Jeremías 19:1 - Bible in Tzotzil de Chamula

¹ Ti Diose xi laj yalbune: “Ba mano talel jbejuc q'uib. Ic'o talel jun chibuc ti banquilaletic yu'un ti jteclume, xchi'uc jun chibuc paleetic ti vulemic xa xch'ulelique.

Bible in Tzotzil de Chenalhó with Deuterocanon

¹ Li Muc'ul Diose jech laj yalbun: “Bat mano jbejuc biq'uit q'uib; ic'o batel achi'in jayibuc banquilaletic ta lum xchi'uc banquilal paleetic.

Jeremías 19:1 Iomraidhean Croise

2 Reyes 19:2

Laj stac ech'el ta stojol Isaías ti Eliaquim ti yich'oj ta sventa ti chapanobbaile, ti Sebna ti sbainoj ta sts'ibael ti c'usitic ta xc'ot ta pasele, xchi'uc ti paleetic ti bu vulem xa lec xch'ulique. Jatantic xa laj slapic ech'el ti sc'u'ic svinajeb ti mu x'ech' xjelav ta xa'iic ti svocolique. Bat sc'oponic ti j'alc'op Isaías xnich'on ti Amose.

Isaías 30:14

Ta xavich'ic lilinel ta j'ech'el jech c'u cha'al junuc jarru bin ta xlilij, ti mu'yuc xa ta xcom ti sjepelule. Mi ja'uc xa jutebuc ta xtun xet'elul ti ta sloq'uesobil ac'al ta yavil ti c'oq'ue, mi ja'uc ti ta xtun ta pulobil vo' ta joq'ue.”

Jeremías 13:1

Ti Diose xi laj yalbune: “Batan, ba mano jlicuc chuquil ti meltsanbil ta lino noe. Chuquino xtoc un, ja' no'ox un ti mu xt'uxij avu'un ta vo'e.”

Jeremías 26:17

Oy jun chib moletic ti xi laj sva'an sbaic ta yalel ta stojol ti jteclum ti bu tsobolic taje:

Jeremías 32:14

‘Ti Ajvalil ti scotol xu' yu'une, Dios yu'un ti Israele, xi ta xale: Tsaco, ich'o xcha'lical svunal ti trate ti jlic ti yich'oj ti seyoe, xchi'uc ti jlic mu'yuc yich'oj ti seyoe. Tic'o ochel ta jbej bin yo' ta xjalij ta q'uejel.

Lamentaciones 4:2

Ti jnaclejetic yu'un Sión ti cajal to ox sc'oplalique, ti c'otem to ox sc'oplalic jech c'u cha'al ti oroe, co'ol s'elan ta x'ilatic jech c'u cha'al lumal bin meltsanbil yu'un ti jpotobe.

Ezequiel 4:1

“Yojtot, sa'o jbejuc xamit. Pechano ta ats'el. Loc'tao sloc'obbail jteclum Jerusalén ta sba.

Ezequiel 5:1

Ti Diose xi laj yalbune: “Tana li' une, yojtot, sa'o junuc cuchilu ti lec va'iem yee, co'oluc s'elan ye jech c'u cha'al ti juxob isimale. Ch'ulo ta loq'uel ti stsatsal ajole xchi'uc ti avisime. Sa'o junuc sbisobil ti c'u yalal ta xloq'ue, paso ta oxch'ac un ti stsotsil ajole.

Ezequiel 9:6

Ta sti' jch'ulna, ta xaliques ta smilel ya'iic ti moletique, ti querem viniquetique, ti tojol tsebetique, ti ololetique, xchi'uc ti antsetique, ja' to ti c'uxi sts'ijlajan ta xcome. Ja'uc ti buch'utic yich'ojic senyailic ti oyic ta sliquebal sti' jch'ulnae, ch'an utic.” Jech ti viniquetic une laj sliquesic ta smilel ti moletique, ti queremetic ti oyic ta ch'ulnae.

Números 11:16

Va'i un, xi tac'bat yu'un ti Diose: —Tsobo talel ti lajuneb xchanvinic (70) ta vo' moletic yu'unic ti israeletique, ti buch'utic xana' ti yich'oj tsots yabtelic ta stojol ti jteclume. Ic'o batel ta Axibalna ti bu nupel ta bee. Xamalavanic xchi'uc.

San Mateo 26:3

Ti jech yorail taje, ti banquilal paleetique xchi'uc ti moletic yu'un ti Israele laj stsob sbaic ta yamaq'uil sna ti Caifás ti banquilal yu'un ti paleetique.

San Mateo 27:1

C'alal sacub xa ti osile, ti banquilal paleetique xchi'uc ti moletic yu'un ti israeletique, laj xa scomonopic scotolic c'usi xu' ta spasic yo' ta xaq'uic ta milel ti Jesuse.

Hechos 21:11

C'alal c'ot ti bu oyuncutique, laj stsacbe xchuc ti Pabloe, ti laj xchuc yoc sc'ob xchi'uc, ti xi lic yale: —Ta xal ti Ch'ul Espiritue, jech ta xich' chuquel ti yajval chuquil ta Jerusalén jech c'u cha'al li'e, yu'un ti israeletique ta xaq'uic batel ta yoc sc'ob ti jyanlumetique.

2 Corintios 4:7

Ja'uc ti c'ulejale, oy ta jbec'tal jtacopaltic ti ja' jech s'elan c'u cha'al bin ti pasbil ta lume yo' jech ta xvinaj ti mu albajuc smucul stsatsal Dios ti ma'uc cu'un jtuctique.