Jeremías 22:10 - Bible in Tzotzil de Chamula

¹⁰ Mu xa'oq'uic ta sventa ti ajvalil Josiase. Mu xa'oq'uic yu'un ti jech chamem xae. Oc'anic ta sventa ti Salum ti ja' xnich'one. Mu xa sut talel ti jech palch'uj batele. Laj ta alel ma' ti ta xtal stec' xani ti banomil ti bu voq'ue.

Bible in Tzotzil de Chenalhó with Deuterocanon

^10-11 Mu me xavoc'ta li ajvalil Josiase; mu me xavat avo'ntonic ti c'alal ta xchame. Ja' oc'tabeic li xnich'one, ja' li Salume, yu'un j'ech'el ibat o, mu'yuc xa ta sut tal; mu'yuc xa chtal sq'uel yan velta ti bu ivoq'ue. Yu'un li Muc'ul Diose jech yaloj ta sventa li Salum xnich'on Josiase, ja' li ajvalil ta Judae, ja' ti i'och ta xq'uexol stote, ti iloc' batel li' ta banamile: “Mu'yuc xa c'usi ora ta sut o tal;

Jeremías 22:10 Iomraidhean Croise

2 Reyes 22:20

Ta xcac' que ti mu'yuc ta xavil xi'el xacham xalaje, ti jech xbat atsob abaic xchi'uc ti anima amolmuc'totac ta vo'nee. Mu ja'uc xa ta xavil ta aba ta asat ti ta xc'ot ta pasel ti ta jtsutses ti jteclum li'e.’ Ti yajtacbolaltac ti ajvalile sutic batel ta yalel ti va'i s'elan tac'batique.

2 Reyes 23:29

Ti jech yorail ta vo'ne taje, ti faraón Necao ajvalil yu'un ti Egiptoe, laj stam ech'el sbe ta stuq'uil uc'um Eufrates yo' jech xbat stic' sba ta scoltael ti ajvalil yu'un ti Asiriae. Jech ti ajvalil Josiase loc' batel ta xch'amel ta be. Ja' no'ox un, mile yu'un ti Nacao c'alal ile ti c'ot ta Meguidoe.

2 Crónicas 36:4

Ma'uc no'ox taje, ti ajvalil ta Egiptoe laj stic' ochel ta ajvalilal yu'un Judá, xchi'uc ta Jerusalén, ti Eliaquim xchi'il ta voq'uel ti Joacaze, xchi'uc laj sjelbe sbi, Joacim laj sbiin yu'un. Jech ti Joacaze, laj yic' batel c'alal to Egipto.

Eclesiastés 4:2

Jech o xal un, c'ot ta nopel cu'un ti mu'yuc xa c'usi sna' ti buch'u chamem xae. Ti buch'utic cuxulic toe oyic ta vocol.

Isaías 57:1

Mu'yuc buch'u ta svul yo'nton yu'un. Ta xcham ti lequil tuq'uil vinique. Mi ja'uc xa ta svulesat ta o'ntonal ti lec ech'ique, mi junuc buch'u xa'ibe smelol c'alal mi chamique, yu'un laj xa stijel ta c'op ti c'usi chopole.

Jeremías 16:7

Mi ja'uc oy buch'u utsuc xa stsobvan ta ve'el uch'ubajel sventa smacobil xq'uexlal ti jlajel jtubel yo' xpatet to o'ntonil yu'un ti uts' alaletique. Mu'yuc ta alel mi totil, mi me'il ti cham xae, ts'ij xi no'ox c'op.

Jeremías 22:11

Ti Salum xnich'on ti Josiase, ajvalil yu'un ti jteclum Judá ti och chotluc ta spasob mantal stot ti laj xcuchbe comel ti yabtel c'alal loc' batel li' ti bu oyotique, xi albat sc'oplal yu'un ti Diose: “J'ech'el laj stam batel sbe.

Jeremías 22:18

Ti Diose xi ta xalbe sc'oplal ti Joacim xnich'on ti Josías ajvalil yu'un ti Judae: “Mu'yuc buch'u ma' ti x'oq'uic xa ti jech ta xchame. Mu'yuc buch'u ma' ti x'oc'olet xa ti xi ta xale: ‘Mu xa ono'ox cha'bel un, jchi'il ta voq'uel. Mu xa ono'ox cha'bel un, jchapalul. Mu xa ono'ox cha'bel un, ajvalil. Mu xa ono'ox cha'bel un, Jcuch abtel.’

Jeremías 22:27

Le' une, laj ta alel ti ta to xasutic talel ta banomil ti bu juteb ta avo'nton ta xaq'uel ava'i une.”

Jeremías 25:27

Xi lic yalbun ti Dios une: “Albo ya'iic, ti Ajvalilun ti xu' cu'un scotole, Diosun yu'un ti Israele, ta xcalbeic ya'iic ti yuch'icuque, ja' to ti c'uxi xyacubique, ti xenicuc xchi'uquique, ti j'ech'el yalicuc ta lum xchi'uc ti mu xa stam sbaic liquel ta scoj ti leto ta jtac talel ta stojolique.

Jeremías 28:4

Ja' jech xtoc, ta xc'ot ta pasel cu'un ti ta sut talel li' ta jteclum ti Jeconías ajvalil yu'un Judá, xnich'on ti Joacime, xchi'uc scotol ti jnaclejetic ta Judá ti bec'bil batic ta Babiloniae. Ti vu'un Diosune, mu lo'iluc no'ox ta xcal ti ta jtubbe sc'oplal ti tsots ta spasvan ta mantal ti ajvalil yu'un ti Babiloniae.’ ”

Jeremías 42:18

“Ti Ajvalil Dios yu'un Israel ti scotol xu' yu'une, xi ta xale: ‘Ti c'u s'elan ti sc'ac'al soquemal co'nton ta scontrainel ti jnaclejetic ta Jerusalene, ja' no'ox jech ta jtiles ta atojolic ec mi ta xabat naclanic ta Egiptoe. Mu xlaj ta alel ti bisbil ta cotol chaval ti ac'oplal ti xi'el xac' ta xa'i yu'un ti yane, j'ech'el xch'ay o ta asatic ma' ti banomil unbi.’

Jeremías 44:14

J'ech'el mu xcol ya'iic mi junuc ti c'u xa yepal com ta Judá ti bat nacliicuc ta Egiptoe. Ac'o mi snopoj to ta yo'ntonic ta xnaqui ya'iic ta Judae, mu xa sutic talel. Jun chib mi cuch to yu'un ti spojel sbaique.’ ”

Lamentaciones 4:9

Ti buch'u cham lajic ta letoe, ech' xa ti svocolique. Ti buch'u ta xchamic ta vi'nale, mu x'ech' ta xa'i ti svocolique, yu'un naca xcham ta scoj ti mu'yuc c'usi staic ta lajesel ti c'usi x'ayan ta banomile.

Ezequiel 24:16

“Ti buch'u mu tuch'baj ta avo'ntone, ta jech yepal, ch'ab xi batel cu'un. Mu xapas ti mu x'ech' ta xava'i ti me'inal yu'une. Mu xa'oc' yu'un ta smalel ya'lel asat.

San Lucas 23:28

Ja'uc ti Jesuse, laj sq'uel batel ti xi laj yalbee: —Antsetic ti nacaloxuc ta Jerusalene, mu xavoq'uitaicun, oq'uitao abaic atuquic, xchi'uc oq'uitaic ti avalab anich'nabique.