Jeremías 22:5 - Bible in Tzotzil de Chamula

⁵ Yan mi mu xavaq'uic ta venta ti va'i s'elan laj jcaj-t'amboxuque, jech ti muc' ta na li'e, ta j'ech'el ta xlilij. Ti vu'un Diosune, mu stselbuj ti jc'ope.’ ”

Bible in Tzotzil de Chenalhó with Deuterocanon

⁵ Pero me mu xach'unic li c'usi chacalboxuc li'i, jamal ta xcal ti chich' jinesel o li spasubmantal ajvalil li'i, xi li Muc'ul Diose’, uto”, xiyutun.

Jeremías 22:5 Iomraidhean Croise

Génesis 22:16

Xi laj yale: —Ti Diose xi ta xale: “Ti jech laj apas ti mu'yuc xajaltabun ti c'ajomal yo jun ti aquereme, ta jva'an jba ta rextico jtuc.

2 Crónicas 7:19

Ja'uc le' une, mi vo'oxuc ta xlic ach'ac abaic ta jtojole, mi mu xc'ot ta pasel avu'unic ti jbel c'usi tsots albil sc'oplale, xchi'uc ti mantaletic ti laj cac'boxuque, ti ja' no'ox ta xlic abic'tajes abaic ta yich'el ta muc' ti yan diosetique,

2 Crónicas 7:21

Lilijem ta xcom ma' ti spajebal xa no'ox c'upil sba ti ch'ulna li'e. Scotolic ti buch'utic ta x'ech'ic nopole, ch'ayal ta xc'ot yo'ntonic ti ta sjac'be sbaique, ‘¿C'u cha'al jech laj spas ti Dios ta stojol ti muc' ta jteclum le' une, xchi'uc ti ch'ulnae?’

2 Crónicas 7:22

Ta xtac'batic ti ja' ta scoj laj xch'ac sbaic ta stojol ti Ajvalil Dios yu'unic ti smolmuc'totic ta vo'nee, ti loq'uesatic talel ta Egiptoe. Bat yo'ntonic ta yich'el ta muc' ti yan diosetique. Jech o xal tacbatic talel ta stojolic ti muc' ta vocolajele.”

Salmos 95:11

Jech o xal un, laj jva'an jba ta yalel ta sc'ac'al co'nton, mu cha'bel x'ochic batel ta xcuxobil co'nton.”

Isaías 1:20

Yan ti mi avac'ojbeic yipal ti toyobbaile, ta jbel sc'oplal unbi, ta xachamic ti c'alal xyaquet ti letovajele”, xi laj yal ti Ajvalil Diose.

Jeremías 12:7

“Laj xa jip jten comel ti jteclumale; laj xa jbaj ti c'otem to ox ta cu'une. Ti muc' ta lum ti mu tuch'baj ta co'nton to oxe, laj xa cac'beic ta sc'ob ti yajcontraique.

Jeremías 17:27

Mi mu xach'unic ti jmantaltaque, mi mu xavaq'uic ta venta ti sc'ac'alil cuxob o'ntonale, mi mu xapajes abaic ta xcuchel talel icatsil ta ti'naetic ta Jerusalén ti jech c'ac'al taje, va'i unbi, ta jtiles c'oc' ta ochebal ti'naetic yu'un ti jteclume, jun c'oc' ti j'ech'el ta slilin ti muc' ta naetic yu'un ti Jerusalene, mi junuc buch'u ta xtub yu'un ti c'oq'ue.’ ”

Jeremías 26:4

Albo ya'iic ti vu'un Diosune xi ta xcale: ‘Mi mu xaq'uic ta venta, mi mu xc'ot ta pasel yu'un ti bijubtasel ti laj calbeic ya'iique,

Jeremías 39:8

Ti caldeoetique laj stsanbeic sc'ac'al ti muc' ta na yu'un ti ajvalile, xchi'uc ti naetic yu'un ti jteclume. Laj sjinesic smocal xtoc ti Jerusalene.

Jeremías 44:26

Ti vu'un Diosun ti jtuc no'ox jelavem ti jc'oplale, a'yio ava'iic ti li' oyoxuc ta naclej ta Egipto ti alumalic to ox ti Judae. Xi jnopoj ta jpase: Ta xlaj sc'oplal avu'unic ta yalilanel ta sjunul Egipto ma' ti oy buch'u xie: Ta jva'an ta rextico ma' ti cuxul Diose.

Amós 6:8

Laj sva'an sba ta yalel stuc ti Diose; ja' melel ti xi ta xal ti Ajvalil Dios ti scotol xu' yu'une: “Xti'et jol yu'un stoyobbailic steclumal ti Jacobe. Mu lecuc ta xquil ti muc'tiquil naetic yu'unique. Ta xcac' ochicuc ta yoc ta sc'ob yajcontraic jmoj xchi'uc ti c'usitic x'ayan teye.”

Miqueas 3:12

Ja'uc tana le' une, ta acojic ta xjoybij ta jun yavil locbilal osil ti Jerusalén ti ja' jun ch'ul jteclum ti oy ta vits Sione, ti stuc xa no'ox xch'uch'ulil busul ta xcome. Ta xlic ch'iuc momoletic ta ch'ul vits yu'un ti ch'ulnae.

San Mateo 23:38

A'yio ava'iic un, jipbil tenbil ta xcom avu'unic ti ana ac'ulebique.

Hebreos 3:18

¿Buch'u sc'oplalic albatic yu'un Dios ti j'ech'el mu x'ochic batel ti bu ta xcux yo'ntone? Ja'ic ti buch'utic laj stoy sbaic ta stojole.

Hebreos 6:13

Ti Diose c'alal laj yalbe ya'i ti Abraham ti oy c'usi ta xac'bee, laj sva'an sba ta rextico stuc, yu'un mu'yuc xa yan ti oy bu buch'u x'ech' to cajal sva'anel sba ta rexticoe.

Hebreos 6:17

Lec un cha'e, ja' jech ti Diose jbel sc'oplal sc'an svinajes ti jech bejel com o ti c'u s'elan laj sva'an sba ta rextico ta yalel ti oy c'usi ta xac'be yich'ic ti buch'utic ta xich'ic ti rextoil ti laj sva'an sba ta yalele.