Jeremías 21:4 - Bible in Tzotzil de Chamula

⁴ ‘Ti Ajvalil Dios yu'un ti Israele, xi ta xale: Ta xcac' tunuc ta sjolic yabtejebtac avajsoldadotac ti ta stsac sbaic ta leto xchi'uc ti caldeoetic ti oyic ta pat moque, yajsoldadotac yu'un ti ajvalil ta Babiloniae. Ta jtsobic ochel talel li' ta jteclume.

Bible in Tzotzil de Chenalhó with Deuterocanon

⁴ Jech yaloj li Muc'ul Diose, ja' li Dios yu'un Israele: ‘Li avajsoldado ti tstsaquic ta pleito li ajvalil ta Babiloniae xchi'uc li caldeaetic te setuojoxuc ta pat coraltone, ta xcac' suticuc ta spatic, te ta jtsob ta yut lum scotol.

Jeremías 21:4 Iomraidhean Croise

Isaías 10:4

Ti mi mu'yuc ta xa'aq'ueic ta xq'uexlale, mi mu'yuc chucbil ta xabatique, ta xc'ot ta atojolic jech c'u cha'al ti buch'utic ta xlajic ta milele. Jech ec ti Diose mu'yuc to lamajem ti sc'ac'al yo'ntone, staoj to yav ta sibtasvan.

Isaías 13:4

Xvinaj xa xvochet ta vits ti co'ol s'elan ep ta j'ech'el ti jnaclejtique. Xvinaj xa xvochvun ti muc'tiquil lumetique, ti jteclumetic ti svoloj sbaique. Ti Dios ti scotol xu' yu'une, yacal xa ta sloq'uesbe sbi ti yajsoldadotac ti chapalic xa ta ac'-letoe.

Isaías 5:5

Lec un cha'e, ta xcalboxuc ava'iic ti xi s'elan jnopoj ta jpasbe ma' ti jts'unub uvae: ta jlilinbe loq'uel ti smocale, ti yich'uc stsutsesbel ya'i ti sc'oplale, ta jtenbe loq'uel ti smocale, ti yich'uc t'usel ya'i ta teq'uele.

Jeremías 20:4

Yu'un ti Diose xi ta xale: ‘Ta xc'ot ta pasel cu'un ti atuc no'ox ta xasibtas abae, xchi'uc ti ta xi'ic avu'un ti buch'utic lec xavil aba xchi'uque. Ta aba ta asat, ta xavil ta xlajic ta milel yu'un scontraic ti buch'utic lec xavil aba xchi'uque. Scotol ti jnaclejetic yu'un ti jteclum Judae, ta xcac' ech'el ta yoc ta sc'ob ti ajvalil yu'un ti Babiloniae yo' jech bec'bil ta xbatic ta Babilonia, mi mo'oje, espada xve' yu'unic.

Jeremías 21:3

Xi laj yalbe ya'i ec ti buch'utic tacbilic batel yu'un ti Sedequiase: “Xi xavalbe ya'i ec un ti Sedequiase:

Jeremías 32:24

‘Ti caldeoetic tana le' une laj xa smeltsan sbitebic ta svoliel ti lume. Ti q'uelel ti letoe, ti vi'nale, ti tsots chamele, ta xc'ot ta pasel ti ta x'och ta c'abal yu'un yajcontratac ti lume. Cajval, aviloj xa ti ta xa xc'ot ta pasel ti c'usi laj avale.

Jeremías 32:3

Ta smantal ti ajvalil Sedequiase yich'uc bajel ta chuquel ta scoj ti xi ta xalolan ti Jeremiase: “Xi ta xal ti Diose: ‘Ti lum li'e, ta xcac' que jti' ti ochuc ta sc'ob ti ajvalil yu'un ti muc' ta lum Babiloniae.

Jeremías 32:5

Ti Sedequiase, ta x'iq'ue batel yu'un ti Nabucodonosor ta Babiloniae. Com o to un, ja' to mi vul ta co'nton ta sbainele. Ac'o mi utsuc xa ta xatsal ava'iic ta leto ma' ti caldeoetic une, mu xachanbeic yip. Jbel xic'opoj ma' ti vu'un Diosune.’ ”

Jeremías 33:5

Ti buch'u ta xloq'uic batel xchi'uc espada ta stsaquel ta leto ti caldeoetic ti smeltsanoj xa sbitebic ta svoliel ti jteclume, c'ajomal no'ox xba yac' sjol sbaquilic ti busul no'ox ta xcom ti animaetic yu'unique. Yu'un ta jmilic ya'i ta scapemal sti'emal ti jole. Mu'yuc xa ta xcac' jsat ta stojol ti jteclum li'e ta scoj ti jelav xa ti smul scolo'ic ti laj spasique.

