Jeremías 21:2 - Bible in Tzotzil de Chamula

² “Avocoluc jac'uncutic ta stojol ti Diose, yu'un ti Nabucodonosor ajvalil yu'un ti jteclum Babiloniae, tal xa stsacuncutic ta leto. Oyuc to la c'uxi xu' yac'uc iluc jtosuc ti Dios ti ch'ayal ta xc'ot o'ntonal yu'une yo' jech ta sq'uej sba loq'uel ta jtojoltic ti Nabucodonosore.” Va'i ti Dios une c'opoj talel ta stojol ti Jeremiase.

Jeremías 21:2 Iomraidhean Croise

Génesis 10:10

Ti jteclumetic bu laj spas mantal ti Nimrode, ja' ti Babele, ti Ereque, ti Acade, ti Calnee, oy ta yosilal ti Sinare.

2 Reyes 1:3

Ja'uc ti yaj'ánjel Diose xi laj yalbe ya'i ti Elías ti liquel talel ta Tisbee: “Batan, ba nupo ta be ti yaj'al-mantal j'ich'-c'op ti ajvalil ta Samariae. Jac'bo ya'i mi mu'yuc xa Dios yu'un ti Israele ti ta sjac' sba ta stojol ti Baal-zebub dios yu'un ti Ecrone.

2 Reyes 17:24

Ti ajvalil yu'un ti Asiriae laj yic' batel jnaclejetic ti oy ta Babiloniae, ti ta Cutae, ti ta Avae, ti ta Hamate, xchi'uc ti ta Sefarvaime. Bat yac' naquiicuc ta yosilal ti Samaria, ti c'otic ta xq'uexol ti israeletique. Ja' jech laj yu'ninic ti jteclum Samariae, xchi'uc lic nacliicuc ta jteclumetic yu'un.

2 Crónicas 32:21

Va'i ti Dios une laj stac talel yaj'ánjel ta stsutsesel scotol ti soldadoetique, ti banquilal soldadoetique, ti its'inal banquilal soldadoetic ti oyic ta axibal na yu'un ti ajvalil Asiriae, ti nijil chimil xa ta xq'uexlal sut ech'el ta slumale. C'alal och ech'el ta xch'ulna ti sdiostaque, mile yu'un ti xnich'nab ti bu taje.

Éxodo 9:28

Mu xa ts'icbaj ta xca'i ti xc'avlajet no'ox ti chauque xchi'uc ti bot xvajet no'ox ta xtal ta jtojolcutique. Jech o xal mu'yuc xa ta jpajtsanoxuc. C'oponic ti Dios ta jtojolcutique. Ta xcac' batanic.

Isaías 48:2

ti xachi ta xaval ti liquemoxuc talel ta ch'ul jteclume, ti ja' yip avo'nton ti Dios yu'un ti Israele, Dios ti scotol xu' yu'une:

Jeremías 15:11

Mi mu'yuc lec laj cac' jba ta tunel ta atojol, mi mu'yuc laj jc'anbot vocol ta atojol yu'un jcontratac c'alal oyic ta vocol ta ilbajinele, c'otuc ta pasel ta jtojol un, Cajval, ti c'usi ta xloc' ta alel yu'unique.

Jeremías 21:3

Xi laj yalbe ya'i ec ti buch'utic tacbilic batel yu'un ti Sedequiase: “Xi xavalbe ya'i ec un ti Sedequiase:

Jeremías 32:17

‘Cajval, ti ta sjunul amuc'ul atsatsal laj ameltsan ti vinajele ti banomile. Ma'uc ma' ti mu'yuc c'usi ta xc'ot ta pasel avu'une.

Jeremías 32:24

‘Ti caldeoetic tana le' une laj xa smeltsan sbitebic ta svoliel ti lume. Ti q'uelel ti letoe, ti vi'nale, ti tsots chamele, ta xc'ot ta pasel ti ta x'och ta c'abal yu'un yajcontratac ti lume. Cajval, aviloj xa ti ta xa xc'ot ta pasel ti c'usi laj avale.

