Jeremías 22:3 - Bible in Tzotzil de Chamula

³ Li' ti bu nacaloxuque, liquesic ta yabtelanel ti pojele, ti c'usi lec ta pasele. Tic'o abaic ta spojel ti buch'u ilbajinbilic yu'un ti j'ilbajinvaneje. Mu xavilbajinic ti nijil ta xcom ta q'uexlal avu'unic ti jyanlumetique, ti buch'u mu'yuc buch'u x'ayan yu'unique, xchi'uc ti me'unal antsetique. Mu xamilic ti buch'u jeche' cuch c'op no'ox ta stae.

Bible in Tzotzil de Chenalhó with Deuterocanon

³ Jech ta xal: Lec me tuc' xachapanvanic li' ta avosilalique; tuc' c'usitic xapasic. Coltaic loq'uel ta sc'ob j'uts'intavanejetic li boch'otic uts'intabilique. Mu me xalo'laic; mu xavelc'anbeic c'usi oy yu'un li yanlumetique, li me'on ololetique, xchi'uc li me'on antsetique. Mu me xamalbeic xch'ich'al li boch'otic mu'yuc smulique.

Jeremías 22:3 Iomraidhean Croise

2 Samuel 23:3

Ti Dios yu'un ti Israele yu'un c'opoj xa. Ti jpojvanej yu'un ti Israele yu'un xiyute: ‘Ti buch'u oy slequil stuq'uil sna' xchapanvane, ti xi'taoj Dios ta xventainvane,

2 Reyes 24:4

ta scoj xtoc ti laj smalbe xch'ich'el ti buch'u mu'yuc smulique, ti mal yu'un ta sjunul ti Jerusalene. Jech o xal mu'yuc xa xch'aybat smul scolo' yu'un ti Diose.

Job 22:9

Smeyojan yoc sc'ob ta xbat avu'un ti me'un antsetique, laj avilbajin ti buch'utic mu'yuc buch'u x'ayan yu'unique.

Job 24:9

Naca stsatsal pojbeic no'ox ti ach' jvoq'uel ololetic yu'un ti me'unal antsetique, ti naca sc'anbel comel ta rental ti c'usi oy yu'un ti me'un mu'natetique.

Salmos 68:5

Ti Dios nacal ta xch'ulnae, c'otem ta totil yu'unic ti buch'utic mu'yuc buch'u oy yu'unique; jpojvanej c'otem yu'unic ti me'un antsetique.

Salmos 82:4

Ti mu'natetic ilbaj x'utatic yu'un ti jchopol-joletique, tic'o aba ta spojel.

Salmos 94:21

ta spaybel sc'oplal, ta yaq'uel ta milel ti buch'utic mu'yuc smulique, ti lec sc'oplalique.

Salmos 94:6

Ta smilic ma' ti me'unal antsetic une, ti jyanlumetique; ta xch'aybeic sc'oplal ti buch'u mu'yuc buch'u x'ayan yu'unique.

Éxodo 22:21

“Mu xavilbajin ta yutilanel ti jyanlumetique, yu'un jyanlum la'ech'ic ta Egipto ec.

Éxodo 22:22

“Mu xavilbajin ti me'unal antsetique, ti me'unal ololetique.

Proverbios 23:10

Mu xajelbe yavil ts'aquetic c'u s'elan laj scomtsanic ti totil me'iletique; mu xapojbe yosil sbanomil ti buch'u mu'yuc buch'u x'ayan yu'unique.

Proverbios 6:17

ti xnelet no'ox ti satile, ti xbet'bun no'ox eil ta sjutel c'ope, ti xyal no'ox c'abal ta smilel ti buch'u ch'abal smule,

Isaías 1:23

Ti ajvaliletic avu'une, naca jtoyobbaetic, ti lec xil sbaic xchi'uc ti j'eleq'uetique. Yu'un scotolic lec xa'iic stsaquel ti mich'ob c'abale, ti yac'oj batel satic ta stojol ti buch'u ta x'ac'batic ti matanaletic yu'unique. Mi ja'uc xa ta stic' sbaic ta spojel ta xchapanel ti buch'u mu'yuc buch'u oy yu'unique. Mi ja'uc xa ta stic' sbaic ta xchapanel sc'op ti c'usi ja' yu'un ti me'unal antsetique.

