Jeremías 26:5 - Bible in Tzotzil de Chamula

⁵ mi mu xaq'uic ta venta ti c'u s'elan cajbijubtasvanic ti cajtunel j'alc'opetique, ti mu'yuc stu laj yilic ti laj ono'ox jtaquilan talel ta stojolique,

Bible in Tzotzil de Chenalhó with Deuterocanon

⁵ xchi'uc me mu xavich'beic o ta muc' sc'op li j'alc'opetic cu'un ti te ono'ox la jtaquilan o tal ta atojolic ti muc ono'ox xavich'ic ta muq'ue,

Jeremías 26:5 Iomraidhean Croise

2 Reyes 17:13

Yu'un ta xava'i une, ti Diose scaj-bijubtasoj xa ono'ox ti israeletic ta sventa ti c'usitic yaloj scotol ti j'alc'opetique, xchi'uc ti buch'utic xu' yu'un ta xjac'vanic ta stojol ti Diose, ti ac'o yicta ti c'usitic chopol stamojic ta spasele, ti c'otuc ta pasel yu'unic ti mantaletique, xchi'uc ti c'usitic jbel tsots albil ta scotol ti chanubtasel ti ac'batic comel ti smolmuc'totic ta sventa ti j'alc'opetic ti ja' yajtuneltaque.

2 Reyes 17:23

C'ot ta pasel un, ti Diose laj xch'ac sba loq'uel ta stojol ti Israele jech c'u cha'al scaj'aloj ono'ox ta sventa scotol ti j'alc'opetic ti ja' yajtuneltaque. C'ot ta pasel ti israeletic chucbil batic c'alal to Asiria ti bu oyic avi tana li'e.

2 Reyes 24:2

Ja'uc le' une, tacbat talel yu'un Dios ta stojol ti Joacime, epal j'elec' caldeoetic, sirioetic, moabitaetic, xchi'uc ti amonitaetique. Laj stac talel ta yilbajinel ti Judae yo' jech ta xc'ot ta pasel ti ta xch'aybat sc'oplal ta j'ech'el jech c'u cha'al scaj'aloj ono'ox ti Dios ta sventa ti yajtunel j'alc'optaque.

2 Reyes 9:7

Vo'ot ta xatsutsesbe sc'oplal snitilultac ti Acab ti avajvale, ja' to jech ta xapacbe sutel ti laj smalbeic xch'ich'el ti caj'alc'optaque, ti cajtuneltaque, ta spaybil c'op ti Jezabele.

Esdras 9:11

c'alal laj avalbuncutic mantal ta sventa ti j'alc'opetique, ja' ti avajtuneltaque. Laj ono'ox avac' jna'cutic ti soquem ta j'ech'el ti jteclum ti bu oy sc'oplal ta xi'ochcutic batele, ti ta xcu'nincutique. Laj avac' ta na'el ti naca mulil oy ta yo'ntonic ti jnaclejetic teye, ti mu lecuc ta q'uelel ti c'u s'elan liquem yu'unic ta spasele, ti yac'ojbeic yipal spasel ti c'usi mu stac' q'uelel ta xavile.

Jeremías 11:7

C'alal laj jloq'uesic talel ta Egipto banomil ti amolmuc'totic ta vo'nee, laj ono'ox jcaj'albeic ya'iic ti ac'o xiyaq'uicun ta ventae, ti jech o ta jcaj'alilan talel tana li'e.

Jeremías 29:19

Yu'un mu'yuc laj yaq'uic ta venta ti scajbijubtaselic ta sventa ti cajtunel j'alc'optac ti laj ono'ox jtacolan talel ta stojolique. Mu jset'uc laj xchiquintabeic ti sc'ope. Ti vu'un Diosune, mu lo'iluc no'ox ta xcal.

Jeremías 32:33

Laj svalopatinicun comel. Ma'uc ta xac' satic ta jtojol. C'alal mi jutebuc quictaoj jliqueluc ta stojobtaselique, mi ja'uc xaq'uicun ta venta. Mi ja'uc stsaquic ma' ti tuq'uibtasel ta xcac'beique.

