Jeremías 3:1 - Bible in Tzotzil de Chamula

¹ Ti Diose xi ta xale: “Mi oy jun vinic ta sutes ti yajnile, mi malij ta yan ti ants laj sbaje, ti sba vinique mu xu' ta xcha'ic'. Ti jech taje, mu ts'icbaj lec ta xa'iic ti jteclume. Ja'uc ti vo'ot une, Israel, xloc' x'och ti avajval yu'unic ta c'upinele. Tana une, ta to xasut ava'i talel ta jtojol un. Ti vu'un Diosune, mu lo'iluc no'ox ma' taje.

Bible in Tzotzil de Chenalhó with Deuterocanon

¹ Jech chal noxtoc li Muc'ul Diose: “Me oy jun vinic ta xicta sbaic xchi'uc yajnile, me imalij ta yan vinic li antse, ¿me chbat to yic' yan velta li vinique? ¿Me mu ja'uc no'ox tsoquesbe sc'oplal sjunul slumal me jech tspase? Ja' jech laj apas ec li vo'ote, Israel; xco'laj xchi'uc ep xa boch'o lamulivaj achi'uc. ¿Me chanop ti xu' to chasut tal ta jtojole?, xacutot vu'un li Muc'ul Diosune.

Jeremías 3:1 Iomraidhean Croise

Salmos 106:38

Ta jech yepal, muts'ul sba satic ti buch'u laj smalbeic ti xch'ich'ele, xch'ich'el ti squerem stsebique, laj yac'beic smotonin ti diosetic oy ta Canaane. Balom ch'ich' com yu'unic ti banomil ta xch'ich'elic une.

Isaías 24:5

Ti jnaclejetique laj xa soquesic ti banomile. Mu'yuc xc'ot ta pasel yu'unic ti oy c'usi jbel albile. Laj sbajic ti mantaletique. Laj sten laj sjipic ti trate ti oy sc'oplal sbatel osile.

Jeremías 2:20

“Le' xa talel ma' ti lic atoy abaic talel ta jtojole, ti mu xac'anic pasel ta mantal une. Xi laj avalbe abae: ‘laj c'op ma' ti ta xcac' jba ta tunel une.’ Ta scotol ti buyuc no'ox ti toyol vitsetique, ta yolon scotol ti limlim te'tique, lic avac' abaic ta stojol yan.

Jeremías 2:23

¿Mi xloc' no'ox ta alel avu'un ti xachi ta xaval une: ‘Laj to c'op un quere ma' ti jbonoj jba une, ti jnijanoj jchimanoj jba ta yich'el ta muc' ti diosetic ti mu'yuc c'usi xu' yu'unique’? A'yio ava'i c'u s'elan la'ech' talel ta stenlejaltic. Tuc'ulano avil scotol ti c'u s'elan laj apase, ti co'ol a'elan me' camello ti mu no'ox ta yocuc xbitet ta jujujote.

Jeremías 2:7

Laj quiq'uic talel ta ve'ebal banomil li'e, yo' ta stun ta slajesic ti sat te'etic yu'une, xchi'uc ti c'usitic lec ta xloc' x'ayane. Latalic ec un, c'ajomal no'ox laj asoquesic ti jlum jbanomile. Ta acojic, lic ibuc co'nton ta stojol ti muc' ta lum li'e, ti c'otem ta cu'une.

Jeremías 22:20

“Judá, muyan batel ta vits Líbano, lic avanan un. Tsots avetan liquel ta vitstic yu'un ti Basane. Ta vitsuc to yu'un Abarim, avanan talel, yu'un tsalatic xa scotol ti buch'utic co'ol laj yac' ajolic xchi'uque.

Jeremías 3:22

Sutanic talel ta jtojol, toyobba nich'nabiletic, yu'un ta jpoxtaot ti vi a'elan yu'un ti atoyobbaile.” Ti israeletique xi ta xalique: “Li' xa oyuncutique, litalcutic xa ta atojol, yu'un ti vo'ote, Diosot cu'uncutic.

Jeremías 3:9

Mu ta vocoluc c'ot ta pasel ti lic socuc yu'un ti muc' ta lume. Yu'un yanij ta j'ech'el ti sjol yo'ntone. Lic snijan xchiman sba ta yich'el ta muc' ti loc'tabil tonetique, xchi'uc ti buyuc no'ox tec'ajtic ti te'etique.

Jeremías 31:22

¿C'usi to ora ta x'ech' avo'nton ti xatal xabat ta jujujot jech c'u cha'al junuc antsil nich'onil ti joviem ti sjole? Ti vu'un Ajvalilune, oy c'usi ach' q'uelel talel cu'un ti ta xc'ot ta pasel li' ta banomile: Ti antse snaban xa sba ta sc'anel spojel ta stojol vinic.”

