Jeremías 2:8 - Bible in Tzotzil de Chamula

⁸ Ti paleetique, laj ta alel yu'unic ti ta sa'icune. Ti jtojobtasvanejetic yu'un ti jteclumale, mu'yuc laj yaq'uicun ta venta. Ti banquilaletique laj stoy sbaic ta scontrainelun. Ti j'alc'opetic une, c'ajomal no'ox oy ta ye ta sti'ic ta stoybel sc'oplal ti Baale. Bat snaban sbaic ta stojol ti c'usitic loc'tabile, ti mu'yuc c'usi xu' yu'unique.

Bible in Tzotzil de Chenalhó with Deuterocanon

⁸ Li paleetique la xch'ayicun o ta yo'ntonic; li jchanubtasvanejetic sventa jmantale mu xa sna'icun; li banquilaletique solel la stoy sbaic o ta jtojol. Li j'alc'opetique ja' xa ic'otic ta j'alc'op yu'un li Baale, yu'un ja' te ibatic o ta stojol li diosetic ti mu'yuc stue.

Jeremías 2:8 Iomraidhean Croise

1 Reyes 18:22

Ti Eliase xi lic yalilane: —Ti jech j'alc'opun yu'un ti Diose, jch'ul tuc xa no'ox ti li' to cuxulune. Ja'uc ti yaj'alc'optac ti Baale, oy o'lol yo'obal ciento (450) ta vo'.

1 Reyes 18:29

Ja'uc le' une, ech' ti o'lol c'ac'ale, staoj yav yac'ojbeic yipal ta avlajetel, ta bitlajetel ta ac'otajel jech c'u cha'al junuc chuvaj. C'alal c'ot xa yorail ta xich' aq'uel ti milbil matanale, mu'yuc xtac'bat ti sc'opique. ¡Mu'yuc buch'u laj stac'! ¡Mi ja'uc oy buch'u laj ya'i!

1 Reyes 18:40

Va'i un, xi albatic yu'un ti Eliase: —Tsaquic ya'i yaj'alc'optac ti Baale, ti mu junuc xcol avu'unique. Tsacbil c'otic yu'un ti jnaclejtique, ti ic'bil batic yu'un ti Elías ta uc'um Cisone. Laj yich'ic milel yu'un ti bu taje.

Job 35:10

Le' une, ma'uc ta sa'ic spojelic ta stojol Dios ti ac'bun xch'ulel yanimaic yu'une, ti Buch'u ta xac' yip o'ntonal ti c'alal yorail ic'uneb ti osil banomil ta xa'iique,

Isaías 28:7

Oy yan xtoc ti xi s'elan c'otem ta stojolic ti naca xa xtamlajetic yu'un ti vinoe, ti naca xa sts'elajetic ta jujot yu'un ti pasem ya'lel uvae: Ma' taj une, ja'ic ti paleetique, ti j'alc'opetique, ti naca xa xtamlajetic ta scoj ti pasem ya'lel uvae. Mu xa stac' a'yeluc ta xa'iic xchi'uc ti vinoe. Naca xa xtamlajetic xchi'uquic ti pasem ya'lel uvae. Xtamlajetic ta yalel ti oy c'usi ta x'ac'bat yilic ti yalojique, xchi'uc ti jyacubelic ta yalel ti jbel ma' ti ta xloc' ta ye ti chapaj ti c'op yalojique.

Isaías 29:10

Laj yac' taluc vayel ta atojolic ti Dios ti ta xbat ach'ulelic yu'un ta j'ech'ele. Ti j'alc'opetique, ac'o mi c'otem ta jtojobtasvanejetic yu'un ti jteclume, ja'uc le' une, macbat satic ta jlic poc' yu'un ti Diose.

Isaías 30:5

acotolic c'ajomal no'ox ta xalajic ta lo'lael yu'un ti jteclum ti yan sjol yo'ntone. Mi ja'uc jutebuc ta xataic ti coltaele. Mi ja'uc oy c'usi ta xataic yu'un. C'ajomal no'ox ta xataic ti vul o'ntone, ti vocole.”

