Jeremías 26:8 - Bible in Tzotzil de Chamula

⁸ C'alal tsuts ta alel yu'un ti c'u s'elan albil batel yu'un ti Diose, ti paleetique, ti j'alc'opetique, xchi'uc ti jteclume, tsac xutic ti xi laj yalbeique: “Ta xavich' ta j'ech'el tana.

Bible in Tzotzil de Chenalhó with Deuterocanon

⁸ C'alal ilaj yo'nton ta yalel c'usi i'albat yu'un Muc'ul Dios li Jeremiase, li paleetic, li j'alc'opetic, xchi'uc scotol li jteclume la stsaquic, jech laj yalbeic: “¡Ta jbel sc'oplal chacham!

Jeremías 26:8 Iomraidhean Croise

2 Crónicas 36:16

Ja'uc ti stuquic une tse'ej no'ox laj ya'ibeic sc'op ti yaj'alc'optac Diose. Mu'yuc stu laj ya'iic ti c'usitic laj scaj'alique. Laj xchopol-c'optaic ti yaj'alc'optaque. Ta jech to yepal un, mu ta vocol laj syales yoc sc'ob ta sc'ac'al yo'nton ti Dios ta stojol ti steclumale, ti mu'yuc xa laj sta spojel scolelic ta j'ech'ele.

Jeremías 1:19

Ta xastsaquic ta c'op ma' ti stuquic une, mu xastsalot, yu'un ta jtic' jba ta apojel un. Ti vu'un Diosune mu stselbuj ti jc'ope.”

Jeremías 18:18

Ti jnaclejetique xi lic snopique: “Jchapantic lec ti ch'ayuc sc'oplal ti Jeremías ta jtojoltique. Yu'un oy ono'ox paleetic ti ta xistojobtasotique. Oy ono'ox bijil viniquetic ti ta xisbijubtasotique. Oy ono'ox j'alc'opetic xu' ta xisjelubtasbotic c'usi ta xal ti Diose. Jtic'betic ya'i smul yo' ta xich' milel. Mu jch'unbetic ti c'usi ta xale.”

Jeremías 18:23

Ti vo'ot une, Cajval, xavojtiquin scotol c'u s'elan chapbil yu'unic ti ta smilicune. Laj to sc'oplal avu'un ti ch'aybil ta xc'ot ti c'u s'elan chopol ta spasique, ti ts'ij xi sc'oplal avu'un ti smulique. Toj yaleluc ta lum c'otuc ta atojol. Tsitso ya'i ta sc'ac'al avo'nton un.

Jeremías 2:30

Mu'yuc xtojobic ti avalab anich'nabic ti laj jtsitsique, mi jutebuc c'ot ta yo'ntonic un. Ti vo'oxuc eque, co'ol a'elanic jech c'u cha'al jti'oval león. Laj amilic ti j'alc'opetic avu'unique.

Jeremías 32:3

Ta smantal ti ajvalil Sedequiase yich'uc bajel ta chuquel ta scoj ti xi ta xalolan ti Jeremiase: “Xi ta xal ti Diose: ‘Ti lum li'e, ta xcac' que jti' ti ochuc ta sc'ob ti ajvalil yu'un ti muc' ta lum Babiloniae.

Jeremías 43:1

C'alal laj yo'nton ti Jeremías ta yalbel ya'i scotol ti jteclum ti c'u s'elan c'ubanbat yu'un ti Ajvalil Dios yu'unique,

Amós 7:10

Ti Amasíase, pale yu'un ti jteclum Betele, xi laj stac batel mantal ta yalel ta stojol ti Jeroboam ajvalil yu'un ti Israele: “Ti Amose xvolet jmoj xchi'uc ti jnaclejetic yu'un Israel ta xchapel ti ta spaybot ac'oplal ti Jcuch abtelote. Jech ti jteclume mu xa ts'icbaj ta xa'iic ti xvulvune.

San Mateo 22:6

Ti jlom xtoque laj stsaquic ta majel, laj smilic yaj'abteltac ti ajvalile.

San Mateo 27:20

Ti banquilal paleetique xchi'uc ti moletique laj sbijubtasic ti c'u yepal tsobolique ti ac'o sc'anic ti coluc batel ti Barrabase, ti ja' ac'o yich' milel ti Jesuse.

Hechos 5:33

C'alal jech laj ya'iique, cap sjolic ta j'ech'el, yo'ntonuc smilic ya'iic.

Hechos 7:52

¿Buch'u junucal ti j'alc'opetic ti mu'yuc laj yilbajinic ti amolmuc'totique? Laj smilic ti buch'utic laj yalbeic sc'oplal ti ta xtal ti Buch'u oy slequil yutsil yo'ntone. Tal tana un ti Buch'u oy slequil yutsil yo'ntone. Laj avaq'uic ta c'abal, laj amilic.

Apocalipsis 18:24

Ti li' ta muc' ta lume, laj yich' tael amul ta scoj mal xch'ich'el ti buch'utic c'opojic ta sventa ti Diose, ti buch'utic ja' yu'untaque, xchi'uc scotol ti buch'utic laj yich'ic milel ta sjoylej banomile.