Jeremías 2:3 - Bible in Tzotzil de Chamula

³ Ti Israele cu'un to ox jtuc, cuni t'ujbil ts'unubil to ox. Mi oy buch'u laj soquese, laj jtsits, laj jtacbe talel ta stojol ti cuxul ilbajinvanej vocole. Ti vu'un Diosune, mu stselbuj ma' ti jc'op une.”

Bible in Tzotzil de Chenalhó with Deuterocanon

³ Li Israele voc'bil to'ox cu'un; ja' to'ox jech c'otem cu'un jech chac c'u cha'al li sba sat c'usi chloq'ue. Scotol li boch'o la soquese la sta smulic, jech laj cac'be tsots svocolic”, xiyutun li Muc'ul Diose.

Jeremías 2:3 Iomraidhean Croise

Éxodo 22:29

“Mu xajaliltas ta yich'el talel ta jmoton scotol sba sat ti c'usitic ta xloc' x'ayan avu'une, xchi'uc ti vinoe. “Ac'bun yo' ta xc'ot ta cu'un ti sba anich'one.

Éxodo 23:16

“Ta xapasbeic sq'uinal xtoc ti ts'unubiletique, sc'oplal ti sba satac ti c'usitic laj yich' ts'unel ta osile. Ta xapasbeic sq'uinal xtoc ti c'u yepal loc' ta jun jabil ti laj atsobic ti c'usi laj ats'unique.

Isaías 41:11

Scotol ti buch'u xcapet xti'et sjol ta atojole, nijil ta xcomic ta q'uexlal apun. Scotol ti buch'utic ta stsacot ta c'ope, ta j'ech'el ta xtub sc'oplalic.

Isaías 47:6

C'alal liquem sc'ac'al co'nton yu'un ti jlumale, laj soquesbe sc'oplal ma' ti muc' ta lum ti c'alal ja' cu'une, ti jq'uel xa no'ox ti och ta avoc ta ac'ob cu'une. Mi jutebuc c'uxubaj avo'nton yu'un. Tsots laj avilbe svocol ti buch'utic ch'iem c'opojemic xae.

Jeremías 12:14

Ti jteclumetic ti mu'yuc xch'ulel xa'i sbaic sts'aquinoj sba xchi'uc ti Israele, ti laj slilinic ti banomil ti laj yac'be ta xrextoic steclumal ti Israele, xi ta x'albatic yu'un ti Diose: “Vu'un ta jbec' loq'uel ta sbanomilic, xchi'uc ta jbec' loq'uel ya'i ti Judá ti capaloxuc xchi'uque.

Jeremías 2:4

Snitilultac Jacob, jujuchop jnaclejetic ta sjunul Israel, chiquintabeic lec ava'iic sc'opojel ti Diose.

Jeremías 30:16

Scotol ti buch'u ta sbalot ta ti'ele, ta xich'ic balel ta ti'el ec. Bec'bil ta xloc' ta slumalic ti buch'u laj sbec'oxuc loq'uele. Ta xcac' que jti' ta xtambatic loq'uel ti c'usitic x'ayan yu'unic ti buch'utic laj stamic loq'uel ti c'usitic x'ayan avu'unique. Ti buch'utic laj yelc'anboxuc ti c'usitic x'ayan avu'unique, jech ta xich' elc'anbel ec.

Jeremías 50:7

C'alal ileic yu'un ti scontraique, baleic ta ti'el ti xi albatic yu'une: ‘Ma'uc jmultic, yu'un laj sa' smulic ta stojol ti Diose, ja' ti mu'yuc c'usi sna' xchi'uquique, spatobil yo'ntonic laj ech'uc ti stot sme'ic ta vo'nee.’

Joel 1:3

Lo'iltabeic ya'i ti avalab anich'nabique yo' jech ta xlic slo'iltabeic ec ti yalab xnich'nabique; jech ti stuquique ta xlic slo'iltabeic ya'iic ti buch'u ts'acal to chlaj voc'uc talele.

Amós 6:1

Mu xa ono'ox cha'bel un, ti buch'utic mu'yuc no'ox svocolic ta xa'iic ti nacalic ta jteclum Sione. Mu xa ono'ox cha'bel un, ti buch'utic mu'yuc c'usi sna' ta xa'iic ti nacalic ta jteclum Samariae, ti banquilaletic ti ich'bil ye sti'ic yu'un ti muc'tiquil lum taje, ti xc'uletic ta sc'anic coltael ti israeletique.

Habacuc 1:11

Co'ol to s'elan junuc sutub ic' ti xvoletic no'ox ochele; ja' no'ox xrioxinojic o ta xa'iic ti oy yipal yu'unique.”