Jeremías 10:21

Ti banquilal jvolvanejetic yu'un ti jteclum li'e, pimuneb xa'i sbaic. Mu'yuc ta yo'ntonic ta sa'ic ti Diose. Jech o xal un, c'otic ta lubtsajel, tan puc xa bat yu'un ti c'u yepal svoloje.

Jeremías 12:10

Yepal no'ox jcontrainvanej banquilaletic ta soques ti jts'unubal uvae, ta xpech'ilanel ta teq'uel ti cosile. C'ot xa ta sbajtical banomil yu'un, ti banomil ti juteb ta co'nton ta j'ech'ele.

Jeremías 16:19

Cajval, vo'ot ti jmuc'ul jtsatsalote, ti jpojobbailote, ti jnac'obbailot ta yorail ti xi'bal sba ta xc'ot ta pasele. Ta xtalic ta atojol muc'tiquil lumetic le' to ta jot xchiquin banomile, ti xi ta xalique: “Ti diosetic ti yich'ojic comel ti jtot jme'cutic ta vo'nee, mu'yuc c'usi xu' yu'unic, ch'abal smucul stsatsal.

Jeremías 18:18

Ti jnaclejetique xi lic snopique: “Jchapantic lec ti ch'ayuc sc'oplal ti Jeremías ta jtojoltique. Yu'un oy ono'ox paleetic ti ta xistojobtasotique. Oy ono'ox bijil viniquetic ti ta xisbijubtasotique. Oy ono'ox j'alc'opetic xu' ta xisjelubtasbotic c'usi ta xal ti Diose. Jtic'betic ya'i smul yo' ta xich' milel. Mu jch'unbetic ti c'usi ta xale.”

Jeremías 2:11

Ta xavilic un mi sjelta-jelta no'ox yajdiosic ti jun ch'ayemal muc' ta lume, ti c'alal mu'yuc c'usi xu' yu'unic ta j'ech'el ti diosetic taje. Ja'uc ti jteclumal une laj xa yictaicun comel. Mu'yuc laj yaq'uic ta venta ti c'otemun ta yutsilal slequilalique. C'ajomal no'ox bat yo'ntonic ta sts'acliel ti loc'obbailetic ti mu'yuc c'usi xu' yu'une.

Jeremías 2:6

Mi ja'uc tsots sc'oplal laj ya'iic ta sa'elicun, manchuc mi laj yilic ti chi'inbilic cu'un ti c'alal laj jloq'uesic talel ta jteclum Egiptoe, ti ech'ic cu'un ta sbajtical banomile, ti bu taq'uin ta j'ech'ele, ti bu ch'abal ti vo'e, ti naca lican ch'entique, ti bu lajel xal oe, ti mu'yuc buch'u nacal teye, ti bu mu junuc jxanvil ta x'ech'e.

Jeremías 4:22

Xi ta xal ti Diose: “Ti jteclumale bolinebic ta j'ech'el, mu xiyojtiquinic. Alab nich'nabiletic ti mu'yuc xch'ulelique, ti mu sna'ic snopele, mi ja'uc spas yu'unic ti c'usi leque. C'ajomal ja' xojol xchi'uquic ta spasel ti c'usi chopole.”

Jeremías 5:31

Ti c'usi ta scaj'alic ti j'alc'opetique, naca jutbil. Ti paleetique, ja' no'ox yac'ojbeic yipal ta spasel mantal ti c'usi xloc' venta ta xa'iique. Loc' ta sa'el avu'un le' une, cuni lumal. Xcaltic taj une, ¿c'usi ta xapasic xana' mi c'ot ti yorail une?’ ”

Jeremías 7:8

‘Yu'un ti vo'oxuque toj taq'uel ta muc' avu'unic ti naca jutbilal c'opetic ti mu'yuc c'usi lec ta tael yu'une.

Jeremías 9:14

Yu'un pucujibemic ti batem yo'nton xchi'uquic ta spasbel stoyel xi'el ti loc'tabil diosetic jech c'u cha'al ac'bat yilic comel yu'un ti stot sme'ique.

