Jeremías 19:4 - Bible in Tzotzil de Chamula

⁴ Ti israeletique laj sjip laj stenicun comel. Yan o xa ta q'uelel yu'unic ti banomil li'e. Lic xchic'beic pom ti yan diosetic ti mu xojtiquinic jutebuque. Mi ja'uc yojtiquinojic ti stot sme'ic ta vo'nee, mi ja'uc ti ajvaliletic yu'un ti Judae. Buyuc no'ox laj smalbeic xch'ich'el ti buch'u jeche' muts'ul sba sat laj yich'ic milele.

Bible in Tzotzil de Chenalhó with Deuterocanon

⁴ Yu'un li israeletique solel la syanijesic li banamil li'i. Li' la xchic'beic pom li yantic diosetic ti mu xotquinique, xchi'uc ti mu ono'ox xotquinic ec li smoltot syame'ique. Jech noxtoc li ajvaliletic ta Judae la snojesic ta xch'ich'al li boch'otic mu'yuc smulique.

Jeremías 19:4 Iomraidhean Croise

2 Reyes 21:16

Ta scoj ti chopol ono'ox ti Manasese laj sta smul yu'un ti Judae, mu lecuc laj yil ta sba ta sat Dios ti yabtele. Ma'uc no'ox taje, laj to yac'be ech'el xchi'il un, laj yac'anan ta milel ta Jerusalén ti buch'u mu'yuc smulique, ti buyuc no'ox malem ti ch'ich' ta jujujot yu'une.

2 Reyes 23:10

Ti Josiase laj stubbe sc'oplal ti chic'obbail ti oy ta stenlej yu'un ti Ben-hinome yo' jech mi ja'uc xa junuc ti oy buch'u ta xchic'be ta smoton Moloc ti yalab xnich'nabique.

2 Reyes 24:4

ta scoj xtoc ti laj smalbe xch'ich'el ti buch'u mu'yuc smulique, ti mal yu'un ta sjunul ti Jerusalene. Jech o xal mu'yuc xa xch'aybat smul scolo' yu'un ti Diose.

Salmos 106:38

Ta jech yepal, muts'ul sba satic ti buch'u laj smalbeic ti xch'ich'ele, xch'ich'el ti squerem stsebique, laj yac'beic smotonin ti diosetic oy ta Canaane. Balom ch'ich' com yu'unic ti banomil ta xch'ich'elic une.

Isaías 59:7

Yacanilaluc xa yu'un ti buyuc no'ox xyal xmuy ta spasel ti chopole. Mu xc'opoj xyal yu'un ta smalbel xch'ich'el ti buch'u ch'abal smule. Xojol ta sjol ti naca milvanej batem ta yo'ntone. Ja' to xlaet ta xa'i mi j'ech'el tsutsesvane, mi stuc xa na pochol com yu'une.

Isaías 65:11

“Ja'uc ti vo'oxuc ti ta xach'ac abaic ta stojol ti Diose, ti ta xavalopatinic comel ti ch'ul vits cu'une, ti ta xavac'beic ve'lil xchi'uc vino ti Gade, ti Menie, diosetic yu'un ti lec oraile,

Jeremías 1:16

Ta scoj taje, chapalun ta yac'bel ya'i stojic ti jsa'muliletic ti laj svalopatinicun comele, ti laj yich'ic ta muc' ta xchic'bel pom ti jyanlum diosetic ti laj sloc'taic ta meltsanel ti stuquique.

Jeremías 11:13

Yu'un yajdiostac ti Judae, co'ol yepal jech c'u cha'al yepal ti jteclumetic yu'une. Ti jnaclejetic yu'un ti Jerusalén eque, mu xa ono'ox albajuc yepal ti altaretic yu'unic yo' ta xchic'beic pom ti dios Baale, ti co'ol yepal jech c'u cha'al oy ti calleetic yu'un ti jteclume.