Jeremías 35:15

Yu'un ta ono'ox jtaquilan talel ta atojolic scotol ti cajtunel j'alc'optac ti xi ta xalboxuque: Ictaic comel ti chopol avo'ntonique, ti chopol ti c'usi ta xapasique. Mu xanijan xachiman abaic ta sts'acliel ti yan diosetique yo' mu'yuc c'usi xana'ic ta naclej ta banomil ti laj cac'boxuque, ti laj cac'beic ti atot ame'ic ta vo'nee. Mi ja'uc laj avaq'uicun ta venta. Mi ja'uc laj ach'unbeicun un.

Jeremías 35:17

Jech o xal ti vu'un Ajvalilun ti scotol xu' cu'une, Diosun yu'un ti Israele, xi ta xcale: Ti cuxul j'ilbajinvanej vocol ti laj calboxuc ava'iic sc'oplale, lamal ta xc'ot ta sbaic ti jnaclejetic ta Judae, ti ta Jerusalene. Lic'opoj ta atojolic, mi ja'uc laj avac'beicun ta venta. Ma'uc no'ox ac'oplalic ta xava'iic ti ic'biloxuc cu'une.’ ”

Jeremías 44:4

Laj jtaquilan talel ta atojolic ti cajtunel j'alc'optac ta yalbeloxuc ava'iic ti mu xatam ta spasel ti c'usi chopol ti mu jc'an jq'uel ta j'ech'ele.

Jeremías 7:13

Ac'o mi xivulvun ono'ox ta yalbelot ti c'u a'elan xchi'uc ti achopolale, mi ja'uc laj avaq'uic ta venta. Ech' no'ox ta apat ta axoconic. Ti vu'un Diosune, mu lo'iluc no'ox ta xcal.

Jeremías 7:25

Laj jtacolan talel ti cajtuneltaque, ti caj'alc'optaque ti c'alal loq'uic talel ta Egipto ti atot ame'ic ta vo'nee, ti jech to ta jpasolan ta atojolic avi tana li'e.

Ezequiel 38:17

‘Xi ta xcal ma' ti vu'un Diosune: Ti cajtuneltaque, ti caj'alc'optaque, le' xa talel ta vo'ne, laj yalic ti oy buch'u ta jtac talel ta xtal stsac ta c'op ti Israele, ja' ac'oplal laj cal ma' taj une.’

Amós 3:7

Mu'yuc c'usi ta spas ti Diose ti mi mu'yuc ba'yel ta xac'be yil ti jtunel yaj'alc'optaque.

Zacarías 1:6

Ja'uc ti jc'ope, ti jmantaltaque, ti laj cac'be sbainic ti cajtunel j'alc'optaque, laj yalic ta stojolic ti atot ame'ic ta vo'nee. Jech ti stuquique sutic talel ta jtojol, yu'un laj sna'ic ti vu'un Diosun ti scotol xu' cu'une, ti jech laj jpasbeic ta stojolic jech c'u cha'al ti c'u s'elan loc' ta nopel yu'unique xchi'uc ti c'usitic laj spasique.’ ”

Apocalipsis 10:7

Yu'un ti c'alal sta yorail ta xoq'uisan yoq'ues ti yucubal anjele, c'ajomal xa no'ox ta xc'ot ta pasel ti oy c'usi smucoj ti Dios jech c'u cha'al laj yalbe ti yajtuneltac ti ja' yaj'alc'optaque.”

Apocalipsis 11:18

Ti muc'tiquil lumetique soquet ti sjolique, yu'un sta xa yorail lic sc'ac'al avo'nton ta xavac'be stojic ta j'ech'el, ti ja' yorail xa ta xachapan ti animaetique. Sta xa yorail ta xavac'be smoton ti avajtuneltaque, ja' ti buch'utic c'opojic ta aventae, ti laj yich'ot ta muq'ue, manchuc mi yalel toyol ti sbijilique. Sta xa yorail ta xatubbe sc'oplal ti jsoquesej-banomile.”