Isaías 58:6

“Yu'un ma'uc xa ono'ox ma' taj une. Ti ic'taej vaj ti ximuyubaj yu'une, ja' jech c'u cha'al li'e: ti yich'uc lilinel avu'un scarinailtac ti jti'o'nton j'ac'-vocole, jituno ti jpech'vanej j'ac'-vocol ch'ojon une, ti c'otuc ta pojel colel avu'un ti oyic ta ilbajinele, ti tubuc sc'oplal avu'un scotol ti j'ac'vanej ta lajel tubele.

Isaías 58:7

Ma'uc no'ox taje, yu'un yorail ta xat'olbij xchi'uc ave'el avuch'om ta stojol ti oyic ta vi'nale, ta yiq'uel ech'el ta ana ti buch'u ch'abal ti snae, ta yac'bel sc'u' ti buch'u ch'abal yu'une, ti mu xavicta aba ta sventainel ti avinquilele.

Jeremías 19:4

Ti israeletique laj sjip laj stenicun comel. Yan o xa ta q'uelel yu'unic ti banomil li'e. Lic xchic'beic pom ti yan diosetic ti mu xojtiquinic jutebuque. Mi ja'uc yojtiquinojic ti stot sme'ic ta vo'nee, mi ja'uc ti ajvaliletic yu'un ti Judae. Buyuc no'ox laj smalbeic xch'ich'el ti buch'u jeche' muts'ul sba sat laj yich'ic milele.

Jeremías 22:17

“Le' une, ma'uc ta achic' ta ava'lel ti avac'ojbe yipal ta stael ti c'usitic ta xtun avu'une. Muts'ul sba sat laj avac' ta milel ti buch'u ch'abal smule. Laj avilbe svocol ti smeyoj yoc sc'ob ta xcom avu'un ti ateclumale.”

Jeremías 26:16

Va'i un, ti banquilaletique xchi'uc ti jteclume, xi laj yalbeic ya'i ti paleetique, xchi'uc ti yan j'alc'opetique: “Mu'yuc smelol ta j'ech'el ti ta xich' svocol ta milel ti vinic le'e, yu'un laj sc'oponotic ta sventa ti Ajvalil Dios cu'untique.”

Jeremías 5:28

Lec ta smalq'uin sbaic, cuts'ul no'ox sjubemalic. Xi s'elan bu c'alal pajem xchi'uc ti smul scolo'ique: Mu stic' sbaic ta spojel ti buch'u ch'abal buch'u x'ayan yu'unique. Mi ja'uc oy ta venta yu'unic ti me'un mu'natetique.

Jeremías 7:23

Ti bu laj calbeique, ti ac'o xisch'unbeicun ti c'usi ta jc'ane. Jech Diosun yu'unic unbi. Ti stuquique, ja' jteclumaltac. Laj calbeic ya'iic xtoc, ti ac'o stamic ta spasel jech c'u cha'al laj calbeique yo' jech lec ta xc'ot ta stojolic.

Jeremías 9:24

Mi oy buch'u ta stoyes ya'i ti sc'oplale, ac'o stoyes sc'oplal ta yojtiquinelun, ta sna'el ti vu'un Diosune, ti ta xc'uxul co'nton oy jtuq'uil cutsilal ta jventain ti banomile, ja' jech ti oy ta co'ntone. Ti vu'un Diosune, mu stselbuj ti jc'ope.”

Lamentaciones 3:36

ti naca xich' no'ox soquesel ti oy sc'oplal ti lequil chapanele, taje, yaloj ti Dios ti j'ech'el mu lecuc ta xile.

