Jeremías 24:1 - Bible in Tzotzil de Chamula

¹ Ta ts'acal to, c'alal bec'bil xa ox batic ta chuquel yu'un Nabucodonosor ajvalil yu'un ti Babiloniae, ti Jeconías xnich'on ti Joacim ajvalil yu'un ti Judae, ti jmoj volbil loq'uic xchi'uc ti banquilaletic yu'un ti Judae, ti buch'utic sna' xabtelanic ep ta tos abtele, xchi'uc ti jten-taq'uinetique, ja' ti Dios une laj yac'bun quil noj ta icux chib mochetic ti oy ta ch'ulnae.

Bible in Tzotzil de Chenalhó with Deuterocanon

¹ C'alal chucbil xa'ox batel ta Babilonia yu'un ajvalil Nabucodonosor li Jeconías ajvalil ta Judá xnich'on Joaquime, xchi'uc li banquilaletic te ta Judae, xchi'uc li boch'otic oy lec sbijilic ta abtele xchi'uc li jtentaq'uinetique, li Muc'ul Diose laj yac'bun quil chib moch higo, te ac'bil ta stuq'uil ti'ch'ulna yu'un Muc'ul Dios.

Jeremías 24:1 Iomraidhean Croise

2 Reyes 24:10

Ti jech yorail vo'ne taje, yajsoldadotac ti Nabucodonosor ajvalil yu'un ti Babiloniae, laj stam ech'el sbeic ta scontrainel ti Jerusalene, ti volol c'otic ta stsaquel ta c'ope.

2 Crónicas 36:10

C'alal yorail xa ta xlic yaluc chaquilo' ti jech jabil taje, ti ajvalil Nabucodonosore laj yal mantal ti ac'o yiq'uic batel ta Babilonia ti Joaquine jmoj xchi'uc ti c'usitic toyol stojol xtun ta xch'ulna ti Diose. Va'i un, lic sva'an ta ajvalilal yu'un Judá, xchi'uc Jerusalén ti Sedequías yuts' yalal ti Joaquine.

Isaías 13:1

Ti Isaías xnich'on ti Amose, caj'ac'bat sna' ti xi s'elan lamal ta xc'ot ta stojol ti ta xich' contrainel ti lum Babiloniae:

Jeremías 13:19

Ti jteclumetic ta Négueve, joyibtabil xa, mi junuc oy buch'u ta x'ech' un. Sjunul ti jteclum Judae, bec'bil xa bat ta sbajtical banomil, ti j'ech'el bec'bil batique.

Jeremías 27:20

Ti Nabucodonosor ajvalil yu'un ti Babiloniae, c'alal bec'van loq'uel ta Jerusalén, mu'yuc laj yich' loq'uel ti c'alal laj xchuc batel c'alal Babilonia ti Jeconías ajvalil yu'un Judá xnich'on ti Joacime, ti jmoj batic xchi'uc scotol ti buch'utic cajal yabtelic ta Judae xchi'uc ta Jerusalene.

Jeremías 28:4

Ja' jech xtoc, ta xc'ot ta pasel cu'un ti ta sut talel li' ta jteclum ti Jeconías ajvalil yu'un Judá, xnich'on ti Joacime, xchi'uc scotol ti jnaclejetic ta Judá ti bec'bil batic ta Babiloniae. Ti vu'un Diosune, mu lo'iluc no'ox ta xcal ti ta jtubbe sc'oplal ti tsots ta spasvan ta mantal ti ajvalil yu'un ti Babiloniae.’ ”

Jeremías 29:1

Ti j'alc'op Jeremías ti oy ta Jerusalene, laj stac batel vun ta stojol ti c'u to yepal oy ti moletique, ti paleetique, ti j'alc'opetique, xchi'uc ti jteclum ti bec'bil loq'uel ta Jerusalén ti c'alal to Babilonia ic'bil batic yu'un ti Nabucodonosore.

Jeremías 29:2

Taje, ta sjalil xa ox c'alal bec'bil loq'uic ti ajvalil Jeconiase, ti me' ajvalile, ti yajtuneltaque, ti banquilaletic yu'un ti jteclum Judá xchi'uc ti Jerusalene, ti buch'utic sna' xabtelanic ep ta chop abteletic, xchi'uc ti buch'utic sna' xchapanic sbisoltac c'u s'elan ta xlic abtel ti liquic ta Jerusalene.

Jeremías 37:1

Ti Nabucodonosor ajvalil yu'un ti Babiloniae, lic sva'an ta ajvalilal yu'un Judá ti Sedequías xnich'on ti Josías yo' ta xcuchbe comel yabtel ti Jeconías xnich'on ti Joacime.

Ezequiel 17:4

Laj stuch'be jep sc'ob ti oy ta toyole. Bat sts'un ta steclumalic ti jbolomajeletique, jun jteclum busul no'ox ti sbolomale.

Ezequiel 19:9

Jochbil bat yu'unic ta xot-xot taq'uin, ba sbajic ta corral te'. Yic'ojic batel ta stojol ti ajvalil yu'un ti Babiloniae. Lapal c'ot ti bu taje yo' ch'am xi ta loquetel snuc' ta vitstic yu'un ti Israele.

Amós 3:7

Mu'yuc c'usi ta spas ti Diose ti mi mu'yuc ba'yel ta xac'be yil ti jtunel yaj'alc'optaque.

Amós 7:1

Xi s'elan laj yac'bun quil ti Diose: C'alal naca to laux ta loq'uel ti ts'unubaletic ti c'alal laj xa ox yich' tsobel sts'unubal ti ajvalile, laj quil ti ja' o yacal ta yesomtael c'ulubetic ti Diose.

Amós 7:4

Xi s'elan laj yac'bun quil ti Diose: Laj quil ti laj stac talel muc'ul c'oc' ti ta xac'be yich' tsitsel ti muc' ta natil nab ti yacal xa ta soques xtoc ti osil banomile.

Amós 7:7

Ti Diose xi to s'elan laj yac'bun quil jech c'u cha'al li'e: Va'al ec ta sts'el ti jun pac'bale ti stsacoj ti c'usi xchechechet ta stunes ti albanyile.

Zacarías 1:20

Ts'acal to un, laj yac'bun quil ti Dios ti vinaj talel yu'un chanib (4) jten-taq'uine.

Zacarías 3:1

Laj taj une, jech ti Diose laj sjambun jba jsat ta sq'uelel ech'el ti Josué ti ja' banquilal pale ti va'al ta sts'el ti yajánjel Diose. Ta jot xocon ti oy ta stuq'uil sbats'i c'ob ti Josuee, va'al ec ti jtic'mulil ánjel ti chapal xa yu'un ti c'u s'elan ta stic'be ti smule.