Jeremías 26:4 - Bible in Tzotzil de Chamula

⁴ Albo ya'iic ti vu'un Diosune xi ta xcale: ‘Mi mu xaq'uic ta venta, mi mu xc'ot ta pasel yu'un ti bijubtasel ti laj calbeic ya'iique,

Bible in Tzotzil de Chenalhó with Deuterocanon

⁴ Jech xavalbe ya'yic; jech chcal vu'un li Muc'ul Diosune: ‘Me jech mu xavich'icun o ta muc', me mu xach'unic li mantaletic cu'un laj cac'boxuque,

Jeremías 26:4 Iomraidhean Croise

1 Reyes 9:6

“Ja'uc le' une, mi ta xlic aq'uej abaic ta jtojol ti vo'oxuc xchi'uc ti anich'nabique, mi mu xc'ot ta pasel avu'unic ti jmantaltaque, ti jbel c'usi albil cu'une, mi ta xlic ats'acliic ta yich'el ta muc' ti yan diosetique,

Isaías 1:20

Yan ti mi avac'ojbeic yipal ti toyobbaile, ta jbel sc'oplal unbi, ta xachamic ti c'alal xyaquet ti letovajele”, xi laj yal ti Ajvalil Diose.

Jeremías 17:27

Mi mu xach'unic ti jmantaltaque, mi mu xavaq'uic ta venta ti sc'ac'alil cuxob o'ntonale, mi mu xapajes abaic ta xcuchel talel icatsil ta ti'naetic ta Jerusalén ti jech c'ac'al taje, va'i unbi, ta jtiles c'oc' ta ochebal ti'naetic yu'un ti jteclume, jun c'oc' ti j'ech'el ta slilin ti muc' ta naetic yu'un ti Jerusalene, mi junuc buch'u ta xtub yu'un ti c'oq'ue.’ ”

Jeremías 22:5

Yan mi mu xavaq'uic ta venta ti va'i s'elan laj jcaj-t'amboxuque, jech ti muc' ta na li'e, ta j'ech'el ta xlilij. Ti vu'un Diosune, mu stselbuj ti jc'ope.’ ”

Jeremías 32:23

C'alal ochic talel ta jteclum li' une, laj yu'ninic un. Mu'yuc laj yaq'uicot ta venta. Mi ja'uc laj xch'unic ta spasel ti c'u s'elan laj atojobtase, mi ja'uc ti c'u s'elan laj avalbe ya'iique. Jech o xal un, laj atacbe talel ta stojol ti cuxul j'ilbajinvanej vocole.

Jeremías 44:10

Staoj to yav tana li' une, mu xac'an xasutes abaic. Mi ja'uc ma' ti ta xaxi'ique. Mi ja'uc xavaq'uic ta venta ti bijubtasele, xchi'uc ti oy c'usi jbel albil ti tsots sc'oplal c'otem ta aventaic cu'une, xchi'uc ti atot ame'ic ta vo'nee.

Jeremías 44:23

Ti vocol lamal ta atojolic tana le' une, vul ta loq'uel ta scoj ti laj avac'beic chic'bil pom ti loc'obbail diosetique. Laj ata amulic ta stojol ti Diose, yu'un mu'yuc xavaq'uic ta venta ti bijubtaseletic yu'une, xchi'uc ti oy c'usitic jbel tsots albil yu'une. Mu'yuc xc'ot ta pasel avu'unic ti smantaltaque.”

Jeremías 7:14

Jech o xal, ti c'u s'elan laj jpas ta stojol ti ch'ulna ta Siloe, ja' jech ta jpasbe ta stojol ti jtaobil ta na'el ta ch'ulna li'e, ti laj cac'boxuc xchi'uc ti atot ame'ic ta vo'nee, yo' jech oy yip avo'ntonic xchi'uc.

Deuteronomio 11:32

chanic ta yabtelanel scotol ti c'usitic jbel albil ti tsots sc'oplale, ti c'usitic nopbil ti laj cal ava'iic li'e.

Deuteronomio 31:20

C'alal mi ochic xa batel cu'un ta banomil ti bu laj jva'an jba ta yalel ti ta xcac'beic ti smolmuc'totique, ta banomil ti bu co'ol s'elan vo' ta xbein ti chu' vacaxe, ti ajapome, c'alal mi laj xa yet'es yo'ntonic ta stunel ta slajesel ti c'usitic x'ayane, mi jubic lec xchi'uque, ta xlic snijan xchiman sbaic ta yich'el ta muc' ti yan diosetique. Ta xlic stenic sbajicun comel xchi'uc ta soquesel ti jtratee.

Deuteronomio 4:44

Ti li'e, ja' ti chanubtasel ti laj yich'ic albel ti israeletic yu'un ti Moisese.

Deuteronomio 4:8

¿Mi yu'un oy la bu muc' ta lum ti oy ta yoc ta sc'obic ti oy jbel ti c'usitic tsots albile, xchi'uc jun yutsiquil nopbil ti lec tuc' ta j'ech'el ta xchanubtasvan jech c'u cha'al laj xa cal ava'iic ta atojolic avi tana li'e?

Hebreos 6:18

Ja' yu'un un, ta sventa ti cha'bel taje, ti jbel sc'oplal mu stac' jelele, xchi'uc ti mu sjut c'op ti Diose, xpatet to co'ntontic yu'un ti jech laj xa jsa'tic jpojel jcoltaeltic ta stojole.