Jeremías 2:10 - Bible in Tzotzil de Chamula

¹⁰ Batan avilic ta banomil ti joyobtabil ta nab ti oy ta yeloval stuq'uil smaleb c'ac'ale, tuc'ulano avilic lec ta Cedare, q'uelic un mi oy buch'u jech ta spas jech c'u cha'al ta xapasique.

Bible in Tzotzil de Chenalhó with Deuterocanon

¹⁰ Batanic ta Quitim ja' li banamil cacal ta nabe, bat q'uelo tal avilic; taquic batel boch'o chbat sq'uel tal lec noxtoc li lum Cedare, ac'o bat sq'uel tal lec yil me oy jech tspasic jech chac c'u cha'al chapasique.

Jeremías 2:10 Iomraidhean Croise

Génesis 25:13

Ti c'u s'elan xcholet laj voq'uicuc talele, jech c'u cha'al li'e: ti Nebaiote ti ja' sbanquilal nich'onile. Tal no'ox xtoc un ti Cedare, ti Adbeele, ti Mibsame,

1 Reyes 9:9

Va'i un, xi ta xtac'batic sutel ti sc'opique: ‘Le'e, ja' ta scoj ti laj sten ta yo'ntonic ti Ajvalil Dios yu'unique, ja' ti Buch'u laj sloq'ues talel ti smolmuc'totic ta Egiptoe. C'ot ta yo'ntonic ti lec laj ya'iic ti laj yac' sbaic ta tunel ta snijanel sbaic ta stojol ti yan diosetique, ja' ta scoj ti tac'batic talel ta stojolic muc' ta vocol yu'un ti Diose.’ ”

1 Crónicas 1:7

Xnich'nab ti Javane, xi s'elan lic ayanuque: ti Elisae, ti Tarsise, ti Quitime, xchi'uc ti Rodanime.

1 Crónicas 23:1

C'alal molibem xa ti Davide, ti oy xa sjabilal ti xch'iel sc'opojele, ti Salomón ti ja' xnich'one, lic stic' ta ajvalilal yu'un ti Israele.

1 Crónicas 23:12

Xnich'nab ti Coate, ja' oy chanibic ti xi s'elan oye: ti Amrame, ti Izhare, ti Hebrone, xchi'uc ti Uziele.

Salmos 120:5

Mu xa ono'ox cha'bel un, co'ol j'elan jyanlumun li' nacalun ta Meseque, ti capalun ta naclej xchi'uc ti Cedar jnaclejetique.

Isaías 21:16

Yu'un xi laj yalbun ti Diose: “Li' ta jun jabile, mu stselbuj jech c'u cha'al jun abtel ti xchapanoj lec c'u sjalil ta xc'ot ta pajel ti yabtele, jech tub xa ox scotol yutsil slequilal ti Cedare.

Isaías 23:1

Xi ta xcaj'albat sc'oplal ta scontrainel ti lum Tiroe: Xme'inal oq'uic xa ma' ti jxanviletic ta barco yu'un ti Tarsise, yu'un lilij xa ti bu xloc' x'och ti barcoe. Mu'yuc xa c'usi x'ayan laj staic ta loq'uebal ochebal yu'un barco ti sutic talel ta Chipre banomile.

Isaías 23:12

Xi laj yalbe ti Sidone: “Ilbajinbil tseb, ic'tao xa aba ta sc'upinel ti c'usitic jeche' no'ox ta xbat o'ntonal yu'une. Ac'o mi xana' c'usi xavut aba ta xajelav ech'el ta Chipree, mi ja'uc ta xata jun avo'nton ta xacuxi ti bu taje.”

Jeremías 49:28

Xi ta xal Dios ti laj yalbe sc'oplal ti jvoc' nitilulil ta Cedare, xchi'uc ti banquilaletic yu'un Azor ti tsalatic yu'un Nabucodonosor ajvalil yu'un ti Babiloniae: “Mu me xavicta abaic, tsaquic ta c'op ya'i ti Cedare. Tubic sc'oplal ti jvoc' nitilul ti oyic ta stuq'uil sloq'ueb c'ac'ale.