Ezequiel 22:26

Ta muc' ta lum li'e, ti paleetique naca syanijesel no'ox yu'unic ti chanubtasel cu'une. Naca soquesel no'ox yu'unic ti c'usi c'otem ta jventae. Mu sna'ic st'ujel ti bu leque xchi'uc ti bu ta soquesvane. Mu xchanubtasic ti yan ta st'ujel ti bu leque xchi'uc ti bu mu lecuque. Mu xa xaq'uic ta venta sc'ac'alil ti cuxob o'ntonal cu'une. Laj c'op ti ta snijan xchiman sbaic ta yich'elun ta muq'ue.

Ezequiel 34:2

“Yojtot, xi vulvunan liquel ta jventa ta scontrainel ti jq'uel-chijetic yu'un ti Israele: ‘Xi ta xal ti Diose: Mu cha'bel uni jq'uel-chijetic yu'un Israel ti atuc no'ox atuc'ulanoj abaique, ti c'alal tsots sc'oplal abainojic ta sq'uelel ti chijetique.

Oseas 4:6

Ja'uc ti jteclumale, mu'yuc c'usi ya'binojic ta sni' ta xchiquinic. Ja' yu'un un, laj yich'ic tsutsesel. Yan ti vo'ote, pale, ti laj ajip ta apat ta axocon ti c'usi avojtiquinoj leque, ma'uc xa cajpale ta xacom. Ti jech loc' ta avo'nton ti laj ajip ta apat ta axocon ti chanubtasel yu'un ti Dios avu'une, ta jtubbe sc'oplal ta co'nton ti anitilultaque.

Habacuc 2:18

¿Mi yu'un oy to c'usi xtun o ti c'usitic c'upil sba loc'tabil ti c'alal meltsanbil yu'un ti vinique? ¿Mi yu'un oy c'usi xtun o ti c'usitic loc'tabil c'alal ja' no'ox ta x'ac'van ta jutc'ope? Mu stac' xc'opoj ti c'usitic loc'tabile; ¿c'usi xavut un cha'e, ti xu' xapat avo'nton ta stojolic c'alal naca no'ox meltsanbil yu'un ti viniquetique?

San Mateo 16:26

¿C'usi bal o ti vinique ti mi ch'ayel ta xbat ti xch'ulele? ¿Mi oy c'usi xut ta sman loq'uel ti xch'ulele?

San Lucas 11:52

“Mu cha'belucoxuc un, jchanubtasvanejetic yu'un ti oy c'usi tsots albil sc'oplale, ti oy ta avoc ta ac'obic ta sna'el sbelal ti lequilale. Mu xavaq'uic ochuc batel ti buch'u sc'an ta x'och ya'iique, c'alal mi ja'uc xa'ochic ti vo'oxuque.”

San Juan 16:3

Jech ta spasic, yu'un mu xojtiquinic ta j'ech'el ti Jtote, mi ja'uc xiyojtquinicun ec.

San Juan 8:55

Ti vo'oxuque mu xavojtiquinic. Ja'uc ti vu'une xcojtiquin. Mi ta xcal ti mu xcojtiquine, ja' jun jutc'opun ta j'ech'el jech c'u cha'al ti vo'oxuque. J'ech'el xcojtiquin ma' ti vu'une, xchi'uc ta xquich'be ta muc' ti c'usi ta xale.

2 Corintios 4:2

Laj to ta alel ma' ti oy c'usi ta mucul ta jpascutic ti ta x'ac'van ta q'uexlale. Mi ja'uc ti ven xa xca'i jbacutic ta jyanijesbecutic smelol ti sc'op Diose. Le'e, ja' no'ox ta xcalcutic ti bu ja' melele yo' jech ta xilic scotolic ti lec co'ntoncutic ta stojol ti Diose.

Deuteronomio 33:10

Yu'un ti stuquique ta xchanubtasic ti Jacob ti jbel ti c'usi albile, xchi'uc ti c'usi nopbil avu'une. Ta xabtelan ta atojol ta yaq'uel ta sba avaltar ta xchiq'uel ti pome, xchi'uc ti chon bolometic ti ta xc'ot ta matanale.

1 Samuel 12:21

Mu xa naban abaic ta stojol ti jeche' diosetique, ti mu ja'uc xu' ta scoltaoxuque, ti ta spojoxuque, ti mu'yuc c'usi xu' yu'unique.

1 Samuel 2:12

Ti xnich'nab ti Elie toj chopol ti stalelique. Mu ja'uc xaq'uic ta venta ti Diose.