Jeremías 3:3 - Bible in Tzotzil de Chamula

³ Jech o xal un, ta acoj mu xtal ti vo' ta yorail sique, xchi'uc ta yorail corixmae. Avich'ojbe spimil sat ti jchonbail antse, q'uexavan ti jech a'elane.

Bible in Tzotzil de Chenalhó with Deuterocanon

³ Ja' yu'un muc xtal li vo'e, jech muc xa xac' o c'alal yorail vo'olaltic. Li asate ja' co'ol xchi'uc sat jmulavil ants, jech mu'yuc q'uexlal sba chava'ay o.

Jeremías 3:3 Iomraidhean Croise

Génesis 19:34

Ta yoc'omal un, ti vixile xi laj yalbe ti smuque: —Ay ava'i, ti samele laj jchi'in ta vayel ti jtotique. Ti ac'ubaltic tana li'e, ta jyacubtastic xtoc yo' ta xachi'in ta vayel ec, yo' jech ta xcolinbetic ti xnich'one, yo' jech oy coltic ti jchibaltique.

Nehemías 9:17

Mi ja'uc sc'an xch'unic. Mi ja'uc laj svules ta sjolic ti c'usitic muc'tic laj apas ti laj avac' ta ilel ta stojolique. Mu xa'ibeic xchiquinal ti pimunebic ta j'ech'ele. C'ajomal no'ox laj sva'anic jun banquilal yu'unic yo' jech ta xcha'ic'atic sutel ta Egipto, yo' ta x'ochic ta mosovil. Ja'uc le' une, jch'ay mulil Dios, jun Diosot ti jun yutsil avo'ntone, ti oy sts'iquemal xcuchemal avu'une. Mu xana' xatenvan. Oy smuc'ul avo'nton. Oy syail xc'uxul avo'nton.

Proverbios 21:29

Stsinan xa sba yu'un sc'op yilel ma' ti buch'u mu'yuc xch'ulel xa'i sbae, ja'uc ti buch'u oy stuq'uile, mu stselbuj ti bu stamoj batele.

Isaías 5:6

Teq'uel ta xquicta comel ya'i. Mu ja'uc xa ta xich' ch'ulbel ti staquinal sc'obtaque, mi ja'uc xa ta xich' aq'uintael, ti yich'uc net'el ya'i yu'un ti ch'ixe, ti momole. Ta xcalbe ya'i mantal ti toque, ti mu xa xac' taluc ti vo' ta stojole.

Jeremías 14:1

Ti Jeremíasune, xi laj yalbun ti Dios c'alal laj sc'oponun talel ta scoj ti va'iem ta j'ech'el ti c'ac'ale:

Jeremías 14:22

¿Mi oy bu loc'tabil jyanlum dios ti xu' yu'un ta xac' taluc ti vo'e? ¿Mi ta smantal no'ox stuc ti vinajel ta xac' taluc ti vo'e? Cajval, Dios cu'uncutic, bu la xata ti jech une. Ti vo'ote ta xavac' taluc vo', aventainoj scotol ma' taj une, jech o xal jmalaojcutic ti c'usi lec ta xapas ta jtojolcutique.

Jeremías 14:3

Ti jc'ulejetique stac' xa batel smosovic ta slupel vo'; ta xbatic ta joq'uetic un, pochol sq'uib ta sutic ech'el, ch'abal ti vo'e. Mu x'ech' mu xnel ta xa'i ti svocolique, ti q'uexlal xa smucoj talel ti sjolique.

Jeremías 14:4

Ti jchabajometic eque, mu x'ech' mu xnel ta xa'i ti svocolique ta scoj ti ch'abal jset'uc ti vo'e, taquin ti banomil ta j'ech'el une.

Jeremías 36:2

“Tamo junuc jts'ibael balbil vun. Xlic ats'iba un scotol ti c'u s'elan laj calbot sc'oplal ti Israele, ti Judae, xchi'uc sc'oplal ti yan muc'tiquil lumetique, ti lic ono'ox jc'oponot talel ta yorail ti ochem ta ajvalilal ti Josías ti jech to tana li'e.

Jeremías 5:24

Mi ja'uc oy bu loc' ta avo'nton ti xachiique: La' quich'tic ta muc' ti Ajvalil Dios cu'untique, ja' ta xac' taluc vo' ta yorail ti sictic ta x'ech'e, ti sba yalel chaquilo' ti ta corixmatique, ta spasel xtoc ti c'u sjalil albil yorail ta xich' tsobel ti ts'unubaletique.

Jeremías 5:25

Ta scoj amul acolo'ic, lic c'otuc ta soquel. Laj sc'oplal ta x'ech' ta ave ati'ic ti va'i s'elan lequilal taje.

Jeremías 5:3

Cajval, ochemot ta sa'el jnaclejetic ti tuc' sjol yo'ntone. Laj atsits, mi ja'uc laj ya'ibeic xc'uxul un; laj abusanbe ta stojolic ti vocole, mi ja'uc laj yich' o yo'ntonic. Mu'yuc c'usi sc'anic albel. Ti yo'ntonique x'ech' to syijil bat jech c'u cha'al ti tone, laj to ta alel yu'unic ta stamel ti tuq'uil bee.