Ezequiel 18:12

Ta xilbe svocol ti me'un mu'nate xchi'uc ti buch'u ch'abal c'usi x'ayan yu'une. Ta xelc'an ti yane. Mu sutes ti c'usi sc'anojbe comel ta rental ti buch'u oy yile. Stsinanoj yo'nton ta stojol ti diosetique. Ta spas ti c'usi mu lecuc ta xquile.

Ezequiel 18:7

Mi junuc oy buch'u ta xilbe svocol. Ti c'usi yich'oj ta rental ti buch'u oy yil yu'une, ta sutesbe. Mi junuc oy buch'u ta xelc'an. Xt'olbij ta yac'bel sve'el ti buch'u ta xa'i vi'nale. Ta sc'u'iltas ti buch'u ch'abal yu'une.

Ezequiel 22:7

Mu xaq'uic ta venta stot sme'ic ti jnaclejetic avu'une, naca xilbeic no'ox svocol ti jyanlumetique, ta yilbajinel ti buch'u mu'yuc buch'u x'ayan yu'une, xchi'uc ti me'unal antsetique.

Ezequiel 45:9

“Xi ta xcal ti vu'un Diosune: Jpas-mantal yu'un Israel, lajuc sc'oplal, pajeso abaic. Ictao xa abaic ta ilbajinvanej ta spojilanel ti c'usi oy yu'un ti yane. Tuc'uc, lecuc ta q'uelel ti c'usitic ta xapasique. Ictao xa aba ta yelc'anbel yosilic ti jteclumale. Vu'un ta xcal mantal ti Ajvalilune.

Joel 3:19

Yan ti jteclum Egiptoe, stuc slilijemal ta xcom, jech ti jteclum Edome ta xjoybij ta jun sbajtical banomil, yu'un laj stsaquic ta leto ti jnaclejetic yu'un ti jteclum Judae. Jech xtoc ti ta slumalique, laj yaq'uic ta milel ti buch'u ch'abal smulique.

Levítico 19:15

“Ti c'alal xi s'elan ta xaval ti buch'u ta xachapbe sc'oplale, mu xapas xajoybin ti c'ope: Mu xapoj ti buch'u mu xu' yu'un ta spoj sbae. Mi ja'uc xapacbe sc'oplal ti buch'u xi'bile. Ja' me tamo ta spasel ti lequil chapel ti c'alal ta xachapanvane.

Amós 5:15

Ti'oltaic ti c'usi chopole. C'otuc ta avo'ntonic ta spasel ti c'usi leque. Tuc'ulanic lec ta sq'uelel ti tuc'uc batuc lec ti chapanel ta chapanobbaile. Ti mi jech taj une, ja' to nan jech ta xlic c'uxubajuc yo'nton ti Ajvalil Dios ti scotol xu' yu'un ta stojol ti Israel ti cuxul to comique.

Amós 5:24

Ja' no'ox un, jechuc me jech c'u cha'al junuc tuquemal vo' ti lec c'usi sc'an pasele. Ti stuq'uil slequil o'ntonale, jechuc me jech c'u cha'al jun sat vo' ti mu sna' x'ule.

Miqueas 3:11

Ti jchapanvanejetic yu'un ti jteclume, toj lec xa'iic stsaquel ti mich'ob-c'abale; ti paleetique ta xchanubtasvanic c'alal mi ta x'ac'batic taq'uine. Jech ti j'alc'opetic xtoque ta sc'anic taq'uin yu'un ti c'usitic xu' ta scaj'alique, ti cajal xa ye sti'ic ta xalic ti ja' coltabilic yu'un ti Diose, yu'un xi ta xalique: “Ja' chi'inbiluncutic yu'un ti Diose, mi ja'uc ti oy c'usi chopol ta xc'ot ta pasele.”

