Jeremías 2:5 - Bible in Tzotzil de Chamula

⁵ Xi ta xal ti Diose: “¿C'usi chopol laj stabeicun ti amolmuc'totic ta vo'ne ti laj xch'ac sbaic ta jtojole? Yu'un ti stuquique laj sts'acliic diosetic ti mu xcoltavane. Mu'yuc c'usi bal o c'otic ec un.

Bible in Tzotzil de Chenalhó with Deuterocanon

⁵ Jech chayalboxuc: “¿C'usi chopol la stabicun li amoltotaquic ta vo'one ti inamajic loq'uel ta jtojol, ti ja' ibatic ta stojol li yan diosetic ti mu'yuc stue, ti ja' jech mu'yuc stu ic'ot o xchi'uquique?

Jeremías 2:5 Iomraidhean Croise

2 Reyes 17:15

Laj sbajbeic ti oy c'usitic jbel tsots albil yu'une, xchi'uc ti strate ti laj spas ta stojol ti smolmuc'totique, xchi'uc ti mantaletic ti ac'batic comele. Ma'uc no'ox taje, bat yo'ntonic ta yich'el ta muc' ti jeche' loc'obbail diosetique. Laj spec'tsanbe sba sc'oplal xchi'uquic ti laj xchanic ta spasel ec jech c'u cha'al laj spasic ti lumetic ti joyol ta spat ta xoconic ti c'alal albilic ono'ox yu'un Dios ti mu xu' jech ta spasique.

Salmos 115:8

Co'ol s'elan c'otemic ec ti buch'u yabtelinojic ti loc'obbaile, xchi'uc ti buch'u nijil chimilic ta yich'el ta muq'ue.

Isaías 29:13

Xiyut ti Dios une: “Ti lum li'e, naca no'ox sba ye ti ta xalic ti c'otem ta cajtunele. Ta ye no'ox ma' ti ta xiyich'un ta muq'ue. Le' to oy ma' ti yo'ntonic ta jtojol une. Naca nopbil yu'un viniquetic ma' ti ta xalic ti quich'el ta muq'ue, naca chanbil no'ox ta sjol stuquic.

Isaías 44:9

Mu'yuc c'usi bal o ma' ti buch'utic ta smeltsanic ti loc'obbailetique. J'ech'el mu'yuc c'usi xu' yu'un ti loc'cobbail ti batem yo'ntonic xchi'uque. Ti buch'utic nijil chimilic ta xich'ic ta muq'ue, ma'satetic, mu xa'i sba xchi'uquic. Jech o xal un, ta xc'otic ta j'ac'-lo'il-maxil.

Isaías 46:12

A'yio ava'iic ti xi ta xcale, jnaclejetic ti xasa'sunique, ti ta xavalic ti jal to sc'an ti pojel colele.

Jeremías 10:8

Scotolic pimuneb xa'i sbaic, mi jutebuc oy sbijilic. Mi jutebuc xu' ta xchanubtasatic yu'un ti bas-bas te'e.

Jeremías 12:2

Ats'unojan, ta x'ibelinic batel avu'un; ta xch'iic, ta x'esomajic ech'el avu'un. Oy no'ox ta ye ta sti' ta slequil-c'optaelot, ja'uc ti yo'ntonique, nom oy ta atojol

Jeremías 14:22

¿Mi oy bu loc'tabil jyanlum dios ti xu' yu'un ta xac' taluc ti vo'e? ¿Mi ta smantal no'ox stuc ti vinajel ta xac' taluc ti vo'e? Cajval, Dios cu'uncutic, bu la xata ti jech une. Ti vo'ote ta xavac' taluc vo', aventainoj scotol ma' taj une, jech o xal jmalaojcutic ti c'usi lec ta xapas ta jtojolcutique.

