Jeremías 24:8 - Bible in Tzotzil de Chamula

⁸ “Ja'uc ti Sedequías ajvalil yu'un ti jteclum Judae, xchi'uc ti banquilaletique, xchi'uc ti jlom jnaclejetic ta Jerusalén ti comic ta lum li'e, xchi'uc ti buch'utic laj yac' sjolic naquiic ta Egiptoe, ja' jech ta xquilic jech c'u cha'al ti chopol sat icux ti mu stac' lo'el ta scoj ti mu'yuc leque.

Bible in Tzotzil de Chenalhó with Deuterocanon

⁸ “Yan li Sedequías ajvalil ta Judá, xchi'uc li banquilaletic, xchi'uc li yantic israeletic ti li' chcomic ta avosilalique xchi'uc li boch'otic chbat naquiicuc ta Egiptoe, ja' jech chquilic jech chac c'u cha'al li chopol higo ti solel mu stac' lo'ele.

Jeremías 24:8 Iomraidhean Croise

1 Crónicas 3:15

Xnich'nab ti Josiase xi s'elan ti ayan talele: Johanán sbi ti banquilale; Joaquim sbi ti xchibale; Sedequías sbi ti yoxibale; Salum sbi ti xchanibale.

Jeremías 13:7

Libat ta uc'um Eufrates ec un. Lic jots'ilan ta sloq'uesel talel ta banomil ti bu nac'al cu'une. C'a'em xa ti mu'yuc xa c'usi xtun o ta j'ech'el une.

Jeremías 21:10

Loc' ayan xa ta co'nton ta joybij ta chopol ti oy ox c'usi lec ta sta ti jteclum li'e. Ta xcac'be ta yoc ta sc'ob ti ajvalil yu'un jteclum Babilonia ti ac'o sbain ta spajbel ti sc'ac'ale. Ti vu'un Diosune, mu stselbuj ti jc'ope.

Jeremías 24:2

Ti jun moche, lequil sat icux tiq'uil ti yich'oj xa lec sta'ajemale. Yan ti june, naca chopol icuxetic tiq'uil, spajeb chopol, mi ja'uc xal o'ntonal ta slajesel.

Jeremías 24:5

“Ti vu'un Ajvalilune, Diosun yu'un ti Israele, xi ta xcal ava'ie: Jech c'u cha'al jun lequil sat icux ta xquil steclumal ti Judae, ti laj cal mantal ti bec'bil loq'uicuc ti bat c'alal to muc' ta lum yu'un ti caldeoetique. Staojic ti lec xquilique.

Jeremías 37:10

Ti vo'oxuc une, manchuc mi ta xatsalic scotol ti soldado caldeoetic ti svoloj sbaic ta atojolique, ti jun chib yayijemic ti oyic ta axibal nae, ta xlic stam sbaic ta stsanbeic sc'ac'al ti jteclume.’ ”

Jeremías 37:17

Ti ajvalil Sedequiase laj yal mantal ti yich'uc iq'uel batel ta muc' ta na ti Jeremiase. C'alal ic'bil bat ti Jeremías ta stojol ti ajvalile, xi lic sjac'be ta mucule: “¿Mi oy c'usi yalojbot ti Diose?” Ti Jeremiase xi laj staq'ue: “Oy, xi s'elan ta xal li'e: Ti Jcuch abtelote, ta xa'och ta yoc ta sc'ob ti ajvalil yu'un ti Babiloniae.”

Jeremías 43:1

C'alal laj yo'nton ti Jeremías ta yalbel ya'i scotol ti jteclum ti c'u s'elan c'ubanbat yu'un ti Ajvalil Dios yu'unique,

Jeremías 44:1

Xi ta x'albat Jeremías ta sventa sc'oplal scotol ti judíoetic ti bat nacalicuc ta muc' ta lum Egiptoe, ti oy ta jteclumetic yu'un ti Migdole, ti Tefnese, ti Menfise, xchi'uc ti buch'utic oyic ta yolon ti yac'ol xocon smaleb c'ac'ale: