stojol ta jun mulivajele, xchi'uc ta stojol jun ants ti sna' sbolomalin sbae:

Isaías 57:6

“Israel, batem avo'nton yu'un ta snijanel xchimanel aba ta stojol ti ch'uletel ton ti oy ta ti' uc'ume. Ti bu taje, chapal xa sc'oplal ti c'ot xa ta avavile. Laj xa amalbe ta sba ti matanal vinoe. Laj xa yich' ta matanal avu'un ti jchop o ta trigoe. ¿Mi ximuyubaj xa yu'un scotol avaloj ta ts'acal taj une?

Jeremías 10:8

Scotolic pimuneb xa'i sbaic, mi jutebuc oy sbijilic. Mi jutebuc xu' ta xchanubtasatic yu'un ti bas-bas te'e.

Jeremías 16:18

Yu'un ba'yel ta xcac' atojic lec ti c'usi chopol laj xa apasique, xchi'uc ti amulique. Laj asoquesic ti cosil jbanomil yu'un ti j'ac'-ib-o'nton chamem loc'obbailetique. Ta scotol ti banomil laj cac'boxuc ti c'ot ta arextoic cu'une, laj apasic ti c'usi mu jc'an jq'uelbe sate.”

Jeremías 2:27

Xi ta xavalbeic ya'i ma' ti jpets te'e: ‘Cajval, jch'ul tot.’ Xi ta xavalbeic ya'i ma' ti jbej tone: ‘Jch'ul me'.’ C'ajomal ta xavac' ta ilel ti apatique. Ma'uc ta xavac' ti ilel ti asatic ta jtojol une. Manchuc mi jech un, c'alal naca to ta xavilic ti uni vocole, xachiic xa liquele: ‘¡La', tic'o aba, pojuncutic un!’

Jeremías 2:7

Laj quiq'uic talel ta ve'ebal banomil li'e, yo' ta stun ta slajesic ti sat te'etic yu'une, xchi'uc ti c'usitic lec ta xloc' x'ayane. Latalic ec un, c'ajomal no'ox laj asoquesic ti jlum jbanomile. Ta acojic, lic ibuc co'nton ta stojol ti muc' ta lum li'e, ti c'otem ta cu'une.

Jeremías 3:2

Q'uelo batel avil ti c'an t'ajan stselejtique, xi xatuc'ulan quic leque: ¿Mi oy to xana' ti mu'yuc c'otemot ta spasel abolil teye? Xachotet ta be ta xamala ti buch'u ta xavac' aba ta c'upinel xchi'uque, co'ol s'elan jech c'u cha'al jun árabe vinic ti chotol ta sbajtical banomil ta xpa'ivane. Laj xa ats'ile ti jteclum ti laj avac' aba ta c'upinele, xchi'uc ti yan ti c'usi chopol ta xapase.

Ezequiel 16:17

Ti c'usitic laj jq'uelanbot ti meltsanbil ta oroe, ta platae, lic aloc'taan loc'obbailetic xchi'uc yo' ta xabolomalin aba yu'un.

Ezequiel 23:10

Laj soquesbeic sc'oplal un. Ta jech yepal laj spojbeic squerem stsebtac. Laj smilic ta espada. Lamal c'ot ta stojol un ti jbel yich' oe. Laj yich' o yo'nton yu'un yan antsetic ti jech c'ot ta stojole.

Ezequiel 23:21

“Ti atsebal to oxe, Oholiba, yan xa banomil laj ava'i ta sc'upinel c'alal xpich' no'ox achu' ti egipcioetique.

Ezequiel 23:3

Ta stsebalic no'ox ti chib antsetic taje, lic sbolomalin sbaic. Laj yac' sbaic ta picolanel ta Egipto. Laj to me c'op ma' ti tojol tseb une.

Oseas 2:2

Ti Diose xi laj yale: “Tic'beic ya'i smul ti ame'ique, tic'beic ya'i smul. Ma'uc xa cajnil. Mi ja'uc xa smalalun. Lajuc sc'oplal ti vinajem ti sbolomalinoj sbae. Lajuc sc'oplal ti ta xmeyilanat yu'un ti xch'ayobil sjol yo'ntone.

Oseas 4:12

Ti jteclumale ta sjac' sba ta stojol ti c'usi loc'tabil ti meltsanbil ta te'e. Ta st'un sbaic ta jtel jich'il te'. Me'inem xa ti mulivajel ta stojole, ti xi s'elan ch'ayemic ti bu stamojic batel ti jteclumale: Laj xch'ac sbaic ta stojol ti Dios yu'unic ti laj yac' sbaic ta stojol yane.

Joel 1:19

Ta xi'oc' ta xi'avan ta atojol, Dios, yu'un ti momoletic ti oy ta sbajtical banomile xchi'uc ti te'etic ti oy ta osiltique, ta xtaquij ta j'ech'el ti jech va'iem ti c'ac'ale.

Habacuc 2:19

Mu xa ono'ox cha'belucot un, ti ta xavalbe ya'i ti c'usi meltsanbil ta te' ti ac'o julavuque, ti jbej ton xtoc ti mu sna' xc'opoje, ti ac'o sva'an stec'an sbae. ¿Mi yu'un xu' yu'unic ta xchanubtasvanic ec? Mi ja'uc, yu'un mi ja'uc cuxulic ac'o mi bonbilic lec ta oro, ta plata xtoc.

San Mateo 5:32

Mi oy buch'u ta sbaj ti yajnile, ta xcalboxuc ava'iic, ja' no'ox xu' ta sbaj mi ta xac' sba ta c'upinele. Yan mi ta sbaj ta jeche' no'oxe, ta acoj vinic ta sta smul ti antse. Ja' jech xtoc, ti buch'u ta xic' ti bajbil antse, ta sta smul ec.