Jeremías 2:6 - Bible in Tzotzil de Chamula

⁶ Mi ja'uc tsots sc'oplal laj ya'iic ta sa'elicun, manchuc mi laj yilic ti chi'inbilic cu'un ti c'alal laj jloq'uesic talel ta jteclum Egiptoe, ti ech'ic cu'un ta sbajtical banomile, ti bu taq'uin ta j'ech'ele, ti bu ch'abal ti vo'e, ti naca lican ch'entique, ti bu lajel xal oe, ti mu'yuc buch'u nacal teye, ti bu mu junuc jxanvil ta x'ech'e.

Bible in Tzotzil de Chenalhó with Deuterocanon

⁶ Mu'yuc la sna'icun jutuc, mu'yuc jech laj yalic: ‘¿Bu oy li Muc'ul Dios ti la sloq'uesutic tal ta Egiptoe, ti laj yic'utic tal ta xocol banamil yo' bu mu'yuc c'usi x'ayin tee, ti mu'yuc boch'o naquiem, ti toj taq'uin, ti mu'yuc boch'o xu' chcuxi, xchi'uc ti mu boch'o sc'an xjelov ta xanubal tee?’, mu'yuc bu xiic.

Jeremías 2:6 Iomraidhean Croise

2 Reyes 2:14

Ta jech yepal un, lic smaj ta ba vo' ti c'u'ile, ti xi avane: “¿Bu oy ti Ajvalile, Dios yu'un ti Eliase?” Naca to no'ox ta xlic smaj ti vo' xchi'uque, ti uc'ume lic xch'acan sba ech'el ta jujujot. Jech ti Eliseoe jelav batel ta uc'um.

Job 3:5

Toj lec ti ja'uc o ic'unebuc ta jun pimil queovale, ti volibiluc ta jun ic'lumal toque, ti ja'uc o macal sat c'ac'al ti jun xi'elal ta xaq'ue.

Job 35:10

Le' une, ma'uc ta sa'ic spojelic ta stojol Dios ti ac'bun xch'ulel yanimaic yu'une, ti Buch'u ta xac' yip o'ntonal ti c'alal yorail ic'uneb ti osil banomil ta xa'iique,

Salmos 23:4

Manchuc mi ic' ta j'ech'el ta xixanav batel ta stenlejale, mu xixi' yu'un ti c'usi xi'bal sbae. Achi'inojun un, Dios; ja' yip co'nton ta xca'i ti avarae, ti avaxtone.

Salmos 77:5

Ta jnopilan c'u s'elan ech' talel ti c'ac'ale, ti sjabilal le' talel ta vo'nee;

Éxodo 20:2

“Vu'un Ajvalil ti ja' Diosun avu'unique, ti laj jloq'uesoxuc talel ta Egipto ti bu mosovinbiloxuc to oxe.

Isaías 63:9

Scotol ti vocol lamal ta stojolique, cajal c'ot ta sba. Yu'un mu yanuc buch'u ti jpojvanej yu'unique, ja' laj sva'an sba talel stuc ti Diose. Pojeic yu'un ta sventa yutsilal slequilal, xc'uxul yo'nton. Laj stam, laj snit liquel. Jech ono'ox stalel ta spas.

Isaías 64:7

Mu'yuc buch'u junuc ti xvocolet ta atojole, ti ta xac'beic yipal ta stam sbaic liquel ta atojole. Jech o xal laj ach'ac aba loq'uel ta jtojolcutic. Jipbil tenbil licomcutic avu'un ta scoj ti jmul jcolo'cutique.

Jeremías 13:16

Ich'ic ta muc' ti Ajvalil Dios avu'unique, ti mu to ta xvul ta loq'uel ti ic'uneb ti osil banomile, ti xabosi avacanic ta ic'-cunan vitstique, ti mu to ta xjoybij ta ic'ubel ta j'ech'el ti banomile, ti lajebal xa xal o yic'ubel ti osil banomile. ti amalojic avalojic yutsilal saquil ti osile.

Jeremías 2:2

“Bat c'opojan ta stojol ti lum Jerusalene, xi tsots xaval yo' ta xa'iic lec: ‘Bejel ta jol ta xca'i ti mu jipbajun laj ava'i c'alal yach'il to ox laj jnabanot ta jpat jxocone. Jun avo'nton laj atsacliun ta sbajtical banomil ti bu mu'yuc c'usi xloc' x'ayane’, xi ma' ti Dios une.