Ezequiel 16:16

Laj ameltsan snail c'opojebaletic ta jujun stselej ta ac'u'tac no'ox, lic abolomalin aba xchi'uc.

Ezequiel 27:21

Ti yajvaltac abolomal ta smanele, xi s'elane: ti jteclum Arabiae, xchi'uc scotol ti banquilaletic yu'un Cedare. Naca ta ch'iom chij, ta muc'tiquil chij, xchi'uc ta tentsunetic ta sjelic xchi'uc ti abolomale.

Ezequiel 27:6

Laj smeltsanic ta c'an tulan liquem talel ta Basán ti sbec'obil vo' avu'une. Naca ta pech-pech oq'uil te' laj smeltsanic liquem talel ta ti'il nab yu'un ti Chipre ti smacobil apate, ti pac'bil lec ta jayal tsatsal saquil bax-tone.

Ezequiel 5:7

Jech o xal ti vu'un Diosune xichi ta xcale: Jelav ta j'ech'el ti atoyobbailique, ja' mu sta ti jteclumetic joyol ta apat axoconique. Mu'yuc xc'ot ta pasel avu'unic ti jmantaltaque. Mi ja'uc c'ot ta pasel avu'unic ti c'usi jbel tsots albil yu'unic ti jteclumetic joyol ta apat ta axoconique.

Daniel 11:18

Ts'acal to xtoc un, ta xlic stsac ta leto ti jteclumetic ti oy ta sti'il nabe. Ep xtoc ti ta x'och ta yoc ta sc'obe. Ja' no'ox un, oy jun banquilal jvolvanej yu'un soldadoetic ti ta xlic stubbe sc'oplal ti q'uexlal sba ti va'i s'elan snopoje, ti yaloj ox ti ja' q'uexlal apun ta xc'ot yu'un ti ajvalil ti oy ta yolon ti yolon xocon sloq'ueb c'ac'ale.

Daniel 11:30

Yu'un ti yajsoldadotaque, tsacbil ta xc'ot ta leto yu'un jvoc' soldadoetic ti cuchbilic talel ta barco ti liquemic talel ta smaleb c'ac'ale. Ti jech u'ninatic xa yu'un ti xi'ele, tey xvoletic batel ta sten sbaic loq'uel, ta xbatic. Jech ti ajvalil ti liquem talel ta yolon ti yolon xocon sloq'ueb c'ac'ale, ta xlic sloq'ues ti sc'ac'al yo'nton ta scontrainel ti ch'ul tratee. Ja' ta xlic sco'oltas yo'nton xchi'uc ti buch'utic mu sc'an xac' sbaic ta tunel ta sventa ti ch'ul tratee.

Números 24:24

Yu'un ta Chipre, ta xvul ta loq'uel barcoetic ti ta x'ech' slilinic ti Asiriae xchi'uc ti Hebere. Yu'un ti Heber xtoque ts'ij xi sc'oplal ta j'ech'el.”

1 Corintios 5:1

Oy bu vinajem ac'oplalic ti oy jun vinic ta atojolic ti yic'oj ti xcha'me'e. Ti jech taje, toj ech'em tsots mulil, ti mu ja'uc tey no'ox sq'uelojic ti buch'utic mu xojtiquinic ti Diose.

Jueces 19:30

Scotol ti buch'u ta xilique, xi ta xalique: —Mu'yuc xquiltic o ti jech chc'ot ta pasel ti c'u xa sjalil sloq'uelic talel ta Egipto ti israeletique. Sc'an nopel lec c'usi sc'an pasel xchi'uc le'e, capaluc sc'an ti mu teyuc no'ox jq'ueloj jbatic yu'une.