Jeremías 2:31

(Avi tana eque, xchi'uc ti avalab anich'nabic li'e, ts'etano xa achiquin ta ya'yiel slo'il ya'yej ma' ti Dios une.) Israel, ¿mi co'ol j'elan sbajtical banomil laj ava'iun ta avo'nton? ¿Mi co'ol j'elan banomil naca queov laj ava'iun ta avo'nton? Jteclumal, ¿c'u cha'al xachi un cha'e: ‘Colemuncutic, j'ech'el mu xisutcutic talel ta atojol un’?

Jeremías 2:4

Snitilultac Jacob, jujuchop jnaclejetic ta sjunul Israel, chiquintabeic lec ava'iic sc'opojel ti Diose.

Jeremías 8:19

Xvinaj ta sjunul lum ti xi x'avlajetic ti jteclumale: “¿Mi mu'yuc xa li' oy ta jteclum Sión ti Diose? ¿Mi ch'abal xa ti ajvalil yu'une?” Ti Dios une xi ta staq'ue: “¿C'u cha'al laj asoquesbeicun co'nton ta scoj lic anijan achiman abaic ta yich'el ta muc' ti loc'obbailetique, diosetic ti mu'yuc c'usi xu' yu'une, ti yan o ta j'ech'ele?”

Ezequiel 11:15

“Ti jnaclejetic ti nacalic ta Jerusalene, xi ta xalbeic sc'oplal ti israeletic ti ja' avinquileltaque: ‘Le'e, toj nom batemic ta stojol ti Diose. Ja'uc ti vo'otique, laj yac'botic ti muc' ta jteclume, ti com ta cu'untic yu'une.’

Ezequiel 14:5

Vu'un ta jtijbe yo'nton scotol ti israeletic ti laj xa xch'ac sbaic ta jtojol ta scoj ti loc'obbailetic yu'unique.

Jonás 2:8

Ti buch'utic ta sts'acliic ta yich'el ta muc' ti loc'obbailetique, ja' ta xc'ot ta pasel ti mu xa junuc ti sjol yo'ntonic ta atojolale.

San Mateo 15:8

‘Ti jteclum li'e, jun yutsil ti ye ta xich'icun ta muc' yilele. Ti yo'ntonique nom oy ta jtojol.

Hechos 14:15

—Jchi'lactic, ¿c'u cha'al jech ta xapasic le'e? Vinicuncutic no'ox jech c'u cha'al ti vo'oxuque. Ti jech litalcutic li'e, ja' tal calcutic ava'iic ti lequil ach' c'ope yo' ta xavictaic ta spasel ti vi s'elan le'e, ti ma'uc toj tsots sc'oplale. Sutanic xa talel ta stojol ti cuxul Dios ti Buch'u laj spas ti vinajele, ti banomile, ti muc' ta nabe, xchi'uc scotol ti c'usitic oye.

Romanos 1:21

Ac'o mi sna'ic ti oy Diose, mu sbisic ta Dios, mu xich'ic ta muc', mi ja'uc ta xalbeic colyalbun. C'ajomal no'ox batem ta yo'ntonic ta snopel ti c'usi mu'yuc smelole, ti yac'ojbeic yipal ta spasel ti c'usi xtal ta sjolique. Laj ta alel ma' ti oy lec snopbenal yu'unic une.

Deuteronomio 32:21

J'ech'el mu sts'ic cu'un ti buch'u ta spec'tsanbun ti jc'oplale, ti ich'bil ta muc' ta xc'ot yu'un ti yan diosetic ti c'alal ma'uc diose. Laj sliquesbeicun sc'ac'al co'nton yu'un ti yan diosetic yu'unique. Jechun ec un, ta jtic'beic ya'iic ta sjol ta yo'ntonic ti mu xa c'usi x'ech' o ta xa'i ti c'alal ta xilic jun jteclumetic ti ma'uc ic'bilic cu'une. Ta jliquesbeic sc'ac'al yo'nton ya'iic xchi'uc jun jteclum ti mu xa'ibeic ti xchiquinale.

1 Samuel 12:21

Mu xa naban abaic ta stojol ti jeche' diosetique, ti mu ja'uc xu' ta scoltaoxuque, ti ta spojoxuque, ti mu'yuc c'usi xu' yu'unique.