Jeremías 34:1

Ti Nabucodonosor ajvalil yu'un ti muc' ta lum Babiloniae, c'alal loc' talel xchi'uc scotol yajsoldadotac ti liquemic talel ta scotol muc'tiquil lumetic ti pasbilic ta mantal yu'une, ti svolojic ti Jerusalén xchi'uc scotol ti jteclumetic nopol xil sbaic xchi'uque, yo' ta stsaquic ta letoe, c'oponat talel yu'un Dios ti Jeremías ti xi albate:

Jeremías 37:17

Ti ajvalil Sedequiase laj yal mantal ti yich'uc iq'uel batel ta muc' ta na ti Jeremiase. C'alal ic'bil bat ti Jeremías ta stojol ti ajvalile, xi lic sjac'be ta mucule: “¿Mi oy c'usi yalojbot ti Diose?” Ti Jeremiase xi laj staq'ue: “Oy, xi s'elan ta xal li'e: Ti Jcuch abtelote, ta xa'och ta yoc ta sc'ob ti ajvalil yu'un ti Babiloniae.”

Jeremías 37:3

Ti ajvalil Sedequiase laj stac batel ti Jucal xnich'on ti Selemiase, xchi'uc ti pale Sofonías xnich'on ti Maaseías ta sq'uelel ti j'alc'op Jeremiase, ti xi bat yalbeique: “C'oponbuncutic ti Cajvaltique, ti Dios cu'untique.”

Jeremías 37:7

ti xi ac'o sva'an sba ta yalel ta sventa ti jtaqueletique: “Albeic ya'i ti ajvalil yu'un Judae, ti laj stac talel svinic ta sjaq'uel sba ta jtojole, ti sutic xa batel ta Egipto ti soldadoetic yu'un faraón ti talic xa ox ta spojeloxuque.

Ezequiel 7:26

Liquel cajal ti c'usitic chopol ta xvul ta loq'uele. Xlic xcaj no'ox yalilanel ti c'usitic chopol ta xich' alele. Ch'ay c'ac'al xal ti utsuc xa sa'ilanic ti jamal sba sat j'alc'opetic ti ac'baticuc sna'ic yu'un ti c'usi xc'ot ta pasele. Laj to c'op ti ta stojobtasatic yu'un ti paleetique, ti ta sbijubtasatic yu'un ti banquilaletique.

Jueces 20:27

Yu'un ti tey ta Betele, oy ta stojol israeletic xcaxail strate ti Dios ti jech c'ac'al ta vo'ne taje. Yu'un ja' o yacal ta x'abtej ti Finees xnich'on ti Aarón ta stojolal ti trate ti jech c'ac'al ta vo'ne taje. Jech o xal ti israeletique lic sjac'beic ti Diose, ti xi laj yalique: “¿Mi ta to xbat jtsac jbacutic ta leto xchi'uc snitilultac ti Benjamín ti jvinquilel jbacutic xchi'uque? ¿Mi tey no'ox c'alal ti net'bil ta xicomcutique?” Xi albatic yu'un ti Diose: “Ba tsaquic ta leto ya'iic. Ta xc'ot ta pasel cu'un ti tsalbil ta xc'ot avu'unic ti oc'ome.”

1 Samuel 10:22

Ja'uc taj une, lic sjac'beic ti Diose yo' jech ta sna'ic mi tey oy ti Saule. Laj yal ti Diose ti tey oy ti Saule, ti snac'oj sba ta yavil q'uejob c'u'ile.

1 Samuel 28:15

Va'i un, xi albat yu'un ti Samuele: —¿C'u cha'al ta xavilbajinun ti laj ataun talel ta iq'uele? Xi laj stac' ti Saule: —Mu xa stac' a'yeluc ta xca'i c'usi xu' ta jpas. Vololic ta scontrainelun ti filisteoetique. Laj xa sjipun stenun comel ti Diose. Mu'yuc xa ta stac'bun, mi ja'uc ta vaichil, mi ja'uc ta sventa ti j'alc'opetique. Jech o xal laj jtaot talel ta iq'uel yo' ta xavalbun ca'i c'usi stac' ta jpas.

1 Samuel 28:6

Va'i un, lic sjac'be Dios ti c'usi xu' ta spase. C'u stu un, mu'yuc c'usi xtac'bat yu'un ti Diose, mi ja'uc ta vaichil, mi ja'uc ta sventa ti Urime, mi ja'uc ta sventa ti j'alc'opetique.