Jeremías 3:12 - Bible in Tzotzil de Chamula

¹² Batan, xi xc'ot avalbe ya'i ti lo'il a'yej jech c'u cha'al li'e, ti xi aq'ueloj batel ta stuq'uil ti yolon ti yolon xocon sloq'ueb c'ac'ale: ‘Ti Diose xi ta xale: Sutan talel ta jtojol, toyobba Israel. Mu xanop ti yanijem jol co'nton mi ta xasut talel ta jtojole. Mu xanop ti ilinemun ta j'ech'ele. Yu'un oy yutsil slequil co'nton. Yu'un vu'un ti Diosune, mu stselbuj ti jc'ope.

Bible in Tzotzil de Chenalhó with Deuterocanon

¹² Batan, jech xbat aval ta stuq'uil norte: ‘Jbajmantal Israel, sutan tal ta jtojol. Mu'yuc ta xcac' c'otuc ta atojol li sc'ac'al co'ntone, yu'un li vu'une muc'ul jc'uxubinvanejun; muc teuc stsoq'uet o co'nton ta atojol.

Jeremías 3:12 Iomraidhean Croise

Génesis 4:7

Ti lecuc ta xapas abae, xu' xatoy ti asate. C'u stu un, mu jechuc ta xapas. Jech ti mulile smalaoj xa yo' ta xayu'ninot. Manchuc mi jech un, xu' xatsal ti jechuque.”

2 Reyes 15:29

C'alal yorail ochem ta ajvalilal yu'un Israel ti Pekae, ja' o c'ot ti Tiglat-pileser ajvalil yu'un ti Asiriae, ti laj yu'nin ti Iione, ti Abel-bet-maacae, ti Janóahe, ti Quedese, ti Hasore, ti Galaade, ti Galilea, xchi'uc scotol yosilal ti Neftalie. Laj xchuc batel c'alal to Asiria scotol ti jnaclejetic yu'une.

2 Reyes 17:23

C'ot ta pasel un, ti Diose laj xch'ac sba loq'uel ta stojol ti Israele jech c'u cha'al scaj'aloj ono'ox ta sventa scotol ti j'alc'opetic ti ja' yajtuneltaque. C'ot ta pasel ti israeletic chucbil batic c'alal to Asiria ti bu oyic avi tana li'e.

2 Reyes 17:6

Slajebal xa un, ti c'alal sbalunebal xa ox (9) jabil yochel ta ajvalilal ti Osease, ja' o laj yu'nin Samaria ti ajvalil yu'un ti Siriae. Laj sbec' batel ta chuquel israeletic c'alal to Asiria, ti c'ot yac' nacluc ta Halah ti oy ta yosilal Habore ta sts'el uc'um Gozán xchi'uc ta jteclumetic yu'un ti medoetique.

2 Reyes 18:1

Ti ta yoxibal (3) jabil yochel ta ajvalil ti Oseas xnich'on ti Ela ajvalil yu'un ti Israele, ja' o lic ochuc ta ajvalilal ti Ezequías xnich'on ti Acaz ajvalil yu'un ti Judae.

2 Crónicas 29:10

Li' une, laj xa jnop ta jpas jtrate xchi'uc ti Ajvalile, Dios yu'un ti Israele, yo' jech ta x'ech' ti sc'ac'al yo'nton ta jtojoltique.

2 Crónicas 30:9

Mi ta xasutic talel ta stojol ti Dios une, ti avajcontraic tana li' ti stsacoj ta chuquel ti avinquilelique, ti anich'nabique, ta xlic ayanuc syail xc'uxul yo'nton ta stojol. Jech ta xac' ye ti suticuc ech'el ta slumalique. Yu'un ti Ajvalil Dios avu'unique oy stuq'uil yutsil yo'nton, sna' xc'uxubinvan. Mu xasjipoxuc stenoxuc comel mi ta xasutic talel ta stojole.”

Salmos 103:17

Ta sventaic ti buch'utic ta xich'ic ta muc' ti Dios une, staoj yav sbatel osil oy ti syail xc'uxul yo'nton ta stojolique; mu'yuc spajeb stuq'uil yo'nton ta stojol scotol ti sjay-q'uexelal chlaj ech'icuc une,

Salmos 103:8

Ti Diose mu xtuch'van ta o'ntonal, mu'yuc x'ictavan, mu'yuc spajeb ti syail xc'uxul yo'ntone, oy sts'iquemal yu'un.

Salmos 103:9

Mu scotoluc c'ac'al tsacbilotic ta c'op yu'un; mu yaleluc sq'uejoj ti sti'emal scapemale.

Salmos 145:8

Ti Diose, c'un yo'nton, sna' xc'uxubaj, spajebal xa ti syail xc'uxul yo'nton ti oy ts'iquemal xcuchemal yu'une.

Salmos 79:5

Ch'ul Dios, ¿mi staoj to yav ilinemot un? ¿Mi co'ol s'elan c'oc' staoj yav xtiltun ti sc'ac'al avo'nton une?

