Jeremías 3:8 - Bible in Tzotzil de Chamula

⁸ Laj yil xtoc ti laj jbaj loq'uel ti toyobba Israele, ti laj jsutes ta scoj ti laj yac' sba ta c'upinel ta yane. Ti jovil-jol jteclum Judá ti ja' yuni chi'il ta voq'uel xa'i sbaic xchi'uc ti Israele, mi ja'uc laj sibtas sba. C'ajomal no'ox lic xchan ta yac'bel yipal sbolomalinel sba.

Bible in Tzotzil de Chenalhó with Deuterocanon

⁸ laj yil ti laj quicta comel li jtoyba Israel ti laj cac'be lec svunal ti muc xa quic'ojuque. Pero li jbajmantal Judae mu'yuc ixi' o; ibat mulivajuc ec.

Jeremías 3:8 Iomraidhean Croise

2 Crónicas 21:11

Ma'uc no'ox taje, laj sva'anan c'opojebaletic ta vitstic ta Judá, ti ja' ta scoj yanij yo'ntonic ta stojol Dios ti jnaclejetic ta Jerusalene. Yan laj stamic batel yu'un ti Judae.

Isaías 50:1

Yu'un ti Diose xi ta xale: “¡Mu tac'aluc xc'ot avu'un ti laj jti'olta ti Israel ti ja' ame'ique jech c'u cha'al ta spas jun vinic ti ta sti'olta ti yajnile, ti laj jchonoxuc ta mosovil ti oy xa quil xchi'uc ti yane! Laj avich'ic chonel ta scoj ti amulique. Ti'oltabil c'ot ti Israel ti ame'ique, yu'un jelav ti atoyobbailique.

Jeremías 2:19

Ta scoj no'ox achopolal ta xata tsitsel yu'un, ta scoj ti mu junuc avo'ntone, ta xatoj un. Ts'ijlan ta snopel ava'i, ta xlic avil un ti mu xnel x'ech' ti vocol ta scoj laj avictaun comele, ti mu'yuc laj avich'un ta muq'ue c'alal vu'un ti Ajvalil Dios avu'une. Diosun ti scotol xu' cu'une, mu stselbuj ma' ti jc'op une.

Jeremías 3:1

Ti Diose xi ta xale: “Mi oy jun vinic ta sutes ti yajnile, mi malij ta yan ti ants laj sbaje, ti sba vinique mu xu' ta xcha'ic'. Ti jech taje, mu ts'icbaj lec ta xa'iic ti jteclume. Ja'uc ti vo'ot une, Israel, xloc' x'och ti avajval yu'unic ta c'upinele. Tana une, ta to xasut ava'i talel ta jtojol un. Ti vu'un Diosune, mu lo'iluc no'ox ma' taje.

Jeremías 33:24

“¿Mi mu'yuc to ava'binoj ti xi ta xalilanic ti jnaclejetic ti jtenoj jipoj xa la ti Jerusalene, xchi'uc ti Judae, ti vu'un laj jt'uj ti cha'chop nitiluletique? ¡Jech o xal un, bajbil tenbil xa ta x'ile ti jteclumale, ti mu'yuc xa ta alel yu'unic ti ja' jun muc' ta lume!

Jeremías 5:7

Ti Diose xi ta xale: “¿C'u ono'ox la xachi ta jch'aybot amul yu'un scotol le'e? Laj xa svalopatinun comel ti anich'nabe, ti utsuc xa sva'anic ta rextico ti diosetic ti ma'uc diosetique. Busul no'ox ti sve'el laj cac'beique. Ti stuquic une, yan ti sjol yo'ntonic ta jtojole, ti xvoletic no'ox ta yaq'uel sbaic ta stojol ti ants ti sna' sbolomalin sbae.

Ezequiel 16:46

“Ti avix ti oy ta yolon ti yolon xocon sloq'ueb c'ac'ale, co'ol s'elan lum Samaria xchi'uc ti bic'tal jteclumetic yu'une. Ti amuc ti oy ta yolon ti yac'ol xocon sloq'ueb c'ac'ale, co'ol s'elan lum Sodoma xchi'uc ti bic'tal jteclumetic yu'une.

Ezequiel 16:47

Laj achanbe yuni talelic un, jech lic apas ti c'usitic mu stac' alel ta spase. Mu'yuc x'ech' o ava'i un, x'ech to labat, jc'ol mu sta ti stuquique.

Ezequiel 16:51

“Ja'uc ti lum Samariae, mi o'loluc laj spas jech c'u cha'al ti amule. Xjelav laj apas ti c'usi mu stac' albel sc'oplale. Mu stac' xaco'oltas aba xchi'uc, ch'abal smul yilel un.

Ezequiel 23:44

Talic ta stojol ti Oholae xchi'uc ti Oholibae, ti co'ol s'elan antsetic ti buch'u lec xa'i sbolomalinel sbae.’

Ezequiel 23:9

Jech o xal laj cac' ech'el ta yoc ta sc'ob ti slo'labil sjol asirioetic ti ic'bil c'ot yo'nton yu'une.

Oseas 3:4

Yu'un jal ta xc'ot ta pasel ta stojol ti israeletique ti mu'yuc ajvalil yu'unique, ti mu'yuc junuc banquilal yu'unique, ti mu'yuc ta yaq'uel ti milbil matanaletique, ti mu'yuc ts'uiltasbil tonetique, ti mu'yuc c'u'iletic yu'un ti paleetique, ti mi ja'uc oy ti loc'tabil diosetic yu'unic ta jujun naetique.

Deuteronomio 24:1

“Mi oy jun vinic ti lec laj yil jun antse, ti laj yiq'ue, ts'acal to un, mu xa junuc yo'nton xchi'uc ta scoj ti oy c'usi mu lecuc laj sta ti c'alal laj yiq'ue, ac'o smeltsanbe jlicuc ts'ibabil vun ti ta xalbe sc'oplal ti bajobbaile. Va'i un, ta stam loq'uel sbe yu'un ti ta snae.

Deuteronomio 24:3

Va'i xtoc un, mi ja' no'ox jech c'ot yorail ti mu lecuc x'ile yu'un ti xchibal smalale, ti ta smeltsanbat jlicuc ts'ibabil vun ti ta xalbe sc'oplal ti bajobbaile, ti ta xtaque loq'uel ta nae, mi ja' no'ox cham ti xchibal smalal ti ic'bil to ox yu'une,