Jeremías 4:1

Ti Diose xi ta xale: “Israel, mi xac'an to xasutes aba, mu yanuc bu xatam batel, tuc' xasut talel ta jtojol. Mi j'ech'el laj aten loq'uel ti j'ac'-vocol loc'obbailetic avu'une, mi mu xach'ac aba ta jtojol,

Jeremías 4:14

Jteclum Jerusalén, tuch'o loq'uel ta avo'nton ti c'usi chopole, ja' to jech ta xapoj aba. ¿C'usi to ora ta xajel ajol ta yictael ta snopilanel ti c'usi chopole?

Lamentaciones 1:2

Ta smil sba ta oq'uel ti jujun ac'ubal ta x'ech'e, xbein no'ox ti ya'lel sat ta j'ech'ele. Ta scotol ti c'u yepal xch'ayobil sjol xchi'uque, mi ja'uc junuc ta xtal patbatuc ti yo'ntone. Paybat sc'oplal joybij ta yajcontra ti buch'utic lec xil sba xchi'uque.

Ezequiel 16:26

Lec no'ox laj ava'i ta sbolomalinel aba xchi'uc ti alac'natac ti egipcioetic xyal o xchi'uquique. Laj aliquesbun sc'ac'al co'nton ti avac'ojbe yipal ta sbolomalinel abae.

Ezequiel 16:30

“Ti vu'un Ajvalilune, mu stselbuj ma' ti xi ta xcale: Yan xa no'ox sba ma' ti xchamel avo'nton ta sbolomalinel aba ti q'uexlal sba ta j'ech'ele.

Ezequiel 16:35

“Ants, ti xana' xabolomalin abae, a'yio ava'i ti jc'op ti ta xcalbote.

Ezequiel 33:11

Ta jva'an jba ta yalel ti vu'un Diosune, mi jutebuc oy ta co'nton ta xcham ti buch'u mu'yuc xch'ulel xa'i sbae. Ja' ta jc'an ti yictauc sba ta spasel ti bu chopol stamoj batele yo' jech ta xcuxi. Jteclum Israel, ictao ti bu chopol atamoj batele. ¿Mi yu'un aq'ueloj aba ta xacham?’

Oseas 1:2

Ti Diose xi xcholet ta xchapbe ya'i ti Osease: “Ti jnaclejetic ta yosilal Israele laj xa sa' yan yajvalic. Laj xa xch'ac sbaic loq'uel ta jtojol. Ti c'u s'elan laj spasique, paso jech ec, ba ic'o junuc ants ti sbolomalinoj sbae. Ayanuc anich'nab yu'un. Jech ti stuquique, jloc' me' ta xbatic.”

Oseas 2:2

Ti Diose xi laj yale: “Tic'beic ya'i smul ti ame'ique, tic'beic ya'i smul. Ma'uc xa cajnil. Mi ja'uc xa smalalun. Lajuc sc'oplal ti vinajem ti sbolomalinoj sbae. Lajuc sc'oplal ti ta xmeyilanat yu'un ti xch'ayobil sjol yo'ntone.

Miqueas 2:10

Lican, va'lanic, yalel muyanic ta xanobal, yu'un ma'uc yavil xcuxubil avo'nton li'e ta scoj ti mu albajuc ti chopol oy ta stojole. Jech o xal soquem ta j'ech'el.

Zacarías 1:3

Ja' yu'un avi tana li' une, xi xavalbe ya'iic ti jteclumal ti vu'un laj cale: ‘Ti Dios ti oy smuc'ul stsatsale, xi ta xale: Sutanic talel ta jtojol, jech ti vu'une ta xisut talel ta atojolic. Mu me lo'iluc no'ox ta xcal ti vu'un Diosune.

San Mateo 5:31

“Ava'binojic xi albatic ti amolmuc'totique: “Buch'uuc no'ox ta sbaj ti yajnile, ac'o smeltsanbe ti svunal bajobbaile.”

Deuteronomio 22:21

va'i un, ta sloq'uesat ech'el ta sti' sna ti stote yo' jech ti viniquetic yu'un ti jteclume, ta spujbeic ton ta milel ta scoj ti spajebal xa no'ox ti c'usi chopol laj spas ta stojol ti Israele, ti laj scus ta yic'obal ti stote. Ja' to jech ta stsuts sc'oplal ti jsoquesvanej ta atojolique.

Jueces 19:2

Ja'uc le' une, lic yut sbaic xchi'uc ti smalale. Bat nacluc xchi'uc stot ta Belén. C'alal ech' xa ox chanib u sc'otel ti antse,