Jeremías 2:8

Ti paleetique, laj ta alel yu'unic ti ta sa'icune. Ti jtojobtasvanejetic yu'un ti jteclumale, mu'yuc laj yaq'uicun ta venta. Ti banquilaletique laj stoy sbaic ta scontrainelun. Ti j'alc'opetic une, c'ajomal no'ox oy ta ye ta sti'ic ta stoybel sc'oplal ti Baale. Bat snaban sbaic ta stojol ti c'usitic loc'tabile, ti mu'yuc c'usi xu' yu'unique.

Jeremías 5:12

Ti Israele xchi'uc ti Judae mu'yuc ta venta c'ot yu'unic ti Diose, yu'un xi ta xalique: “Ti Diose mu'yuc laj sna'. Mu'yuc c'usi ta xc'ot ta jtojoltic. Mu xvul ta loq'uel ti letoe, ti vi'nale.”

Jeremías 5:2

Oy buch'u ta xal ti nijil chimil ta yich'el ta muc' ti Diose, naca sba no'ox ye.”

Jeremías 51:43

Ti jteclumetic yu'une, c'ot ta jun chopol sts'ijlajan banomil. C'ot ta jun pochol taqui banomil ta j'ech'el, ti mu ja'uc junuc oy buch'u ta xnaqui teye, ti mu ja'uc junuc oy buch'u xu' ta xjelav teye.

Oseas 12:13

Ta sventa ti jun j'alc'ope, ti Diose laj sloq'ues talel ta Egipto ti jteclum Israele. Ta sventa ti jun j'alc'ope, chabiatic yu'un ti Diose.

Oseas 13:4

Ti Diose xi ta xale: “Vu'un ti Ajvalilune, ti Diosun avu'une, ti xi s'elan ti oyot to ox ta jteclum Egiptoe: Jtuc no'ox c'otcun ta Dios avu'un. Ma'uc me ti xlic ava'an yan avajdiose. Vu'unun ti avajpojvanejune.

Amós 2:10

Ti vo'oxuque, laj jloq'uesoxuc talel ta jteclum Egipto. Cha'vinic (40) jabil laj quic'oxuc batel ta sbajtical banomil yo' jech ta xacac'beic ti sbanomilique.

San Mateo 4:16

scotol ti jnaclejetic taje, ti oyic ta ic'al osile, laj yilic saquilal osil un. Ti buch'utic oyic ta squeoval ti chamel lajebale, c'ot ta stojolic un ti saquilal osile.”

Deuteronomio 1:19

“C'alal lijloc'otic ech'el ta Horebe, tuc' lijbat ta vitstic yu'un ti amorreoetique, ja' jch'unojtic smantal ti Ajvalil Dios cu'untique. Laj jxanitic ech'el scotol ti muc'tiquil sbajtical banomil ti xi'bal sba laj avilique, ja' to ti c'uxi lijvul ta Cades-barneae.

Deuteronomio 32:10

Yu'un lamal laj sta ta sbajtical banomil, ta jun taquinal banomil ti bu xjumet ti ic' ta x'ech'e. Laj svol ta yolon yoc sc'ob, laj xchanubtas, laj xchabi jech c'u cha'al ti yuninal sate.

Deuteronomio 8:2

Mu me xch'ay xava'iic scotol ti bu c'alal la'ech'ic ta xanubal yu'un ti Ajvalil Dios avu'unic ti cha'vinic (40) jabil ta sbajtical banomile, yo' jech yamal no'ox c'ot ac'oplalic yu'un xchi'uc ta sq'uelel avo'ntonic, yo' jech ta xojtiquin c'u s'elan snopobil avu'unique, xchi'uc ta sna'el mi ta xc'ot ta pasel avu'unic ti smantaltaque, mi mu'yuc.

Jueces 6:13

Ti Gedeone xi laj staq'ue: —Ati jsoques la avo'nton tanae, yojtot, ati li'uc la xchi'inojuncutic ti Diose, ¿c'u la cha'al ti vi s'elan ta xc'ot ta jtojolcutic scotol le' un cha'e? ¿Bu bat scotol ti c'usitic ch'ayal ta xc'ot o'ntonal yu'un ti muc'tic ta spas ti Diose, ti c'alal laj yalic ti jmolmuc'totcutic ti ja' laj sloq'uesuncutic talel ti Dios ti oyuncutic ta Egipto ti xiique? Yu'un ta xquilcutic ti laj xa stenuncutic comel ti Diose. Laj xa yac'uncutic ta yoc ta sc'ob ti madianitaetique.