Jeremías 26:9 - Bible in Tzotzil de Chamula

⁹ ¿Mi stac' no'ox alel ta xava'i ta yac'bel sbainel Dios ti ta xaval ti oy c'usi q'uelel ta stojol ti ch'ulna li'e, jech c'u cha'al c'ot ta stojol ti ch'ulna ta Siloe, ti lilijem ta xcom ti jteclume, ti mu junuc ta xcom ti jnaclejetic yu'une?” Ta jech yepal un, scotol ti jteclum ti oyic ta ch'ulnae, snet'-net' xa sba liquel vol xutic ti Jeremiase.

Bible in Tzotzil de Chenalhó with Deuterocanon

⁹ ¿C'u yu'un ti tsots avo'nton chaval ta sventa Muc'ul Dios ti ja' jech chich' pasbel jech chac c'u cha'al laj yich' pasbel te ta Silo li ch'ulna li'i, xchi'uc ti chich' yavnaijesel o li lum li'i, ti solel mu'yuc yajval chcom oe?”, xutic. Jech la stsob sbaic scotol li cristianoetic te ta ch'ulna yu'un Muc'ul Diose yu'un tscontrainic li Jeremiase.

Jeremías 26:9 Iomraidhean Croise

2 Crónicas 25:16

Ja'uc le' une, c'alal jech xyaquet ta xal ti j'alc'op taje, ti ajvalile xi laj stac' sutel ti c'ope: —¿Mi yu'un laj cac'cutic avabtel ta jbijubtasvanej yu'un ti ajvalile? ¡Ictao aba ta vulvunel xchi'uc taje! ¿Mi ja' lec ta xava'i ti ta xavich' milele? Ti j'alc'ope laj spajes sba, xi xa no'ox laj yal jbel cha'bele: —Jna' lec ti c'ot xa ta nopel yu'un ti Diose ti ta stub ac'oplal ta scoj ti mu xac'an xach'un ti ta jbijubtasote.

Isaías 29:21

Ti j'ac'-cuchinej milvaneje, ti j'ac'-cuchinej mulile, ti buch'u jech xa yilel ti sc'op buch'utic ta slo'la syanijesbel sjol ta spas ti mu xchapan ti buch'u ch'abal smule, ta xlaj sc'oplal.

Jeremías 32:3

Ta smantal ti ajvalil Sedequiase yich'uc bajel ta chuquel ta scoj ti xi ta xalolan ti Jeremiase: “Xi ta xal ti Diose: ‘Ti lum li'e, ta xcac' que jti' ti ochuc ta sc'ob ti ajvalil yu'un ti muc' ta lum Babiloniae.

Jeremías 33:10

Ti Diose xi ta xale: “Laj avalic ti sts'ijlajan ta xcom li'e, ti mu junuc ti jnaclejetique, ti chon bolometique. Ti beetic yu'un ti Jerusalene, sts'ijlajan ta xcom, ti sts'ijlajan ta xcom ti jteclumetic yu'un ti Judae, ti mu junuc ti jnaclejetique, ti mu junuc xcotlajan ti chon bolometic ti bu taje. Lec un cha'e, ta xlic vinajuc ta a'yiel liquel

Jeremías 36:29

Xi xcholet xavalbe ya'i batele: ‘Xi ta xalbot ava'i ti Diose: Laj achic' ti balbil vune. Laj asa'be smul ti Jeremías ti laj sts'ibabe sc'oplal ti ta xvul ta loq'uel ta slilinel muc' ta lum ti ajvalil yu'un Babiloniae, ti mu junuc jnaclejetic ta scomese, mi ja'uc ti chon bolometique.

Jeremías 9:11

“Yu'un ta joybin ta jun busul ton ti Jerusalene, yu'un ta xc'ot ta xch'en oq'uiletic. Ta joybin ta sts'ijlajan banomil ti jteclumetic yu'un ti Judae, mi junuc jnaclej ta xcom.”

Lamentaciones 4:13

Scotol taje, scoj smulic ti j'alc'opetique, ti paleetic ti mu albajuc chopol c'usitic laj spasique. Ta yutil jteclum laj smalbeic xch'ich'el ti buch'u jeche' muts'ul sba sat laj smilique.

Amós 5:10

Mu xa ono'ox cha'belucoxuc un, ti xti'et ajolic yu'un ti buch'u ta spacbe sc'oplal ti oy c'usi lec ta xich' chapele, ti ta xachopol-c'optaic ti lequil rexticoe.

