Jeremías 3:4 - Bible in Tzotzil de Chamula

⁴ “Yu'un le'tic to no'ox xachi ta jtojole: ‘Ta cach'il to oxe, lec xavilun, Tot,

Bible in Tzotzil de Chenalhó with Deuterocanon

⁴ Pero jech to chavalbicun o: ‘Tati, vo'ot ono'ox jtojobtasvanejot cu'un c'alal ta jbic'tal,

Jeremías 3:4 Iomraidhean Croise

Salmos 119:9

¿C'usi ta xut sba jun querem vinic ti lec tuc' ta xbat ti xcuxlejal ta stuc no'oxe? Ja' no'ox mi ta stam ech'el ta spasel jech c'u cha'al ta xal ti ac'ope.

Salmos 48:14

ti sbatel osil jech o no'ox stalel ta spasilan ti Dios cu'untique. Jtojobtasvanej cu'untic sbatel osil.

Salmos 71:17

Cajval Dios, ta jqueremal ono'ox laj achanubtasun talel, ti yacalun to ta yalel une, ti jun no'ox smuc'tiquil ti avabtel laj apase.

Salmos 71:5

Ta jqueremal ono'ox, c'otemot ta spatobil co'nton un, Dios jtsinanoj jba avu'un un.

Proverbios 1:4

ta svulesbel xch'ulel ti queremetic ti ya'binoj no'ox sbaique, ta yojtiquinel sbaic, ta snopilanel ti c'u s'elan oyique.

Proverbios 2:17

ti ta sjip ta sten comel ti xchi'ile, ti ta xch'ay ta yo'nton ti yaloj strate ta stojol ti Dios une.

Jeremías 2:2

“Bat c'opojan ta stojol ti lum Jerusalene, xi tsots xaval yo' ta xa'iic lec: ‘Bejel ta jol ta xca'i ti mu jipbajun laj ava'i c'alal yach'il to ox laj jnabanot ta jpat jxocone. Jun avo'nton laj atsacliun ta sbajtical banomil ti bu mu'yuc c'usi xloc' x'ayane’, xi ma' ti Dios une.

Jeremías 2:27

Xi ta xavalbeic ya'i ma' ti jpets te'e: ‘Cajval, jch'ul tot.’ Xi ta xavalbeic ya'i ma' ti jbej tone: ‘Jch'ul me'.’ C'ajomal ta xavac' ta ilel ti apatique. Ma'uc ta xavac' ti ilel ti asatic ta jtojol une. Manchuc mi jech un, c'alal naca to ta xavilic ti uni vocole, xachiic xa liquele: ‘¡La', tic'o aba, pojuncutic un!’

Jeremías 3:19

“Israel, loc' ayan ta co'nton ti laj jbisot ta jnich'one, ti ta xcac'bot ti banomil ti stuc no'ox jun yutsil ta scotole, ti juteb ta o'ntonal yu'unique. Laj jnop ti ta xabisun ta atote, ti j'ech'el mu ta xach'ac aba ta jtojole.

Jeremías 31:22

¿C'usi to ora ta x'ech' avo'nton ti xatal xabat ta jujujot jech c'u cha'al junuc antsil nich'onil ti joviem ti sjole? Ti vu'un Ajvalilune, oy c'usi ach' q'uelel talel cu'un ti ta xc'ot ta pasel li' ta banomile: Ti antse snaban xa sba ta sc'anel spojel ta stojol vinic.”

Jeremías 31:9

Xc'opoj xti'inic xa, x'oq'uic x'avanic xa sutel talel. Ja' jech xtoc un, ta xquiq'uic batel ti bu ta x'ech' ti uc'umetique. Ta x'ech'ic cu'un ta stenlej be ti bu mu stsuculin ti yacanique. Yu'un c'otemun ta totil yu'un ti Israele. Jbanquilal nich'on ta xca'i ma' ti Efraine.

Oseas 2:15

Va'i un, ta jcha'ac'be ti s'uvataque. Ta xc'ot ta spatobil yo'nton ti stenlejal Acore,, ti oy sc'oplal smalaoj ta stae. Ti bu taje, ta spas liquel jech c'u cha'al c'alal stsebal to oxe, jech c'u cha'al laj spas ti sc'ac'alil c'alal loc' talel ta Egiptoe.

Malaquías 1:6

Ti paleetique, xi ta xvulatic yu'un ti Dios ti scotol xu' yu'une: “Ti alab nich'nabiletique sna' snijan xchiman sbaic ta yich'el ta muc' ti stot sme'ique. Ti mosoviletique sna' snijan xchiman sbaic ta yich'el ta muc' ti yajvalique. Jech ti vu'un ec une, atoticun, ¿c'u cha'al un ti mu xanijan abaic ta yich'elun ta muq'ue? Avajvalicun xtoc, ¿c'u cha'al un ti mu xa xavaq'uicun ta ventae? Yu'un mi ja'uc jutebuc oyun ta avo'ntonic. Ma'uc no'ox taje, yu'un xachi ta xaval xtoque: ‘¿Mi yu'un la oy bu ti mu xacac'otcutic ta ventae?’

Malaquías 2:14

“¿C'u cha'al le' une?” xachi ta xajaq'uique. Ti Diose ja' rextico c'otem ti laj xa asutes ave ti c'usi laj aval ta stojol ti ants ti buch'u laj avic' ta aqueremale, yu'un ja' c'ot ta achi'il. Jech ti vo'ote laj aval ta stojol ti tuc' ajol avo'nton ta stojole.