Jeremías 16:3 - Bible in Tzotzil de Chamula

³ Ti vu'un Diosune ta xcalbot ava'i c'usi ta xc'ot ta stojolic ti nich'oniletic ta xvoq'uic li' ta jteclume, xchi'uc ti totil me'iletic ti oy yalab xnich'nabique.

Bible in Tzotzil de Chenalhó with Deuterocanon

³ Vu'un li Muc'ul Diosune jech chcal ta sventa li bic'tal querem tsebetic chvoc' li' ta avosilalique, xchi'uc ta sventa li totil me'iletic ch-alaj chnich'najique.

Jeremías 16:3 Iomraidhean Croise

Jeremías 15:8

X'ech' to yepal jech c'u cha'al yi'al nab ti stuc xa me'unal antsetic xcha'q'uet laj quictabeic comele. Bats'i yutsil to xchi'il sc'opojel ti queremetic vul ta stojolic ti laj yich'ic milile, ti mu ts'icbaj ta xa'i svocol ti me'iletique. Ta jech yepal vul ta stojolic cu'un ti cuxul j'ilbajinvanej vocole, ti chamebal xa xal o yu'un ti xi'elale.

Jeremías 16:2

“Mu xanupij xats'aquij yo' mu x'ayan anich'nab li' ta jteclume.

Jeremías 16:5

Xi laj yalbun ti Dios xtoque: “Mu xa'och batel ta na bu oyic ta me'inal ti oy buch'u chame. Mu xlic oc'an. Ma'uc ti utsuc xa xapat o'ntonal teye. Yu'un ti jteclum li'e, laj to ta alel ti jun yo'ntonic cu'une, ti oy xc'uxul co'nton yu'une, ti oy jyail jc'uxul ta stojole. Ti vu'un Diosune, mu stselbuj ti jc'ope.

Jeremías 16:9

Ti Ajvalilun ti scotol xu' cu'une, Diosun yu'un ti Israele, xi ta xcal ta jamale: Yu'un ti li' ta jteclume, ta jpas ta stojolic ti ts'ij xi liquel ti q'uejimoletic sventa muyubajel yu'un ti q'uine, xchi'uc ti q'uejimoletic sventa ti lecomajele. Ti va'i s'elan taje, ta xavilic ta aba ta asatic ti ta xc'ot ti c'ac'al ora avu'unique.

Jeremías 6:21

Jech o xal ti Diose xi laj yale: “Ti jteclum li'e, ta jpas ta stojolic ti lomicuc ta lum ti ta stsuculin ti yoquique. Scotolic ta xchamic, mi totiletic, mi nich'nabiletic, mi yuts' yalal sbaic, mi lec xil sbaic.”

Ezequiel 24:21

‘Xi xavalbe ya'i ti lum Israele: Ti Diose xi ta xale: Ta jsoques ti jch'ulnae, ti c'upil sba ta q'uelel ta xavilic ti mu tuch'baj ta avo'nton ta xava'iique, ti atuc xa no'ox mu'yuc buch'u xtaun ta xava'iic yu'une, ti yip avo'nton ta xava'iic yu'une. Ti avalab anich'nabic laj avictaic comel ta Jerusalene, milel xa'i xcham xlajic.