Jeremías 15:6

Laj avalopatinun, laj atenun comel. Ti vu'un Diosune, mu lo'iluc no'ox ta xcal. Jech o xal un, laj jyales c'oc jc'ob ta stsitselot yo' ta xajtsutses ta j'ech'el, yu'un laj xa ti sts'iquemal xcuchemal cu'une.

Jeremías 16:11

Xi xatac'be une: ‘Ti Diose xi ta xal ta jamale: Ti jech taje, ti atot ame'ic ta vo'nee, laj yictaicun comel. Bat sts'acliic yan diosetic ta snijanel xchimanel sbaic ta yich'el ta muc'. Laj stenicun comel ti vu'une. Laj svalopatinic ti chanubtasel laj cac'beique.

Jeremías 17:13

Cajval, vo'ot spatobil yo'nton ti Israele. Scotol ti buch'u ta stenot sjipot comele, nijil chimil ta xc'ot ta q'uexlal. Scotol ti buch'u ta xnamaj ta atojole, ta sac ch'ay batel jech c'u cha'al junuc biil ti ts'ibabil ta pucuque, ta scoj ti laj stenot comel c'alal vo'ot ti sat vo' ti siquet no'ox ta uch'ele.

Jeremías 17:20

Xi xalbe ya'i ti jnaclejetique: ‘Ajvaliletic, scotol ti jnaclejetic yu'un ti Judae, scotol ti jnaclejetic yu'un ti jteclum Jerusalén ti ta xa'ochic talel ta ti'naetic li'e, a'yio ava'iic sc'opojel ti Diose.

Jeremías 18:15

Ja'uc ti jteclumal une laj xa xch'ayun ta yo'nton. C'ajomal xa no'ox ta xchic'beic matanal pom ti loc'obbailetic ti ma'uc Diose. Ch'ayic xa ti bu stamojic batele, laj xa yictaic comel ti vo'neal bee. St'unojic batel jun be ti mu sna'ic bu ta xbate.

Jeremías 2:13

“Yu'un ti jteclumale, cha'tos ti xi laj stsob sba ti smule: laj svalopatin comel ti cuxul sat vo' yu'une, lic sjoc' yaviltac ya'al stuquic ti mu sts'an vo' yu'un ti joq'uetic ta scoj ti chajal ti yute.

Jeremías 2:17

Jech laj ata un ta scoj ti laj avalopatinun comele, c'alal vu'unun ti Ajvalil Dios avu'une, ti ta jtojobtasot batel ta stamel ti bee.

Jeremías 2:19

Ta scoj no'ox achopolal ta xata tsitsel yu'un, ta scoj ti mu junuc avo'ntone, ta xatoj un. Ts'ijlan ta snopel ava'i, ta xlic avil un ti mu xnel x'ech' ti vocol ta scoj laj avictaun comele, ti mu'yuc laj avich'un ta muq'ue c'alal vu'un ti Ajvalil Dios avu'une. Diosun ti scotol xu' cu'une, mu stselbuj ma' ti jc'op une.

Jeremías 2:30

Mu'yuc xtojobic ti avalab anich'nabic ti laj jtsitsique, mi jutebuc c'ot ta yo'ntonic un. Ti vo'oxuc eque, co'ol a'elanic jech c'u cha'al jti'oval león. Laj amilic ti j'alc'opetic avu'unique.

Jeremías 2:34

Ti ac'u'e, bonol ta xch'ich'el me'un mu'nat, xchi'uc ti buch'u ch'abal smule, ti ma'uc ta xch'ich'el ti buch'u yacal ta elec' laj atae.

Jeremías 22:17

“Le' une, ma'uc ta achic' ta ava'lel ti avac'ojbe yipal ta stael ti c'usitic ta xtun avu'une. Muts'ul sba sat laj avac' ta milel ti buch'u ch'abal smule. Laj avilbe svocol ti smeyoj yoc sc'ob ta xcom avu'un ti ateclumale.”