Miqueas 2:6

Xiic ta xalic ti stuquique: “Ts'ijlan ca'itic ta jtojol ti c'usi xavulvun no'ox ta scaj'alilanele, mi ja'uc xu' ta xvul ta jtojoltic ti c'usi chopole.”

San Mateo 21:23

Ts'acal to ti Jesuse och batel ta ch'ulna. C'alal yacal ta xchanubtasvane, nopajic talel ti banquilal paleetique xchi'uc ti moletic yu'un ti israeletique, xi c'ot sjac'beique: —Albun ca'icutic, ¿c'usi avabtel ti vi s'elan ta xapase? ¿Buch'u laj yac'bot avabtel?

San Mateo 27:20

Ti banquilal paleetique xchi'uc ti moletique laj sbijubtasic ti c'u yepal tsobolique ti ac'o sc'anic ti coluc batel ti Barrabase, ti ja' ac'o yich' milel ti Jesuse.

Marcos 15:11

Ja'uc ti banquilal paleetique lic sliquesbe sjol ti jnaclejetique ti ac'o yalic scotolic ti coluc batel ti Barrabase.

San Juan 8:20

Ja' jech laj yal ti Jesuse c'alal ta xchanubtasvan ta ch'ulna ti bu oy xcaxail smoton ti Diose. Mi ja'uc junuc oy buch'u tsacvanic yu'un mu to ta xc'ot ti yoraile.

San Juan 8:59

Va'i un, ti stuquique laj stsaquic ton yo' ta xac'beic. Ja'uc ti Jesuse laj sq'uej sba, loc' batel ta ch'ulna. Ech' batel ta o'lol yu'unic, bat.

Hechos 13:50

Ja'uc israeletique laj yich'beic ye sti' jun chibuc antsetic ti ich'bilic ta muc' ti oy yutsil slequil yo'ntonic yiluque xchi'uc viniquetic ti ich'bil ye sti'ic ta jteclume. Ja'ic laj sliquesic c'op ti yich'uc contrainel ti Pabloe xchi'uc ti Bernabee yo' jech ta snutsic loq'uel ta slumalic.

Hechos 21:30

Scotol ti jteclume xvochvun no'ox liquel, ti xbitic no'ox c'otel ta anil ti jnaclejetique. Laj stsaquic ti Pabloe, xjochojic loq'uel ta ch'ulna, laj smaquic ta anil ti sti'taque.

Hechos 22:22

Ti va'i yepal taje, laj sts'etan xchiquinic ta ya'yiel ti israeletique. Ta jech yepal un, xi lic avanicuque: —Ch'aybeic sts'unubal ta banomil. Altic ta xcuxi ti vinic le'e.

Hechos 3:11

Ti coxov ti buch'u cole, mu x'ictavan, xnabet ta spat ti Pedroe, ti Juane. Scotolic xbitic no'ox talel ta anil ti bu oyic ta scoriolal ch'ulna ti sbiinoj Salomone. Ch'ayal no'ox c'ot yo'ntonic yu'un.

Hechos 5:12

Ta sba ta sat ti jnaclejetic ta banomile, oy c'usitic elom ta q'uelel ti ch'ayal ta xc'ot o'ntonal yu'unic ta spasic ti jcholc'opetique. Scotolic ta stsob sbaic ta scot-cotil coriol ti sbiinoj Salomone.

Hechos 5:28

—J'ech'el, jbel sc'oplal laj calboxuc ava'iic ti vu'uncutique, mu xa xavalbe sc'oplal ti vinic taje. ¿Bu bat avu'unic ti mantal une? Yu'un xpuquet no'ox avu'unic ta sjunul Jerusalén ti chanubtasele. Ma'uc no'ox taje, yu'un ta xacajan ta jbacutic ti cham ti vinique.

Hechos 6:14

Oy c'usi yaloj ca'icutic, ti Jesús ti liquem talel ta Nazarete ta slilin ti ch'ulnae xchi'uc ta syanijesbe sc'oplal ti c'u s'elan liquem cu'untic ti laj yac'botic comel ti Moisese.

Josué 18:1

Scotol ti c'u yepal svoloj sbaic ti israeletique, laj stsob sbaic ta Silo yo' ta sva'anic ti Axibalna ti bu nupel ta be yu'un ti Dios ti bu taje. Yu'un cuchem xa ox yu'unic yu'ninel ti banomile.