Zacarías 1:15

Jech o xal un, til xa sc'ac'al co'nton yu'unic ta scontrainel ti jteclumetic ti mu'yuc no'ox c'usi xal ti yo'ntonic ta j'ech'ele. Yu'un ja' o lic stic' sbaic ta spasel ti c'usitic chopol c'alal ja' o stac' to ox ts'iquel ti sc'ac'al co'ntone.

Zacarías 2:8

Ti Dios ti scotol xu' yu'une laj stacun talel ta stojol ti jteclum ti buch'u laj spojboxuc ti c'usitic x'ayan avu'unique, ti xi ta xich' albel ya'i ta sventa ti Diose: “Buch'uuc no'ox ta sta ta tijel ti jteclumale, ja' ta sta ta tijel ti yuninal jsate.

Números 18:12

Ja' jech xtoc ta xcac'bot avich' ti sba sat ts'unubil ti xi s'elan sc'oplal ta xiyac'beic jujun jabil ti israeletique, ja' ti lequil t'ujbil aceitee, ti lequil t'ujbil vinoe, xchi'uc ti lequil t'ujbil trigoe.

Romanos 11:16

Mi c'otem ta sventa Dios ti jbej pan ti c'u yepal laj yich' vots'el ti jarinae, scotol ti c'u yepal vots'bile c'otem ta sventa. Mi c'otem ta sventa Dios yibel ti jpets te'e, c'otem ta sventa ti sc'obtac xtoque.

Romanos 16:5

Chabanuc xavalbe ya'iic xtoc ti jch'unolajeletic ti ta stsob sbaic ta sna ti Priscilae xchi'uc ti Aquilae. Chabanuc xavalbe ya'i ti Epéneto ti lec ta xquil jbacutique, ti oy ta Acaya banomil ti ja' ba'yel c'ot ta yo'nton ta xch'unel ti Cristoe.

Efesios 1:4

C'alal mu'yuc to ox meltsajem ti banomile, t'ujbilotic xa ono'ox yu'un ti Dios ta sventa ti Cristoe yo' jech mu'yuc jmultic ta xijc'ot ta stojol.

Deuteronomio 14:2

Yu'un ti vo'oxuque, ja' jun jteclum ti ch'acbiloxuc loq'uel yu'un ti Ajvalil Dios avu'unique. Yu'un ja' stuc laj st'ujoxuc loq'uel ta stojol scotol ti yan lumetic ti oy ta banomile yo' jech ta xac'otic ta steclumal stuc.

Deuteronomio 26:19

Ta xc'ot ta pasel yu'un ti ta xac'otic ta jun muc' ta lum ti jelavem ta j'ech'el ti alequilal avutsilalique, ti ta spuc ti ac'oplalique, ti ich'biloxuc ta muc' ta xac'otique, ti ja' mu sta sc'oplal ti yan muc'tiquil lum ti laj yac'anbe xch'ulele. Yu'un ja' jech ta xata ac'oplalic jech c'u cha'al laj yale, ti ja' jun jteclum ti yac'oj sbaic ta tunel yu'un ti Ajvalil Dios avu'unique.”

Deuteronomio 7:6

Yu'un ti vo'oxuque, ja' jun lum ti ch'acbiloxuc ti tsots ac'oplalic c'otemoxuc yu'un ti Ajvalil Dios avu'unique. Yu'un ti ta scotol ti lumetic ti oy ta banomile, laj st'ujoxuc loq'uel ti Diose yo' jech ta xc'otic ta steclumal stuc.

Santiago 1:18

Yu'un laj xa yac' jcuxlejaltic ta sventa sc'op ti bu ja' melele, yo' jech x'ech' to cajal ta xijc'ot ta stojol scotol ti c'usitic laj xa smeltsane. Jech loc' ta nopel yu'un ti Diose.

1 Pedro 2:9

Ti vo'oxuque, alab nich'nabiloxuc ti t'ujbiloxuque, yu'un paleoxuc ti avac'oj abaic ta tunel yu'un ti Diose, yu'un ch'ul jteclumoxuc, yu'un yalab xnich'naboxuc ti Diose. Ti jech taj une, yo' jech ta xavabtelanic ta yalel ti oy c'usi jun yutsil slequil laj spas ti Diose. Yu'un laj yic'oxuc loq'uel ta ic'al osil, la'ochic xa batel ta saquilal ti ja' xch'ul lequilale.

Apocalipsis 14:4

Taje, ja'ic ti buch'utic laj stuc'ulan sbaic ti mu'yuc laj soques sc'oplalic ta stojol ti yan antsetique, ti laj sts'acliic ti buyuc no'ox ta xbat ti jcot ta Uni Chije. C'otic ta ba'yel matanal ta stojol Dios xchi'uc ta stojol ti jcot ta Uni Chije, ta sventa ti ch'aqueic loq'uel ta stojol ti buch'utic oyic li' ta banomile, jech laj staic ti coltaele.