Jeremías 22:3

Li' ti bu nacaloxuque, liquesic ta yabtelanel ti pojele, ti c'usi lec ta pasele. Tic'o abaic ta spojel ti buch'u ilbajinbilic yu'un ti j'ilbajinvaneje. Mu xavilbajinic ti nijil ta xcom ta q'uexlal avu'unic ti jyanlumetique, ti buch'u mu'yuc buch'u x'ayan yu'unique, xchi'uc ti me'unal antsetique. Mu xamilic ti buch'u jeche' cuch c'op no'ox ta stae.

Jeremías 26:15

Ti xcaltic le' une, sc'an xana'ic jech li'e: Mi ta xamilicune, oy me amulic ta xc'ot xchi'uc ti jnaclejetic ta jteclum li'e, ti c'alal jeche' no'ox muts'ul sat ti buch'u ta xich' milele. Yu'un melel, ja' Dios laj stacun talel ta scaj'alel ta jamal scotol ti va'i s'elan taje.”

Jeremías 26:23

Taje, ta Egipto to, laj staic talel ti Uriase, ti vul yaq'uic ta yoc ta sc'ob ti ajvalil Joacime, ti laj yal mantal ti ac'o yich' milele, ti ac'o ba smucbeic sbec'tal stacopal ti bu oy smuquinalic ti mu'yuc stu ech'ique.

Jeremías 44:3

Mu xa junuc buch'u nacal un ta scoj ti jelav ti smul scolo'ic une. Laj soquesbeicun co'nton ti nijil chimilic ta yich'el ta muc' yan diosetic ta yac'bel ti matanal pome, diosetic ti ma'uc c'otem ta sventaic ta yich'el ta muq'ue, mi ja'uc ti stot sme'ic ta vo'nee.

Jeremías 5:6

Jech o xal un, ta xloc' talel leónetic ta muc'tiquil vitsetic ti ta xmilatic yu'une. Ta xloc' talel oq'uiletic ta sbajtical banomil ti ta xlilinatic ta ti'el yu'une. Ti ta slumalique, buyuc no'ox ch'ambil ta be ta xc'ot yu'un ti jchop o ta bolometique. J'ech'el ta stsutsesatic mi loc' xa ono'ox talele, ta scoj ti mu albajuc ti smulique, ti mu albajuc c'usi loc' ta sa'el yu'unique.

Jeremías 7:6

mi ta xapajes abaic ta yilbajinel ti jyanlumetique, ti me'unetique, ti me'unal antsetique, ti mu xamilic ta jeche' ti buch'u muts'ul sat ti ta xlaj avu'unic ti jnaclejetic li'e, mi ta xapajes abaic ta yich'el ta muc' ti yan diosetic ti ja' no'ox ta xata o avocolic yu'une,

Jeremías 7:9

Yu'un ta xa'elc'ajic, ta xamilvanic, ta xasa' amulic, naca yeilal no'ox ta xjelav avu'unic ti ta xava'an abaic ta rexticoe. Ta xavac'beic chic'bil pom ti Baale. Ta xanijan abaic ta yich'el ta muc' diosetic ti ma'uc aventaique.

Lamentaciones 4:13

Scotol taje, scoj smulic ti j'alc'opetique, ti paleetic ti mu albajuc chopol c'usitic laj spasique. Ta yutil jteclum laj smalbeic xch'ich'el ti buch'u jeche' muts'ul sba sat laj smilique.

Ezequiel 20:26

Ch'an xa no'ox xcutic ta soquesel sbaic ta yich'el batel smoton ti loc'tabil diosetique, ta yac'bel svocol xchiq'uel ta c'oc' ti sbanquilal queremique. Yich'uc xi'el ya'iic ma' ti jech laj jpas taj une, sna'icuc ti vu'un Diosune.’

Ezequiel 7:22

Ta jq'uej jba loq'uel ta jteclum li'e. Ta xcac' que jti' ac'o soquesic ti jch'ulna ti batem co'nton yu'une. Ta xtal j'eleq'uetic ta soquesel.

