Jeremías 23:3 - Bible in Tzotzil de Chamula

³ Ta jva'an jba ta yiq'uel talel scomelal ti jteclumal bu c'alal tan puc batic cu'un ta yan muc'tic lumaltic c'alal laj jatviltas batele. Ta jtsob talel ta lequil yaxaltic bu oy ti sve'ebique yo' jech ta x'epaj liquel ti yolique.

Bible in Tzotzil de Chenalhó with Deuterocanon

³ Vu'un jtuc ta jtsob sutel tal scomelal jchijtac te ta yantic banamil ti bu laj caq'uic batele, yu'un ta xcac' suticuc tal ti bu ono'ox nacalique; te chlic ch'iicuc, te chlic bolicuc.

Jeremías 23:3 Iomraidhean Croise

Salmos 106:47

Pojuncutic un, Cajval, Dios cu'uncutic. Tsobuncutic loq'uel ti capaluncutic xchi'uc ti yan muc'tiquil lume yo' ta xilequil-c'opojcutic ta aventa, ti ximuyubajcutic ta xcalcutic alequilale.

Jeremías 16:15

C'ajomal xa ti xi ta xalique: ‘Jamal ta xcal ta sventa ti Dios ti laj sloq'ues talel ti israeletic ti oyic xa ta muc' ta lum ti oy ta yolon ti yolon xocon sloq'ueb c'ac'ale, xchi'uc ti ta muc'tic lumetic ti tanijemic batele.’ Ta jpas ta atojolic ti xu' ta xasutic talel ta avosilalic ta abanomilic ti bu cac'ojbeic ti atot ame'ic ta vo'nee.

Jeremías 29:14

Jech un, yu'un jmalaoj xa ta xac'opoj xati'inic ti xi s'elan ta xc'ot ta pasel ta jel ti avorailique: Ta jloq'uesoxuc talel ti buyuc no'ox tanijemoxuc labatique, mi ta jujun muc'tiquil lumetic ti tan puc labatic cu'une. Ta xajtsoboxuc un yo' jech ta xasutic talel ta abanomilic ti bu bec'bil laloq'uique. Ti vu'un Diosune, mu lo'iluc no'ox ta xcal.’

Jeremías 30:10

“Ti vu'un Diosune, mu stselbuj ti xichi ta xcale: Mu xaxi'ic, steclumal cajtunel Jacob, mu xaxi', Israel, yu'un ta jtic' jba ta apojelic xchi'uc ti avalab anich'nabic ti oyoxuc ta muc' ta namal lum ti bu bec'bil labatique. Jun avo'ntonic ta xlic naquianic. Mu'yuc c'usi xana' liquel, laj to ta alel ti oy buch'u ta sibtasote.

Jeremías 30:3

yu'un ta xc'ot sc'ac'alil ta jelbe yorail ti jlumal Israele xchi'uc ti Judae. Ti vu'un Diosune, mu lo'iluc no'ox ta xcal. Ta xquiq'uic sutel tal ta banomil ti bu laj cac'beic ta xrextoic ti stot sme'ic ta vo'nee.”

Jeremías 31:7

Ti Diose xi ta xale: “Cuxetuc banomil xava'iic ta q'uejimol ta sventa steclumal ti Jacobe, ti cajal sc'oplal c'otem yu'unic ti yan muc'tiquil lume. Aq'uic ta a'yiel ti aq'uejimolic ti xiuc xavalique: ‘Ti Diose laj spoj ti c'u to yepal oy ti Israel ti ja' slumale.’

Jeremías 31:8

Ti c'u yepal oyic ta muc' ta lum ti oy ta yolon ti yolon xocon sloq'ueb c'ac'ale, ta sutic talel cu'un. Ta jbejel tsob talel ti bu xa ch'icajtic ta sjunul ti banomile. Jmoj ta xtalic xchi'uc ti ma'satetique, ti coxovetique, ti antsetic ti xchi'uc to ti yolique, xchi'uc ti buch'utic laj xa svoq'ues ti yolique. Mu no'ox albajuc yepal xvoletic sutel talel.