Salmos 86:15

Le' une, Cajval, Diosot ti mu xatuch'van ta o'ntonale, ti c'ux ta xa'a'yivane, oy sts'iquemal xcuchemal avu'un, melel ono'ox oy syail xc'uxul avo'nton.

Salmos 86:5

Ti vo'ot une, Cajval, oy yutsil slequil avo'nton, ta xach'ay ti mulil colo'ile; yepal no'ox syail xc'uxul avo'nton ta stojol ti buch'u xvocolet ta atojole.

Proverbios 28:13

Mu lecuc ta xc'ot xchi'uc ti buch'u smucoj no'ox ti smule; ti buch'u ta sjam ti smule, ti ta xicta comele, ta xch'aybat.

Isaías 31:6

Sts'unubal snitilul Israel, sutanic talel ta stojol ti Buch'u ep laj xa asa'beic ti sti'ole.

Isaías 44:22

Yu'un laj jtub ti bu la'ech' lajelave, xchi'uc ti amul acolo' jech c'u cha'al ta xch'ay batel ti toque. Sutan talel ta jtojol, yu'un laj jtic' jba ta apojel acoltael.”

Jeremías 11:6

Va'i un, ti Diose xi laj yalbune: “Ti c'op li'e, puco batel ta jteclumetic yu'un ti Judae xchi'uc ta calleetic yu'un ti Jerusalene. Xi xavalbe ya'i ti jnaclejetique: ‘Chiquintao ava'i lec ti c'u s'elan ta xal jujubel ti trate li'e. C'otuc ta pasel avu'unic un.

Jeremías 12:15

Mi laj xa jbec' loq'uel une, ta xlic c'uxubajuc co'nton yu'unic. Ta sutic talel cu'un ti ta yosil sbanomilic ono'oxe.

Jeremías 23:8

Le'e, c'ajomal xi ta xlic sva'an sbaic ta yalele: ‘Ta sventa cuxul ti Dios ti laj stsob talel snitilultac ti Israel ti tanijemic batel ta jteclum ti oy ta stuq'uil yolon ti yolon xocon sloq'ueb c'ac'ale, xchi'uc ta yan jteclumetic ti tanijemic batel yu'une.’ Le' tana une, ta xlic nacliuc ta yosil sbanomil stuquic.”

Jeremías 3:1

Ti Diose xi ta xale: “Mi oy jun vinic ta sutes ti yajnile, mi malij ta yan ti ants laj sbaje, ti sba vinique mu xu' ta xcha'ic'. Ti jech taje, mu ts'icbaj lec ta xa'iic ti jteclume. Ja'uc ti vo'ot une, Israel, xloc' x'och ti avajval yu'unic ta c'upinele. Tana une, ta to xasut ava'i talel ta jtojol un. Ti vu'un Diosune, mu lo'iluc no'ox ma' taje.

Jeremías 3:14

Ti Diose xi ta xale: “Sutanic talel, toyobba nich'nabiletic, yu'un cu'unoxuc. Ta xquic' ta jtojol jun ta jujun jteclum. Ta xquic' ta jtojol cha'vo' ta jujuchop nitiluletic ti ta xcac' suticuc ta jteclum Sione.

Jeremías 3:18

“C'alal ta xc'ot ta pasel sc'ac'alil taje, ti jteclum Judae ta xlic sco'oltas yo'ntonic xchi'uc ti jteclum Israele. Jmoj xvoletic ta sutic batel ta muc' ta lum ti oy ta yolon ti yolon xocon sloq'ueb c'ac'al ta banomil ti calojbeic ta xcac'beic ta xrextoic amolmuc'totic laj ech'uc ta vo'nee.

Jeremías 3:22

Sutanic talel ta jtojol, toyobba nich'nabiletic, yu'un ta jpoxtaot ti vi a'elan yu'un ti atoyobbaile.” Ti israeletique xi ta xalique: “Li' xa oyuncutique, litalcutic xa ta atojol, yu'un ti vo'ote, Diosot cu'uncutic.

Jeremías 3:5

¿mi staoj yav ti ilinemote? ¿mi ta xjalij ta j'ech'el ti sc'ac'al avo'ntone?’ C'alal yacalot ta yalel ti va'i s'elan taje, ja' o ochem yipal avu'un ti bu xa c'alal xu' avu'un ta spasel scotol ti chopole.”

Jeremías 3:7

Ti vu'une laj jnop ti ta ts'acal ta sut talel ta jtojol c'alal mi ech' yo'nton scotol ti vi s'elan ta spase. Le' une, mu'yuc sut talel. Ti va'i s'elan taje, laj yil ec ti jovil-jol jteclum Judá ti ja' yuni chi'il ta voq'uel xa'i sbaique.

Jeremías 30:11

Ti vu'un Diosune, mu stselbuj ti jc'op ti li' oyun ta spojelote. Ta jtubbe sc'oplal scotol ti muc'tiquil lumetic bu tan puc labatic cu'une. Ja'uc ti vo'ote, mu'yuc ta jtub ac'oplal. C'ajomal no'ox ta jtsitsot ava'i ti xi s'elan loc' ta sa'el avu'une: laj ta alel ma' ti mu'yuc atsitsele.”