Ezequiel 8:11

Tey oyic laj quil xtoc lajuneb xchanvinic (70) ta vo' ti moletic yu'unic ti israeletique. Ti c'u yepalic taje, tey capal ec ti Jaazanías ti ja' xnich'on ti Safane, ti ta snijan xchiman sbaic ta yich'el ta muc' ti loc'obbailetic taje. Scotolic taje stsacojanic jujun yav yac'alic ti co'ol s'elan lumal toc ti xtomet no'ox ta xmuy ti xch'ailal ti pome.

Daniel 11:31

“Jech ti yajsoldadotaque ta xlic soquesic ti ch'ulnae xchi'uc ti nac'obbailetique. Yu'un ta xlic spajes ti milbil matanal ti ta xich' aq'uel jujun c'ac'ale. Jech xtoc ta xlic spasic ti c'usi spajebal xa no'ox ta xac' ib-o'nton ta q'uelele.

San Lucas 11:50

Ti jnaclejetic avi tana li'e, ta x'ich'bat yeic yu'un Dios ta sventa ti lajic ta milel ti j'alc'opetique, ti lic ono'ox talel ta sliquebal banomile.

Deuteronomio 13:13

viniquetic ti stoyoj sbaic ta stojol ti Diose, ti ta soquesan ti jnaclejetic ta lum taje, ti ta sujvan ta snijanel xchimanel bail ta yich'el ta muc' diosetic ti mu'yuc xavilic oe.

Deuteronomio 13:6

“Ja'uc le' une, oy bu ma' ti ta xc'ot ta pasel ja' achi'il ta voq'uele, mi aquerem nich'on, mi atseb, mi ac'uxubinbil ajnil, mi ja' ti buch'u spajem lec xavil abaic xchi'uque, ta mucul ta sc'an ta syanijes ajol yo' jech ta xanijan xachiman abaic ta yich'el ta muc' yan diosetic ti mu ja'uc xavojtiquinique, mi ja'uc laj yojtiquinic ti atot ame'ic ti laj ech'icuc ta vo'nee,

Deuteronomio 28:20

“Yu'un ti Diose ta stacbot talel bac vocol ti naca xa no'ox vocol ti mu xa xava'i aba lec xchi'uc ta scotol ti c'usi ta xapase, ti mu ta sjaliluc ta xac'ot ta soquel ta tsutsel yu'un ta scoj ti laj ach'ac aba ta stojol ta yac'bel yipal ta spasel ti c'usi mu lecuc ta pasele.

Deuteronomio 28:36

“Yu'un ti Diose ta stenot ech'el xchi'uc ti ajvalil avu'une, ta yan muc' ta lum ti mu ja'uc jutebuc xavojtiquine, mi ja'uc laj yojtiquinic ti atot ame'ique. Ti bu taje, ta xlic anijan achiman abaic ta yich'el ta muc' ti diosetic ti meltsanbil ta te'e, ti meltsanbil ta tone.

Deuteronomio 28:64

Yu'un ti Diose, tan puc ta xabat yu'un ta jujun muc'tiquil lumetic ta jujujot to xocon ti banomile, ti ta xlic anijan achiman abaic ta yich'el ta muc' ti yan diosetic ti meltsanbil ta te'e, ti meltsanbil ta ton ti bu taje, ti mu ja'uc jutebuc laj avojtiquine, ti mu ja'uc laj yojtiquinic ti amolmuc'totic ti laj ech'icuc ta vo'nee.

Apocalipsis 16:6

Yu'un ti stuquique laj smalbeic xch'ich'el ti buch'utic t'ujbil avu'une, xchi'uc ti j'alc'opetic c'opojic ta aventae. Xtunic o avi tana le'e ti jech ta xavac'be yuch'ic ti ch'ich'e.”

Jueces 5:8

“C'alal xyaquet ti leto ta sti'tac ti jteclume, mu ta vocoluc ti oy buch'u laj sa' yan sdiosique. Ja'uc le' une, mu xvinaj mi junuc macobbail, mi junuc lanza ta stojol ti cha'vinic ta mil (40,000) ti israeletique.