Jeremías 24:10 - Bible in Tzotzil de Chamula

¹⁰ Ta banomil ti bu laj cac'beique, ti cac'ojbeic no'ox ti stot sme'ic ta vo'nee, ta xcac' taluc ti letoe, ti vi'nale, ti chamele, ja' to ti c'uxi mu junuc ta xcomic ta muc' ta lume.”

Bible in Tzotzil de Chenalhó with Deuterocanon

¹⁰ Xchi'uc ta jtacbe tal ta stojolic milel, vi'nal, xchi'uc chamel, ja' to me itu'p scotolic li' ta banamil ti bu cac'ojbeic xchi'uc li smoltotic ta vo'onee”, xi li Muc'ul Diose.

Jeremías 24:10 Iomraidhean Croise

1 Reyes 14:15

Ta xq'uiatic ta vocol yu'un Dios ti israeletique co'ol jech c'u cha'al ti xq'uiet no'ox ta xbat ta jujujot ti pujetic yu'un ti uc'ume. Ta xjipatic loq'uel li' ta lequil banomil ti ac'batic ti amolmuc'totique, ti jelavel to ta uc'um Eufrates ta xtenatic batel ta scoj ti laj spasbeic sloc'obbail ti Astartee, ti lic ilinuc ti Dios yu'unique.

Isaías 51:19

Ti cha'tos vocole, xi s'elan ma' ti vul ta atojole: Lilij ti alumale, ti laj yich' pojel batel ti c'usitic x'ayan yu'une. Chamic ta vi'nal ti avinquileltaque xchi'uc ta leto. ¿C'u no'ox cha'al jech c'ot ta atojol le' une mi oy buch'u xi xana'? ¿Mi oy to la buch'u ta spat avo'nton xana'?

Jeremías 14:12

Mi yepal no'ox ta xicta ti yotique, mu xca'ibe ti jech xvocoletique. Mi yepal no'ox ta xaq'uic ti chic'bil matanale, ti sat ts'unubaletique, j'ech'el mu lecuc ta xquil. Ta jtsutsesic ya'i ta leto, ta vi'nal, ta chamel.”

Jeremías 15:2

Mi ta sjac'bot ti bu ta xbatic une, xi xavalbe ya'i ta jventae: ‘Ti buch'utic ta bate' chamel yich'oj talel ta xc'ot ta tsutsele, bate' chamel xa'i xcham xlaj. Ti buch'utic ta leto yich'oj talel ta xc'ot ta tsutsele, leto xa'i xcham xlaj. Ti buch'utic ta vi'nal yich'oj talel ta xc'ot ta tsutsele, vi'nal xa'i xcham xlaj. Ti buch'utic bec'bil loq'uel ta slumalic yich'oj talele, bec'bil ta xloc' ta slumalic.’

Jeremías 16:4

Ep ta tos jtsutsesvanej chamel xa'i xcham xlajic. Laj to ta alel ma' ti oy yoq'uitaelique, ti oy smuquelique, yu'un xi s'elan ta xc'otic ta stojolique: Q'uiil ta xcomic ta lumtic jech c'u cha'al tso' chon bolometic ti busul no'oxe. Leto, vi'nal xve' yu'unic. Ti sbec'tal stacopalique, xulemetic xchi'uc jti'oval chon bolometic xve' yu'unic.”

Jeremías 19:7

Ti c'usi chapal xa yu'un ti Judae, xchi'uc ti Jerusalene, li' ta xc'ot ta soquel ta lilijel une. Ta xc'ot ta pasel cu'un ti ta stsutsesatic yu'un ti jtsutsesvanej jcontrainvaneje. Xulem xchi'uc jti'oval chonetic xve' yu'un ti sbec'tal stacopalique.

Jeremías 21:9

Ti buch'u li' ta xcom ta jteclume, ta xcham ta leto, mi ta vi'nal, mi ta jun muc' ta chamel. Ja'uc ti buch'u ta xbat snaban sba ta stojol ti caldeoetic ti yacal xa ta stsac ta leto ti jteclume, mu xchamic, ta to xc'ot ta pojel.

Jeremías 27:8

Mi oy bu jchopuc muc' ta lume, mi ja' jun ajvalil ti mu sc'an ventainel yu'un ti Nabucodonosore, ta xlic jtsitsic ya'i ti ta xlajic ta letoe, ti lajicuc ya'i ta vi'nale, xchi'uc ti ta tsots chamele, ja' to ti c'uxi ventainbil ta xcom yu'un scotole. Ti vu'un Diosune, mu lo'iluc no'ox ta xcal.

Jeremías 29:17

‘Ti Ajvalilun ti scotol xu' cu'une, xichi ta xcale: Ta jtacbeic talel leto, vi'nal xchi'uc chamel ta stojolic. Ta staic cu'un jech c'u cha'al junuc c'a'emal icux toj chopol ta j'ech'el ti mu stac' lo'ele.

Jeremías 29:18

Ta xlic quilbeic ya'i svocolic ta leto, ta vi'nal, ta tsots chamel. Ta xc'ot ta pasel cu'un ta stojolic ti yan muc'tiquil lumetic ta banomile, ti xbat xa xch'ulelic ta xi'el yu'une. Ta xjoybijic ta j'ac'-xi'el ti xvic' to satil yu'unic ti nijil chimilic ta q'uexlale, ti ta sbiseic ta cotol chavale. Ta xc'otic ta tsots j'ac'-xi'el yu'un scotol ti muc' ta lumetic ti bu tan puc laj jtaquic batele.