Jeremías 32:37

Ta jtsob talel yajvaltac ti banomil ta scotol ti muc' ta lumetic ti bu tan puc bat cu'un ti c'alal mu stac' ts'iquel ca'i ti soquemal scapemal jol ti yan sba xi'elal ta xaq'ue. Ta xquic' sutel talel li' ta banomile yo' jech jun yo'nton ta xnaquiic.

Jeremías 46:27

“Mu xaxi', steclumal Jacob, ti cajtuneloxuque. Mu xaxi', Israel, ta jpojot xchi'uc ti avalab anich'nab ti bec'bil ta xabatic ta namal banomile. Mu'yuc c'usi xana'ic ta xlic naclanic, jun avo'ntonic mu'yuc buch'u ta sibtasot.

Jeremías 50:19

Ta sut batel ta slumalic cu'un ti israeletique, co'ol s'elan junuc chij pulem ta staic ti sve'elic ta vits Carmeloe, ta Basane, xchi'uc ta vitstic ti oy ta yosilal ti Efraine, xchi'uc ta Galaade.

Jeremías 8:3

Ti buch'u cuxul to ta xcomic ti chopol jnaclejetic ti laj xa jtaniic batele, ma'uc xa oy ta yo'ntonic ma' ti ta to xch'i xc'opoj ya'iique, ja' no'ox ti chamicuque. Ti vu'un Diosun ti scotol xu' cu'une, mu stselbuj ma' ti jc'op une.

Ezequiel 11:17

“Albo ya'i xtoc: ‘Xi ta xal ti Dios jech c'u cha'al li'e: Vu'un ta xquic' talel ta muc'tiquil lum ti bu tan puc batic cu'une. Yu'un ta jtsobic talel yo' ta xcac'beic ti lum Israele.

Ezequiel 36:11

Ta xquepajes ti yajvaltaque, ti chon bolometique, ti epajicuc ta j'ech'ele. Yepal no'ox liquel ti jnaclejetic jech c'u cha'al ta ba'yele. X'ech' to lec ta xataic, mu sta c'u s'elan la'ech'ic ta ba'yele. Va'i unbi, ta xlic ana'ic ti vu'un Ajvalilune.

Ezequiel 36:24

Ta jloq'uesoxuc talel ta scotol ti muc'tiquil lumetic buyuc no'ox batemoxuque. Ta xajtsoboxuc sutel talel ta avosilalic.

Ezequiel 36:37

‘Ti vu'un Diosune xi ta xcale: Oy to yan ma' ti c'usi ta jpase. Ti c'usi ta xisc'anbeic ti jteclum Israel ti ac'o jpasbeique, ta staic cu'un. Ta xquepajesbe ti jnaclejetic yu'un jech c'u cha'al junuc chij ti yepal no'ox ta bolele.

Levítico 26:9

Lec ta xquiloxuc ta jba ta jsat. Ta xa'epajic ta ch'iel cu'un ta j'ech'el, staoj yav ti jtrate ta atojolique.

Miqueas 2:12

Ta xlic jtsob scotol steclumal ti Jacobe. Ta xlic jvol ti xi xa yuni epal scomelal ti Israele. Jech ta jtsob jech c'u cha'al ta xich' tsobel ti chij ta scorrale, jech c'u cha'al ta spasic ti jq'uel-chijetic ti ta stsobic ti xchijic ta yaxaltic ti jun to yepal xc'uletic ta a'yiele.

Miqueas 7:12

Ja' no'ox un, ta xc'ot sc'ac'alil ti xi s'elan ta xc'ot ta pasel ti buyuc no'ox ta xlic talel ti avajval ta jujujote: ta xtalic ta lum Asiria, ta xtalic ta lum Egipto, ta xtalic ta lum ti oyic ta sti'il uc'um Niloe, ta xliquic talel xtoc ta lum ti oyic ta sti'il uc'um Eufratese, ta jujujot to jech nab ta xlic talel, c'alal to ta jujujot jech vitstic chlaj licuc talel.