Jeremías 31:20

“Steclumal ti Efraine, ja' jun jnich'on ta xca'i ti c'ux ta co'ntone, nich'onil ti jelavem xc'uxubinel cu'une. C'alal ta jajantae, mu ono'ox tenbaj ta xca'i, ta ono'ox jvul co'nton yu'un. Ta xca'i ti mu'yuc spajeb ti xc'uxul co'nton ta stojole. Ti vu'un Diosune, mu lo'iluc no'ox ta xcal.

Jeremías 31:21

“Israel, ac'bo senyail ti be ti bu ta xa'ech'e yo' jech mu vocoluc ta xata ta sa'el. Tuc'ulano lec ti be ti bu la'ech' xanavane. Sutan talel, jteclum Israel, sutan talel ta ateclumaltac.

Jeremías 31:8

Ti c'u yepal oyic ta muc' ta lum ti oy ta yolon ti yolon xocon sloq'ueb c'ac'ale, ta sutic talel cu'un. Ta jbejel tsob talel ti bu xa ch'icajtic ta sjunul ti banomile. Jmoj ta xtalic xchi'uc ti ma'satetique, ti coxovetique, ti antsetic ti xchi'uc to ti yolique, xchi'uc ti buch'utic laj xa svoq'ues ti yolique. Mu no'ox albajuc yepal xvoletic sutel talel.

Jeremías 33:26

J'ech'el un, mu jip jten snitilultac ti Jacobe, xchi'uc snitilultac ti cajtunel Davide. Staoj yav ta jva'an ta ajvalil junuc yo' ta sventain snitilultac ti Abrahame, ti Isaaque, ti Jacobe. Ta jc'uxubinic, ta xc'ot ta pasel cu'un ta jeltabe ti yorailique.”

Jeremías 4:1

Ti Diose xi ta xale: “Israel, mi xac'an to xasutes aba, mu yanuc bu xatam batel, tuc' xasut talel ta jtojol. Mi j'ech'el laj aten loq'uel ti j'ac'-vocol loc'obbailetic avu'une, mi mu xach'ac aba ta jtojol,

Lamentaciones 3:22

ja' ti mu'yuc spajeb syail xc'uxul yo'nton ti Diose, ti mu'yuc lajem sc'oplal ti yutsilal slequilale.

Ezequiel 11:17

“Albo ya'i xtoc: ‘Xi ta xal ti Dios jech c'u cha'al li'e: Vu'un ta xquic' talel ta muc'tiquil lum ti bu tan puc batic cu'une. Yu'un ta jtsobic talel yo' ta xcac'beic ti lum Israele.

Ezequiel 33:11

Ta jva'an jba ta yalel ti vu'un Diosune, mi jutebuc oy ta co'nton ta xcham ti buch'u mu'yuc xch'ulel xa'i sbae. Ja' ta jc'an ti yictauc sba ta spasel ti bu chopol stamoj batele yo' jech ta xcuxi. Jteclum Israel, ictao ti bu chopol atamoj batele. ¿Mi yu'un aq'ueloj aba ta xacham?’

Ezequiel 39:25

“Jech o xal xi ta xcal ti vu'un Diosune: Tana li'e, scotol lum Israel snitilultac ti Jacobe, ta x'ayan liquel syail xc'uxul co'nton yu'unic. Ta jelbe yorailic yo' tsots sc'oplal ich'bil ta muc' ta xic'ot yu'unic.

Oseas 6:1

Ti israeletique xi ta xalique: “La'ic, acotolic, sutcutic ech'el ta stojol ti Diose. Yu'un laj slilinotic, ja' jech xtoc ta xislecubtasotic. Laj syayijesotic, ta xispoxtaotic no'ox xtoc.

Levítico 26:40

“Ac'o mi laj to avilic ti achopolique, xchi'uc xchopolalic ti atot ame'ique, xchi'uc ti mu'yucun ta avo'ntonique, xchi'uc ti laj to avilic ti laj asoquesbeicun ti co'ntone,

Zacarías 1:4

Mu me jechuc xapasic jech c'u cha'al laj spasic ti atot ame'ic ta vo'nee, ti albatic yu'un ti ba'yel j'alc'opetic ti c'opojic ta jventae, ti ac'o yicta sbaic ta spasel ti c'usi mu lecuc ta q'uelele, ti c'usitic chopol ta spasique. C'u stu un, ti stuquique mi ja'uc laj xchiquintabeicun, mi ja'uc laj xch'unbeicun. Mu me lo'iluc no'ox ta xcal ti vu'un Diosune.

Deuteronomio 30:2

Mi ta sjunul avo'ntonic, mi ta sjunul ach'ulelic ta xasutic talel yan velta ta stojol ti Dios xchi'uc ti avalab anich'nabique jech c'u cha'al laj calboxuc ava'iique,