Jeremías 32:24

‘Ti caldeoetic tana le' une laj xa smeltsan sbitebic ta svoliel ti lume. Ti q'uelel ti letoe, ti vi'nale, ti tsots chamele, ta xc'ot ta pasel ti ta x'och ta c'abal yu'un yajcontratac ti lume. Cajval, aviloj xa ti ta xa xc'ot ta pasel ti c'usi laj avale.

Jeremías 32:25

Le' une, Cajval, laj avalbun mantal jmanuc ti banomile, ti jtojuc ta sba ta sat ti rexticoetique, ac'o mi ta x'och ta sc'obic caldeoetic ti jteclum li'e.’ ”

Jeremías 34:17

Ti vu'un Ajvalilune xi ta xcal ava'iique: Ti vo'oxuc une, mu'yuc xach'unbeicun ti loc'uc ta mosovil avu'unic ti avinquilelique. Tana ec une, jq'ueloj ta xvul ta loq'uel ta atojolic ti letoe, ti tsots chamele, ti muc' ta vi'nale, yo' ta xc'ot ta atojolic yu'un ti mu x'ech' xi'elal ta xa'iic scotol ti ajvaliletic ti oy ta banomile. Ti vu'un Diosune, mu lo'iluc no'ox ta xcal.

Jeremías 42:17

Scotolic ti buch'utic juteb ta yo'nton chba nacluc ya'iic ta Egiptoe, ti letoe, ti vi'nale, muc' ta chamel xa'iic xc'otic ta lajel un. Mi junuc cuxul ta xcom. Mi ja'uc xu' ta spoj sba ti c'alal lamal ta xc'ot ta sba cu'un ti cuxul j'ilbajinvanej vocol ta jtac talel ta stojolique.’

Jeremías 42:22

Ja' no'ox un, na'ic me lec, ti buyuc no'ox ta xabatic ta nacleje, jbel sc'oplal ja' xava'i xacham xalajic yu'un ti letoe, ti vi'nale, ti muc' ta chamele.”

Jeremías 5:12

Ti Israele xchi'uc ti Judae mu'yuc ta venta c'ot yu'unic ti Diose, yu'un xi ta xalique: “Ti Diose mu'yuc laj sna'. Mu'yuc c'usi ta xc'ot ta jtojoltic. Mu xvul ta loq'uel ti letoe, ti vi'nale.”

Jeremías 9:15

Jech o xal un, ti vu'un Ajvalilun ti scotol xu' cu'une, Dios yu'un ti Israele, xi ta xcale: Jun xch'ail ti c'usi ta xcac'be sve'elinique, venenoal vo' ti ta xcac'be yuch'ique.

Jeremías 9:16

Yu'un ta xa jtaniic batel ta yan muc'tiquil lumetic ti mu ja'uc xojtiquinique, ti mu ja'uc laj yojtiquinic ti stot sme'ique. Yu'un tsacbil yespadailic ti nutsbil ta xloq'uique, ja' to ti c'uxi mi junuc xa ta xcome.”

Ezequiel 33:27

“Xi xavalbeic ya'iic xtoque: ‘Xi ta xal ti Diose: Ta jva'an jba ta yalbel ti buch'utic nacalic ta lilijemal jteclume, milel xa'i xcham xlajic. Te'tical jti'oval chon bolometic xa'i xcham xlajic ma' ti buch'utic nacalic ta osiltique. Tsots chamel xa'i xcham xlajic ti buch'utic nacalic ta nail ch'entic mi ta tontic.

Ezequiel 6:11

Xi laj yalbun ti Diose: “Me'inal oq'uitao aba, majo aba, t'uso ta majel avacan. Avetanan xa xchi'uc yipal xc'uxul ta scoj ti mu albajuc xchopolal c'usi ta spasic ti jteclum Israele. Leto, vi'nal, xchi'uc tsots chamel xa'i xcham xlajic.

Ezequiel 7:15

Ti ta sti'il spatile, xc'anobaj ti letoe. Ti ta yutile, xyaquet ti chamele xchi'uc ti vi'nale. Ti buch'u oyic ta osiltique, leto xa xa'i xchamic xlajic. Vi'nal xa'i xchamic xlajic, xchi'uc ta xlajic ta tsots chamel ti buch'u oyic ta yutil ti jteclume.

Deuteronomio 28:21

Yu'un ti Diose ta stacbot talel jun lajel tubel ta atojol, ti ta j'ech'el ta xac'ot ta tsutsel yu'un ta lum ti bu ta xavu'nine.

Apocalipsis 6:8

Laj jq'uel batel un, laj quil loc' talel jcot c'anal ca'. Ti buch'u scajlebinoje, sbiinoj ti Lajebale. Oy yan oy buch'u cajal talel ta spat ti sbiinoj Yajval ti Lajebale. Tey ac'batic stsatsal yo' ta xchamesic o'lol jvoc' ti ta o'lol ti jnaclejetic ta banomile, yo' ta xchamic ta leto, ta vi'nal, ta chamel, ta jti'oval chonetic li' ta banomile.