Jeremías 35:17

Jech o xal ti vu'un Ajvalilun ti scotol xu' cu'une, Diosun yu'un ti Israele, xi ta xcale: Ti cuxul j'ilbajinvanej vocol ti laj calboxuc ava'iic sc'oplale, lamal ta xc'ot ta sbaic ti jnaclejetic ta Judae, ti ta Jerusalene. Lic'opoj ta atojolic, mi ja'uc laj avac'beicun ta venta. Ma'uc no'ox ac'oplalic ta xava'iic ti ic'biloxuc cu'une.’ ”

Jeremías 39:3

Ti Nergal-sarézere, ti Samgar-neboe, ti Sarsequime, yich'oj tsots yabtelic ta stojol ti ajvalile. Ti yan Nergal-sarezere yich'oj tsots yabtel xtoc ta stojol ti ajvalile. Ti yaj'opisialtac ti ajvalil yu'un ti Babiloniae, scotolic ochic batel, c'ot slaman sbaic ta muc'ul ochebal ti'na.

Jeremías 52:18

Ja' jech xtoc, laj yich'ic batel ti yav tanetique, ti xulobiltaque, ti sloq'uesobil stanil xmechaile, ti muc'tiquil tazaetique, ti muc'tiquil lechetique, xchi'uc scotol ti c'usitic meltsanbil ta c'anal taq'uinetic ti ta xtun ta sventa yich'el ta muc' ti Diose.

Lamentaciones 2:3

Ti lic tiluc ti sc'ac'al yo'ntone, ta jmoj no'ox toj tuch'el c'ot yip ti Israele. Laj xch'ac loq'uel ta jtojoltic ti smuc'ul stsatsal ti lic jtsac jbatic ta leto xchi'uc ti jcontratique. Til xa c'oc' yu'un ta xchiq'uel scotol ti c'usitic x'ayan yu'un ti Jacobe.

Lamentaciones 2:5

Co'ol s'elan jcontrainvanej ti xi s'elan laj spas ti Diose: j'ech'el laj stubbe sc'oplal ti Israele. Laj sjines scotol ti muc'tic naetic ti c'otem ta pasob mantale; laj slilin ti nac'obbailetic yu'une. Xlic xcaj no'ox ti vocol laj stailan yu'un ti c'upil sba jteclum Judae.

Lamentaciones 2:7

Ti Diose laj sten ta yo'nton ti altar yu'une; bajbil tenbil c'ot yu'un ti xch'ulnae. Och ta yoc ta sc'ob jcontrainvanejetic yu'un smocal smacoj ti jteclume. Oy avanel ta xch'ulna ti Diose, co'ol xa s'elan q'uin ya'yel.

Ezequiel 39:3

Ta ts'acal un, ta jc'as ti yalcual ayolob ti oy ta ats'et c'obe. Sbusus no'ox yalel ta lum cu'un ti sni'tac ayolob oy ta abats'i c'obe.

Oseas 9:12

Ac'o mi oy to bu ta xch'i yu'unic jujunticuc ti yalab xnich'nabique, ta jpojbeic, ti mu junuc ta xquictabeic comele. Mu xa ono'ox cha'bel un, c'alal mi laj jch'ac jba ta stojol ti jnaclejetique.”

Zacarías 14:2

Ti jech c'ac'ale taje, ti Diose ta stsob talel scotol muc'tiquil lum yo' jech ta stsaquic ta leto ti jteclum Jerusalene. Ta xu'ninic ti jteclume, ta stsaquic ti c'usitic oy ta anae. Ta xilbajinic ti avantsilelique, ta stsaquic batel ta chuquel j'ololuc ti c'u yepal ti jteclume. Ja' xa no'ox va'al ta xcom ti yuni comelaltaque.

San Mateo 22:7

Ti ajvalile ech'em soc sjol. Laj yalbe mantal ti yajsoldadotaque ac'o ba smilic ti jmilvanejetique xchi'uc ac'o chic'beic ti slumalique.