Jeremías 19:2 - Bible in Tzotzil de Chamula

² Batan ta stenlejal yu'un ti Ben-hinome, ti oy ta stuq'uil ti sbiinoj ti'na Tiestose. Ta xavalbe ya'iic ti c'u s'elan ta xcac'bot ana'e.

Bible in Tzotzil de Chenalhó with Deuterocanon

² Loc'an batel, batan te ta stenlejal Ben-hinom ta stuq'uil ti'coralton sventa xch'ayubil li c'usitic chvoq'ue; ja' te xlic aval li c'usi chacalbote.

Jeremías 19:2 Iomraidhean Croise

2 Reyes 23:10

Ti Josiase laj stubbe sc'oplal ti chic'obbail ti oy ta stenlej yu'un ti Ben-hinome yo' jech mi ja'uc xa junuc ti oy buch'u ta xchic'be ta smoton Moloc ti yalab xnich'nabique.

2 Crónicas 28:3

Laj xchic' pom ta stenlejal yosilal Ben-hinom. C'ot ta pasel yu'un ti laj xchic' ta matanal ti xnich'nabe jech c'u cha'al ta spasic ti yan muc'tiquil jteclumetic ti tenbil loq'uic ta sba ta sat israeletic yu'un ti Diose.

2 Crónicas 33:6

Ma'uc no'ox taj une, laj yac' ta chiq'uel xnich'nab ta sventa matanal ta stenlejal yu'un Ben-himone. Lic xchan sc'oponel sti'inel ti ch'ulelale, ta xchanel sc'oplal ti jt'unvaneje, ta xchanel sc'oponel sti'inel ti pucuje. Laj yac' ye sti' ti ayanuc ti jt'unvanejetique, ti j'ac'-chameletique. Ech'em no'ox chopol ta j'ech'el ti c'usitic laj spas ta sba ta sat ti Diose, ti c'ot ta pasel ti lic ilinuc ti Dios yu'une.

Nehemías 3:29

Ti xjelav batele, laj stuq'uibtasic ta smeltsanel ti Sadoc xnich'on ti Imere, ti moc ti oy ta yelov snaique. Ti jtuch' xjelav batele, laj stuq'uibtas ta smeltsanel ec ti Semaías xnich'on ti Secaniase, ti jchabiej ti'na ti oy ta yelov sloq'ueb c'ac'ale.

Jeremías 1:7

Ti Diose xi laj stac'bune: “Mu xaval jech ti jch'iel to ta xava'i abae. Batan no'ox ava'i ti bu ta jtacot batele. Alo no'ox batel ti c'u s'elan ta xcale.

Jeremías 11:6

Va'i un, ti Diose xi laj yalbune: “Ti c'op li'e, puco batel ta jteclumetic yu'un ti Judae xchi'uc ta calleetic yu'un ti Jerusalene. Xi xavalbe ya'i ti jnaclejetique: ‘Chiquintao ava'i lec ti c'u s'elan ta xal jujubel ti trate li'e. C'otuc ta pasel avu'unic un.

Jeremías 18:2

“Yalan batel ta sna ti jpotobe, ti bu taje ta xcalbot ava'i ti lo'il a'yej ti oy ta co'ntone.”

Jeremías 26:2

“Ba va'ano aba ta yamaq'uil ti ch'ulnae. Scotol ti c'u s'elan laj calbote, albo ya'i scotol ti jnaclejetic ta xliquic talel ta jteclumetic yu'un Judá ti ta xtalic snijan xchiman sbaic li' ta ch'ulnae. Ma'uc me ti avo'nton no'ox sna'e.

Jeremías 3:12

Batan, xi xc'ot avalbe ya'i ti lo'il a'yej jech c'u cha'al li'e, ti xi aq'ueloj batel ta stuq'uil ti yolon ti yolon xocon sloq'ueb c'ac'ale: ‘Ti Diose xi ta xale: Sutan talel ta jtojol, toyobba Israel. Mu xanop ti yanijem jol co'nton mi ta xasut talel ta jtojole. Mu xanop ti ilinemun ta j'ech'ele. Yu'un oy yutsil slequil co'nton. Yu'un vu'un ti Diosune, mu stselbuj ti jc'ope.

Jeremías 32:35

Laj sva'anic altaretic xtoc ta sventa Baal ta stenlejal ti Ben-hinome, yo' ta xchic' squerem stsebic ti ta xich' milel ta sventa smoton ti Moloque. Taje, ta sta smul yu'unic ti Judae, ti jelavem xchopolal ta xquil ti mu'yuc calojbeic ya'iique, ti mi ja'uc jutebuc jnopoje.

Jeremías 7:2

“Bat va'ano aba ta ochebal ti' ch'ulna yu'un ti Diose, xi xavac' ta na'el ti c'op li'e: Jnaclejetic yu'un scotol Judá ti ta xa'ochic talel ta ti'naetic ta yich'el ta muc' ti Diose, ts'et chiquintaic ava'iic ti c'op li'e:

Jonás 3:2

“Lican, va'lan, batan ti ta muc' ta jteclum Nínivee. Albo ya'iic ti c'u s'elan ta xcalbot ava'ie.”

San Mateo 10:27

Scotol ti c'usi ta xcalboxuc mu xvinaj lec ti smelol avie, alic ti c'alal ta xlic ava'iic ti smelole. Ti c'usi laj ava'iique, avananic ta sjol anaic yo' ta xa'iic ti buch'uuc no'oxe.

Hechos 20:27

yu'un laj calboxuc ava'iic c'u s'elan snopoj ti Dios ta atojolique, ti mu'yuc laj jmuc jutebuque.

Hechos 5:20

—Loc'an batel, batanic ta muc' ta ch'ulna. Ba albeic ya'i ti jnaclejetic ta banomil sc'oplal ti ach' cuxlejale.

Josué 15:8

Ta x'ech' batel xtoc ta stenlej yu'un Ben-hinom ti oy ta stuq'uil yolon ti yac'ol xocon sloq'ueb c'ac'al yu'un ti stselej Jebuse, ti lec xcaltique, ja' ti Jerusalene. Tey ta xmuy ech'el ta muc' ta vits ti oy ta stuq'uil smaleb c'ac'al yu'un ti stenlej Hinome ti oy ta stuq'uil yolon ti yolon xocon sloq'ueb c'ac'al yu'un ti stenlej Refaime.