Jeremías 22:1 - Bible in Tzotzil de Chamula

^1-2 Ti Diose xi laj yalbune: “Batan ta na yu'un ti ajvalile, chapbo ya'i lo'il a'yej ta stojol ti ajvalil yu'un ti jteclum Judae, ti chotol ta spasob mantal ti Davide, ta stojol ti yaj'opisialtaque, xchi'uc ta stojol ti jnaclejetic yu'un ti jteclume, ti xi xavalbe ya'iique: ‘Chiquintaic ava'iic sc'opojel ti Diose.

Bible in Tzotzil de Chenalhó with Deuterocanon

¹ Jech laj yalbun li Muc'ul Diose: “Batan ta spasubmantal li ajvalil ta Judae; albo ya'ay li c'usi chacalbote.

Jeremías 22:1 Iomraidhean Croise

2 Samuel 12:1

Ti Diose laj stac ech'el ti j'alc'op Natán ta sq'uelel ti Davide. Xi laj yal ti Natán c'alal c'ot ta stojole: —Oy cha'vo' vinic ti oy ta jun jteclume. Ti june, toj ech'em sc'ulejal ta j'ech'el. Ja'uc ti june, me'un ta j'ech'el.

2 Crónicas 33:10

Ti Diose laj to sc'opon ti Manasese, xchi'uc ti steclumale. Mi ja'uc xa laj xchiquintabeic ti sc'ope.

Jeremías 21:11

‘A'yio la ava'i sc'opojel ti Diose, xavut ya'i ti buch'utic smacojic ta sventainel ti Judae, sts'unubal ti Davide. Xachi xavalbe ya'iique: Scotoluc c'ac'al va'ano aba ta pojvanej. Tic'o aba ta spojel ti buch'u mu x'ech' svocolic yu'un ti j'ilbajinvaneje, naca mi ta scojuc xchopolil ajol avo'nton xu' ta xlic tiluc sc'ac'al co'nton jech c'u cha'al junuc c'oc' ti mu'yuc buch'u xtub yu'une.

Jeremías 21:14

Ta xcac' atojic ava'iic ti c'u s'elan sta o ta scoj ti bu c'alal pajemoxuc xchi'uc ti achopolalique. Ta jtilesbe sc'ac'al ti muc'tic te'tic avu'une, c'oc' xve' yu'un ti c'u yepal joyol ta spat ta xocone. Ti vu'un Diosune, mu stselbuj ti jc'ope.’ ”

Jeremías 34:2

“Ti vu'un Ajvalilun Diosun yu'un ti Israele, ta xcalbot ava'i ti xi xba avalbe ya'i ti Sedequías ajvalil yu'un ti Judae: Xi ta xal ma' ti Diose: ‘Ta x'och ta sc'ob ti ajvalil yu'un Babilonia ti lum li'e. Ta spajbe sc'ac'al.

Oseas 5:1

“A'yio ava'iic li'e, paleetic. Ts'etano lec ani' achiquinic, jteclum Israel. A'yio ava'iic, ti vo'oxuc chotoloxuc ta ajvalilale. Xi s'elan ta xc'ot ta atojolique: Lac'otic ta jun pets' ta Mizpa. Lac'otic ta yacobbail ta vits Tabor. Chapal xa ac'oplalic ta xavich'ic chapanel.

Amós 7:13

Altic no'ox ta j'ech'el ti li' no'ox xavulvun ta yalel ti c'usi ta xvul ta loq'uel ti li' ta jteclum Betele. Yu'un ja' sna stuc ti ajvalile, xchi'uc xtoc li' oy ti bats'i ch'ulna yu'un ti jteclume.”

Marcos 6:18

Yu'un ti Juan j'ac'-ich'-vo'e xi laj yalbe ya'i ti ajvalil Herodese: —Mu jechuc ta pasel ma' le' une ti ta xabis ta avajnil yajnil ti avits'ine.