Jeremías 26:6 - Bible in Tzotzil de Chamula

⁶ va'i unbi ti ch'ulna li'e, mu yanuc ta jpas ta stojol jech c'u cha'al laj jpasbe ti ch'ulna yu'un ti Siloe. Ta jventa, ti muc'tiquil lumetic ti oy ta sjunul banomile, ta sbisic ta cotol chaval ti jteclum li'e.’ ”

Bible in Tzotzil de Chenalhó with Deuterocanon

⁶ li ch'ulna li'i ja' jech ta jpasbe jech chac c'u cha'al la jpasbe ono'ox te ta Siloe. Ja' sq'uelubil ta xc'ot ta scotol yantic lumetic ti chopol sc'oplal chcom o li lum li'i’, uto”, x'utat yu'un li Muc'ul Diose.

Jeremías 26:6 Iomraidhean Croise

2 Reyes 22:19

ti jech abol aba laj ava'ie, ti laj anijan aba ta ya'yiel ti c'u s'elan xcholet sc'oplal laj calbe ti jteclume, ti jnaclejetic yu'une, ti ta jbel sc'oplal mu'yuc c'usi x'ayan ta xcome xchi'uc ti bac svocolique. Ti jech laj ach'i' ta jatel ti ac'u'e, ti la'oc' yu'un ta jba ta jsate, jech ti vu'un eque, laj ca'i ti ac'ope. Jech ta xcal ava'i ti vu'un Diosune.

Isaías 43:28

Ti ajvaliletic avu'unique laj soquesbeicun ti jch'ulnae. Jech o xal un, jsat no'ox jq'uel ti chopol c'optabil lilijem com ti Israel steclumal ti Jacobe.

Isaías 65:15

Ti buch'utic t'ujbilic cu'une ta stunes abiic ta sbisel ta cotol chaval ti c'otuc ta lajel tubel ti yane. Ti cajtuneltac une, ta xlic jelbe ti sbiique.

Jeremías 24:9

Ta xcac' c'otuc ta stojolic ti ta xbat xa xch'ulelic ta xi'el scotol ti yan muc'tiquil lumetic oy ta banomile. Ti bu tan puc ta xbatic cu'une, xvic' to satil yu'unic ti nijil chimilic ta q'uexlale, ti bajbil tenbile, ti bisbilic ta cotol chavale.

Jeremías 25:18

Laj cac'be yuch'ic ec ti Jerusalene, xchi'uc ti jteclumetic yu'un ti Judae, jmoj xchi'uc ti ajvaliletic yu'une, ti banquilaletic yu'une, yo' jech ta xc'ot ta lilijel ti stuc sbusulil ta xcom ti mu albajuc xi'elal ta xaq'ue, ti bisbil ta cotol chaval ta xc'otic ec ti buch'utic jech to stamojic tana le'e.

Jeremías 29:18

Ta xlic quilbeic ya'i svocolic ta leto, ta vi'nal, ta tsots chamel. Ta xc'ot ta pasel cu'un ta stojolic ti yan muc'tiquil lumetic ta banomile, ti xbat xa xch'ulelic ta xi'el yu'une. Ta xjoybijic ta j'ac'-xi'el ti xvic' to satil yu'unic ti nijil chimilic ta q'uexlale, ti ta sbiseic ta cotol chavale. Ta xc'otic ta tsots j'ac'-xi'el yu'un scotol ti muc' ta lumetic ti bu tan puc laj jtaquic batele.

Jeremías 29:22

Ti jech taj une, ti jteclum Judá ti bec'bil loq'uic ti batic ta Babiloniae, mi oy nan jlom yu'unic ta sbisic ta cotol chavale, xi yalicuque: Jechuc spas ava'i ti Dios ta atojol jech c'u cha'al laj spasbe ti Sedequiase, xchi'uc ti Acabe, ti cuxul jipatic ochel ta c'oc' yu'un ti ajvalil ta Babiloniae.

Jeremías 42:18

“Ti Ajvalil Dios yu'un Israel ti scotol xu' yu'une, xi ta xale: ‘Ti c'u s'elan ti sc'ac'al soquemal co'nton ta scontrainel ti jnaclejetic ta Jerusalene, ja' no'ox jech ta jtiles ta atojolic ec mi ta xabat naclanic ta Egiptoe. Mu xlaj ta alel ti bisbil ta cotol chaval ti ac'oplal ti xi'el xac' ta xa'i yu'un ti yane, j'ech'el xch'ay o ta asatic ma' ti banomil unbi.’

Jeremías 44:22

Le' une, mu ts'icbaj cuchbaj laj ya'i ti Dios yu'un scotol ti c'usitic chopol ta xapasique. Jech o xal ti ateclumalic ti c'ac'al tana li' une, sts'ijlajan ta j'ech'el mi junuc naclej ta xcom. Joybij ta jun j'ac'-lo'il-maxil xi'el xac' ti c'usi c'ot ta stojole.

Lamentaciones 2:15

C'alal ta xilot ti buch'utic ta x'ech'ic ta bee, smaj xa sc'obic xlabajic xa, xpiobajic xa, sjim xa sjolic ta labanvanej, ti xi ta xalic ta stojol ti c'upil sba Jerusalene: “¿Mi ja' la ti jteclum le'e, ti albil sc'oplal spajeb xa no'ox sc'upilal ta banomile?”

Lamentaciones 2:16

Scotol ti avajcontrataque xbet'bun no'ox yeic ta atojol. Smats' xa yeic, xpiobajic xa, sibtasvanic xa ti xi ta xalique: “J'ech'el cuch xa cu'untic ta slilinel un. Ti vo'ne xijmacmun xchi'uque, sta xa sc'ac'alil, laj to quiltic ta jsatic un.”

Daniel 9:11

Yu'un sjunul jteclum Israel, mu'yuc xaq'uic ta venta ti chanubtaseletic avu'une. Yu'un laj sjip ta spat ta xoconic ti c'usitic ta xac'an ti ac'o spasique. Jech o xal un, cajal vul ta jbacutic ti bac vocole. Yu'un laj quich'cutic ti jech no'ox loq'uem ta alel ti ts'ibabil comel yu'un ta jbel ti c'usi tsots albil yu'un ti Moisés ti ja' avajtunele. Yu'un ja' ta scoj ti laj xa jta jmulcutic ta atojole.

Zacarías 5:3

Va'i un, xi laj yalbune: “Le'e, ja' tey ts'ibabil ti oy sc'oplal ta staic bac vocol scotol ti jnaclejetic yu'un ti muc' ta lume. Ti c'usi ts'ibabil ta jujujote, ja' ta xal ti jbel sc'oplal ta stojic ti buch'u ta x'elc'ajique, xchi'uc ti buch'u jeche' no'ox ta xal ti ta sva'an sba ta rexticoe.

Malaquías 4:6

Yu'un ta xc'ot ta pasel ti ta slajesbe sba yo'ntonic ti totil me'iletic xchi'uc ti alab nich'nabiletique. Mi mo'oje, ta xtal cac'be svocol ti steclumale, ta jtsutses ta j'ech'el.”

Josué 18:1

Scotol ti c'u yepal svoloj sbaic ti israeletique, laj stsob sbaic ta Silo yo' ta sva'anic ti Axibalna ti bu nupel ta be yu'un ti Dios ti bu taje. Yu'un cuchem xa ox yu'unic yu'ninel ti banomile.