Miqueas 6:8

Uni vinic, xi s'elan albilot yu'un Dios ti smalaoj ac'o apas ti leque: Baino a spasel ti lequil chapanele, ti junuc avo'ntone, xchi'uc ti biq'uituc xavac' aba ta yich'el ta muc' ti Dios avu'une.

Malaquías 3:5

Ti Dios ti scotol xu' yu'une xi ta xale: “Ta xtal jchapanoxuc ava'iic. Ti jech yorail taje, vu'un ta jva'an jba ta rextico ta scontrainelic ti buch'utic yac'ojbeic yipal ta sc'oponel ti sbel banomile, ti buch'utic ta xmulivaj ta yane, ti buch'utic ta jeche' no'ox ti c'usi ta sva'anic ta rexticoe, ti buch'utic ta xilbeic svocol ti j'abteletique, ti me'unal antsetique xchi'uc ti me'un mu'natetique, ti buch'utic mu'yuc stu ta xilic ti jyanlumetique, xchi'uc ti buch'utic mu x'ac'vanic ta ventae.

San Mateo 23:23

“¡Mu cha'belucoxuc, jchanubtasvanejetic yu'un ti oy c'usi tsots albil sc'oplale, jpac'taejba fariseoetic! Ja' no'ox tsots sc'oplal ta xava'iic ta sloq'uesel ti jujun ta lajlajuneb ti tul nichime, ti culantue, ti cominoe, yo' ta xavac'beic smotonin ti Diose. Mi ja'uc xavich'ic ta muc' ti c'u s'elan ta xchanubtasvan ti oy c'usi tsots sc'oplal albile, ti ta xalbe sc'oplal ti lequilale, ti xc'uxul o'ntonale, ti junuc o'ntonal ta stojol ti Diose. Ja' tsots sc'oplal ta xapasic ti jechuque xchi'uc mu xavictaic ta yaq'uel ti jujun ta lajlajunebe.

Deuteronomio 10:18

Yu'un ti Dios taj une, ta stic' sba ta spojel ta scoltael ti buch'u ch'abal c'usi x'ayan yu'une, xchi'uc ti me'unal antse. Yu'un ta xc'uxubin, ta xac'be sve'el, ta xac'be sc'u' ti jyanlum ti nacalic ta atojolique.

Deuteronomio 24:17

“Mi jutebuc xavilbajinic ta pasbel chopol ti jyanlumetique, mi ja'uc ta stojol ti buch'u mu'yuc buch'u oy yu'une. Mi ja'uc xavich'beic ta rentail sc'u' spoq'uic ti me'unal antsetique.

Deuteronomio 24:7

“Mi oy jun israel ti ile ti yacal cuxul ta xq'uex nac' junuc ti svinquilel yo' ta xac' ta mosovile, mi ta xchon ech'ele, chapal xa sc'oplal ta xich' milel yo' jech ta xtub sc'oplal ti c'usi toj ech'em chopol ta xc'ot ta pasel ta atojolique.

Deuteronomio 25:1

“C'alal mi oy buch'u oy sc'opic xchi'uque, baticuc ta chapanobbail yo' jech ta xich'ic chapanel. Ja'uc ti jchapanvanejetique jamal ta xalic ti ch'abal smul ti buch'ue. Ta xac'beic stoj ti buch'u oy smul tabate.

Deuteronomio 27:19

‘Bac svocol chamuc ta banomil ti buch'u ta xlic yilbajin ti jyanlume, mi ja' jun me'unal ants, mi ja' ti buch'u mu'yuc buch'u oy yu'une.’ Xi ta stac' scotol ti lume: ‘Jechuc.’

Santiago 1:27

Xi s'elan yutsil ta stojol Jtotic Dios ma' ti oy c'usi ch'unbile, ti mu jutebuc xchopolale: ta stic' sba ta scolta ti me'un ololetique, xchi'uc ta stojol ti me'un antsetic ti oy svocolique, xchi'uc mu soques sba xchi'uc xchopolal ti banomile.