Jeremías 6:15

Ti Jechuque, q'uexavicuc jutuc ma' ti vi s'elan ta spasic ti mu xa sts'ic cu'une. Le' une, laj to ta alel ma' ti sna' xa'iic ti q'uexlale, ti ts'i'ub satic xchi'uc ma' ti q'uexlale. Jech o xal un, c'alal ta jtsitsic ya'iique, sbosian xa yacanic ta xyalic ta lum jech c'u cha'al ti yane. Ti vu'un Diosune jamal xcal.”

Jeremías 8:12

Ti jechuc une, xq'uexavic xchi'uc ma' ti va'i s'elan ta xc'ot ta pasel c'alal mu xa ts'icbaj ta xca'i yu'une. Le' une, mi ja'uc xa xa'iic q'uexlal. Mu xa sna'ic c'usi ti q'uexlal une. Jech o xal un, c'alal ta jtsitsique, ta sbosi yacanic, ta xyalic ta lum jech c'u cha'al laj spasic ti yane. Jech xcal ti vu'un Diosune.’ ”

Jeremías 9:12

¿Buch'u xa ono'ox la ti jelavem sbijil ta ya'yibel smelol ti va'i s'elan taje? ¿Mi yu'un oy buch'u ac'bat sna' yu'un Dios ti va'i s'elan taje yo' jech xu ta xalbe ya'i smelol ti yane? ¿C'u cha'al c'ot ta lilijel ti jteclume? ¿C'u cha'al ti c'ot ta taqui banomil ta j'ech'el jech c'u cha'al junuc sbajtical banomil ti mu ja'uc xa oy buch'u ta x'ech' teye?

Ezequiel 3:7

Ja'uc ti lum Israele, mu xaq'uic ta venta ti ac'ope, yu'un mu xiyich'ic ta muc' ec. Scotol ti lum Israele pucujibemic, tsots ti snopbenal yu'unique.

Levítico 26:19

Ti ven atoyobbailique, ta xcotes ta be. Ta xc'ot ta pasel cu'un ti mu xcac' taluc vo' ta vinajele. Mu'yuc xa ta xch'i ti ts'unubiletic yu'un ti banomile.

Amós 4:7

Ja' jech xtoc laj jpas ti mu'yuc xtal oxib (3) u ti vo'e, ti c'alal ja' o xa yorail ta xich' ts'unel ti ts'unubale. Ja'uc ti ta yan jteclume, laj cac' taluc vo'. Ti ta yan jteclume, mu'yuc xcac' taluc vo'. Ti ta yan osil banomile, laj cac' taluc vo'. Ti ta yan osil banomile, mu'yuc xcac' taluc ti vo'e.

Amós 4:8

Xtal xbatic ti jnaclejetic ta jujun jteclum ta sa'el ti vo'e. Mi ja'uc ep ta staic yo' ta sicubtas ti yo'ntonique. C'u stu un, mi ja'uc lasutic talel ta jtojol. Ti vu'un Diosune, mu me lo'iluc no'ox ta xcal.

Sofonías 2:1

Volo abaic, tsobo abaic, jnaclejetic ti vo'oxuc ti mu xa xava'iic ti q'uexlal apune,

Sofonías 3:5

Ja' no'ox un, ti Diose li' oy ta jteclume, yu'un ja' yac'ojbe yipal ta spasel ti c'usi leque, ma'uc ti c'usi chopole. Ti jujun c'ac'al ta x'ech'e, mi ja'uc ta xch'ay sc'oplal yu'un, ja' ta xc'ot ta pasel ti lec tuc' snopbenal yu'une. Ja'uc ti buch'u toj chopole mi ja'uc xa xa'i jutebuc ti q'uexlale.

Hageo 1:11

Vu'un ta jmantal ti laj cac' taluc ti muc'ul corixma ta stojol ti avosil abanomile, xchi'uc ti ta vitsetique, ti ta trigoetique, ti ta uvaetique, ti ta olivo te'etique, xchi'uc ti c'usitic xloc' x'ayan yu'un ti osile, xchi'uc ta stojol ti jnaclejetique, ti chon bolometique, xchi'uc scotol ti avabtelique.”

Deuteronomio 28:23

Ti le' ta ac'ole, ti vinajele ta sjaltabot ti vo'e. Ti li' ta olone, ti banomile ta sjaltabot ti c'usitic ta xch'i yu'une.

Hebreos 12:25

Jech o xal un, bijanic, tsotsanic, mu xabaj xaten ti Buch'u yacal ta xisc'oponotic avi tanae. Yu'un mu'yuc xcolic ti buch'utic laj sbajic ti bijubtasel yu'un ti buch'u c'opoj ta sventa Dios li' ta banomile. ¿Mi ja' xa van ta xijcolotic ti vo'otic mi ta jbajtic ti Buch'u ta xisbijubtasotic ti ta xlic talel sc'opojel ta vinajele?