Jeremías 3:5 - Bible in Tzotzil de Chamula

⁵ ¿mi staoj yav ti ilinemote? ¿mi ta xjalij ta j'ech'el ti sc'ac'al avo'ntone?’ C'alal yacalot ta yalel ti va'i s'elan taje, ja' o ochem yipal avu'un ti bu xa c'alal xu' avu'un ta spasel scotol ti chopole.”

Bible in Tzotzil de Chenalhó with Deuterocanon

⁵ ¿me j'ech'el cha'ilin o ta jtojol?, ¿me sbatel osil mu xlaj o li sc'ac'al avo'ntone?’, xachi. C'alal ja'o chaval jeche, avac'ojbe yipal spasel o c'usi chopol ti bu to c'alal xu' avu'une”, xi.

Jeremías 3:5 Iomraidhean Croise

2 Crónicas 29:10

Li' une, laj xa jnop ta jpas jtrate xchi'uc ti Ajvalile, Dios yu'un ti Israele, yo' jech ta x'ech' ti sc'ac'al yo'nton ta jtojoltique.

Salmos 85:5

¿Mi ta j'ech'el ta xajalijes ti sc'ac'al avo'nton ta scontraineluncutique?

Salmos 85:6

¿Mi yu'un mu'yuc xa ta xquilcutic lequilal ch'iel c'opojel avu'un yo' xmuyubajic liquel ta atojol ti ateclumale?

Isaías 57:16

Mi ja'uc ta xcalilanbe smul ti jteclumale. Mi ja'uc ti capem jol sbatel osil ta stojolique. Mi mu jechuc ta jpase, ti jnaclejetic ti laj cac'be xch'ulel yanimaique, ta xlic yanijuc yo'nton ta jtojol unbi.

Isaías 64:9

Dios, mu me xjelav ta j'ech'el ti ta xa'ilin une, ti naca svulesel ta ajol ti c'usi chopol laj jpascutique. Q'uelo avil, ateclumaluncutic.

Jeremías 3:12

Batan, xi xc'ot avalbe ya'i ti lo'il a'yej jech c'u cha'al li'e, ti xi aq'ueloj batel ta stuq'uil ti yolon ti yolon xocon sloq'ueb c'ac'ale: ‘Ti Diose xi ta xale: Sutan talel ta jtojol, toyobba Israel. Mu xanop ti yanijem jol co'nton mi ta xasut talel ta jtojole. Mu xanop ti ilinemun ta j'ech'ele. Yu'un oy yutsil slequil co'nton. Yu'un vu'un ti Diosune, mu stselbuj ti jc'ope.

Jeremías 8:5

Le' une, Israel, ¿c'u cha'al mu xa'ac'van ta ventae? ¿C'u cha'al un, jteclum Jerusalén, ta j'ech'el laj ajip laj aten aba loq'uel ta jtojol? ¿C'u cha'al avac'ojbe yipal ti toyobbail ti mu xac'an xasut talele?

Jeremías 8:6

Jmalaoj xa ca'i, ts'etel xa jchiquin mi oy buch'u ta sutes sba yu'un ti c'usi chopol ta spase. Le' une, mi junuc ti oy buch'u xi jamal ta xale: ‘¿C'u xa no'ox cha'al ti vi s'elan laj xa jpas une?’ Scotol, jun be stamojic batel ti xbitet ta anil jech c'u cha'al junuc ca' ti mu xa stac' pajesel c'alal xyaquet ti letoe.

Ezequiel 22:6

Oy ta venta ec un ti ajvaliletic yu'un Israel ti nacal ta atojol ti yac'ojbeic yipal ta spasel ti c'usi xa xal ti yo'ntonic ta milvaneje.

Miqueas 2:1

Mu xa ono'ox cha'bel un, ti buch'utic puch'ulic ta stemic ti yacalic xa ta snopel ti c'usi chopol xu' ta spasique. Mi sacub ti osile, ta xc'ot ta pasel yu'un, ja' ti stsacoj lec yipic ta xa'iique.

Miqueas 7:3

Ti banquilaletique xa'i sbaic ta spasel ti c'usi chopole. Ti j'opisialetique ta sujvanic ti ac'o ac'baticuc ti smotonique. Ti jchapanvanejetique toj lec ta xa'iic ti mich'ob c'abale. Ti buch'utic ich'bil ye sti'ic xa'i sbaique, ta spas ti c'usi xa xal ti yo'ntone, ti ta sbolibtasbe yo'nton ti jteclume.