Jeremías 19:3 - Bible in Tzotzil de Chamula

³ Xi xavale: ‘Ajvaliletic yu'un ti Judae, jnaclejetic yu'un ti Jerusalene, ts'etano ani' achiquinic ta ya'yiel ti xi ta xal ti Ajvalil ti scotol xu' yu'une, Dios yu'un ti Israele: Ta jtac talel muc'ul cuxul j'ilbajinvanej li'e. Ta xtub yiq'uic yu'un xi'el scotol ti buch'u ta xa'iique.

Bible in Tzotzil de Chenalhó with Deuterocanon

³ Jech xavalbe: ‘Ajvaliletic ta Judá, jnaclumetic ta Jerusalén, a'yo ava'yic c'usi chal li Muc'ul Dios ti tspas ta mantal scotol te ta vinajele, ja' li Dios yu'un Israele, jech chal: Ta jtac tal tsots vocol li' ta banamile; scotol li boch'o cha'yic c'usi tsots chc'ot ta pasele, tojtoj maquel chc'ot xchiquinic.

Jeremías 19:3 Iomraidhean Croise

Salmos 102:15

Scotol ti muc'tiquil lume, xchi'uc ti ajvaliletic ta banomile, xi'bil, ich'bil ta muc' ta xc'ot yu'unic yutsilal slequilal ti Diose.

Salmos 110:5

Va'al ta sts'el abats'i c'ob ma' ti Diose; ti sc'ac'alil ta xlic ti sc'ac'al yo'ntone, ta stubbe sc'oplal ma' ti ajvaliletique.

Salmos 2:10

A'yibeic xchiquinal ava'iic li'e, banquilal ajvaliletic, its'inal ajvaliletic ti aventainojic ti banomile, tuc'ulanic ta spasel ti va'i s'elan ta xich' alel li'e:

Isaías 28:19

Ta xa sbec'oxuc batel ti jujuten ta xvul ta atojolique. Ta yoc'omal no'ox, ta c'ac'al ac'ubal, ta xvul ta loq'uel. Naca no'ox ta xava'ibeic ti sc'oplalique, xanic xa ta xi'el yu'un.

Jeremías 13:18

Xi laj yalbun ti Diose: “Xi xavalbe ya'i ti ajvalile, xchi'uc ti me' ajvalile: ‘Ictaic comel ti chotoloxuc ta lequil chotlebale, chotlanic ta lumtic. Ti xach'aletic to ox yu'un ti sronail ajolic alapojique, baj xa ta lumtic un.’

Jeremías 17:20

Xi xalbe ya'i ti jnaclejetique: ‘Ajvaliletic, scotol ti jnaclejetic yu'un ti Judae, scotol ti jnaclejetic yu'un ti jteclum Jerusalén ti ta xa'ochic talel ta ti'naetic li'e, a'yio ava'iic sc'opojel ti Diose.

Jeremías 18:11

“Albo ya'i un cha'e ti yajval lum Judae, xchi'uc ti jnaclejetic yu'un ti jteclum Jerusalene, ti xi ta xcal ti vu'un Diosune: ‘Yacalun ta xchapanel ti c'usi ta xava'iic cu'une. Yacalun ta snopel ti ta xajtsitsoxuque. Comtsanic xa ti bu chopol atamojic batele. Tuq'uibuc ta q'uelel ti atalelique, ti c'usitic ta xapasique.’

Jeremías 19:15

“Ti Ajvalil ti scotol xu' yu'une, Dios yu'un ti Israele, xi ta xale: ‘Ta jtac talel stsitselic ti jteclum li'e, xchi'uc scotol ti jteclumetic joyol ta spat ta xocone, jech c'u cha'al laj calboxuc ava'iic ti sc'oplale, yu'un pucujibemic xa ta j'ech'el, ti mu xa xc'ot ta ch'unel yu'unic ti jc'ope.’ ”

Jeremías 25:29

Ta jliques ya'i ma' ti tsitsel ta stojol ti jteclum c'otem ta cu'une. ¿Mi yu'un ta la xanopic ti mu'yuc ta xavich'ic ti tsitsele? Laj to c'op ma' ti q'uelbil ta xacomic une. Ta jtac talel leto ta stojolic scotol ti jnaclejetic ta banomile. Ti vu'un Diosun ti scotol xu' cu'une, mu lo'iluc no'ox ta xcal.

Jeremías 35:17

Jech o xal ti vu'un Ajvalilun ti scotol xu' cu'une, Diosun yu'un ti Israele, xi ta xcale: Ti cuxul j'ilbajinvanej vocol ti laj calboxuc ava'iic sc'oplale, lamal ta xc'ot ta sbaic ti jnaclejetic ta Judae, ti ta Jerusalene. Lic'opoj ta atojolic, mi ja'uc laj avac'beicun ta venta. Ma'uc no'ox ac'oplalic ta xava'iic ti ic'biloxuc cu'une.’ ”

Jeremías 44:3

Mu xa junuc buch'u nacal un ta scoj ti jelav ti smul scolo'ic une. Laj soquesbeicun co'nton ti nijil chimilic ta yich'el ta muc' yan diosetic ta yac'bel ti matanal pome, diosetic ti ma'uc c'otem ta sventaic ta yich'el ta muq'ue, mi ja'uc ti stot sme'ic ta vo'nee.

Jeremías 6:19

Banomil, a'yio ava'i ti xi ta xcale: Ti jteclum li'e, ta jtacbe talel svocol ta scoj ti bat yo'nton ta spasel ti chopole, yu'un mu'yuc laj yac'beicun ta venta ti jc'ope. C'ajomal no'ox bajbil c'ot yu'unic ti chanubtasel cu'une.

Ezequiel 7:5

“Xichi ta xcal ti vu'un Diosune: A'yio ava'i, ta xa xvul ta loq'uel ti lajel tsutsele.

San Mateo 10:18

Ta jventa, ta xa'iq'ueic batel ta stojol ti ajvaliletique xchi'uc ti banquilal ajvaliletique. C'alal oyoxuc ta stojole xchi'uc ta stojol ti buch'u yan yajvalique, ja' to xu' ta xavalic ti jc'oplale.

Apocalipsis 2:29

Ti buch'u oy xchiquine, ac'o ya'i lec ti va'i s'elan ta xal ti Ch'ul Espíritu ta stojol ti jch'unolajeletique.”

1 Samuel 3:11

Xi albat yu'un ti Diose: —Oy c'usi ta xlic jpas ta stojol ti Israele, ti ta xc'uxub xchiquin scotolic ti buch'u ta xa'iique.