Jeremías 15:3 - Bible in Tzotzil de Chamula

³ “Ti vu'un Diosune, mu stselbuj ti xi ta xcale: Xi s'elan ta jtac talel chantos atsitselique: ta xavich'ic milel ta leto. Xajochetic ta ti'el yu'un ti ts'i'etique. Xulemetic xve' avu'unic, xchi'uc yan jti'oval chon bolometic xve' avu'unic.

Bible in Tzotzil de Chenalhó with Deuterocanon

³ “Vu'un li Muc'ul Diosune, ta jtacbeic tal chanchop vocoletic: ta xlajic ta milel ta espada, ta xlajic ta ti'el ta ts'i'etic, ta xlajic ta ti'el ta xulemetic, xchi'uc ta xlajic ta ti'el ta jti'val chonbolometic.

Jeremías 15:3 Iomraidhean Croise

Salmos 68:23

yo' ta xabal ta xch'ich'el avajcontra ti avacane, ti ta sleq'uic ti ats'i'taque.”

Isaías 18:6

Scotol jipbil tenbil ta xcomic ta vitstic ta sventa ti jti'oval mutetique, ta sventa ti te'tical chon bolome. Ti bu taje, ta x'ech' yu'unic corixma ti mutetique. Scotol ti te'tical chonetique ta x'ech yu'unic yorail sic ti bu taje.”

Jeremías 12:9

Ti jteclumale, co'ol s'elan mut c'upil sba ti sc'uc'umale, ti ta xich' contrainel yu'un ti yan mutetique. La', acotolic abnal chon bolometic, volo abaic talel ta muc' ta ve'el.

Jeremías 14:12

Mi yepal no'ox ta xicta ti yotique, mu xca'ibe ti jech xvocoletique. Mi yepal no'ox ta xaq'uic ti chic'bil matanale, ti sat ts'unubaletique, j'ech'el mu lecuc ta xquil. Ta jtsutsesic ya'i ta leto, ta vi'nal, ta chamel.”

Jeremías 14:16

Ti jteclum ti ta xich' albel ti va'i s'elan taje, leto vi'nal ya'iic ec jmoj xchi'uc yajnil squerem stsebtac. Jip xi loq'uel ta calleetic ta jteclum Jerusalén ti animaetic ti mu'yuc buch'u xmucune. Ja' jech ta xcac'be stojic ta sc'oj ti c'usi chopol laj spasique.

Jeremías 16:4

Ep ta tos jtsutsesvanej chamel xa'i xcham xlajic. Laj to ta alel ma' ti oy yoq'uitaelique, ti oy smuquelique, yu'un xi s'elan ta xc'otic ta stojolique: Q'uiil ta xcomic ta lumtic jech c'u cha'al tso' chon bolometic ti busul no'oxe. Leto, vi'nal xve' yu'unic. Ti sbec'tal stacopalique, xulemetic xchi'uc jti'oval chon bolometic xve' yu'unic.”

Jeremías 7:33

Sbec'talic ti animaetic taje, ta xc'ot ta sve'el ti c'usitic xvilte vilte ta vinajele, xchi'uc ti yan jti'oval chonetique. Mi ja'uc oy buch'u ta sibtas.

Lamentaciones 3:11

Laj sq'uejbunun ech'el ta be, laj syayijesun ta jot'el, xilaj o xa xchi'uc laj ca'i.

Ezequiel 14:21

“Ti vu'un Diosune xichi ta xcale: Ja' x'ech' to ti xi s'elan ta xc'ot ta pasel ti ta jtac talel ti chantos tsots tsitsel ta stojol ti jteclum Jerusalene: ti letovajele, ti tsots vi'nale, ti ta xvul ta loq'uel ti jti'oval chon bolometique, ti ta xvul ta loq'uel ti ep ta tos chameletic ta smilel ti jnaclejetique xchi'uc ti chon bolometique.

Ezequiel 33:27

“Xi xavalbeic ya'iic xtoque: ‘Xi ta xal ti Diose: Ta jva'an jba ta yalbel ti buch'utic nacalic ta lilijemal jteclume, milel xa'i xcham xlajic. Te'tical jti'oval chon bolometic xa'i xcham xlajic ma' ti buch'utic nacalic ta osiltique. Tsots chamel xa'i xcham xlajic ti buch'utic nacalic ta nail ch'entic mi ta tontic.

Levítico 26:16

ja' jechun ec unbi, xi s'elan ta jpas ta atojolic jech c'u cha'al li'e: Ta xcac'boxuc ava'iic ti sibtasele, ti jmilvanej sic c'oq'ue, ti ta xva'i ac'ac'alique, ti satilale, ti lubul pich'il ti abec'talique. Mi ja'uc oy c'usi bal o ti ta xats'unubajique, yu'un ja' ta sve' avajcontraic ti ats'unubique.

Levítico 26:22

Ta xcac' taluc ta atojolic te'tical jti'oval chonetic ti ch'abal junuc anich'nabic ta xictaboxuc comel ta scoj ti ta sbal ta ti'ele. Ta sbal ta ti'el scotol ti achon abolomique. Ta xajutebajic batel ja' to ti c'uxi sts'ijlajan ta xcom ti be avu'unique.

Levítico 26:25

Ta xc'ot ta pasel cu'un ti ta xcac'oxuc ta milel ta junuc espada, spacol sutel ti mu xc'ot ta pasel avu'unic ti jtratee. Xabitetic batel ta anil, xba anac' abaic ta ateclumalic. Ja' no'ox un, ta xcac' taluc chameletic. Ta xa'ochic ta c'abal yu'un ti avajcontraique.

Amós 5:19

Yu'un co'ol s'elan jech c'u cha'al ti buch'u ta xjatav batel ta xi'elal ti leone, ti snupoj ta be ta xc'ot ti oso xtoque. Mi mo'oje, co'ol s'elan jech c'u cha'al ti buch'u ta x'och batel ta yut sna ti yicoj xa batel pac'bal ti ti'bil xa ono'ox ta chon ta xa'ie.

Deuteronomio 28:26

Mu'yuc buch'u ta sibtas batel ti xulemetique, ti yan jti'oval chonetic ti c'alal ta sti' ti abec'tale.

Deuteronomio 32:24

Ta vi'nal, ta sic c'oc', ta xchamic; tsots ta j'ech'el ti vocoletic ta xtal ta stojolique, ja' to ti c'uxi xc'otic ta tsutsel yu'une. Ta jtacbeic talel ta stojolic jti'oval te'tical chonetic xchi'uc venenoal chonetic.

Apocalipsis 6:8

Laj jq'uel batel un, laj quil loc' talel jcot c'anal ca'. Ti buch'u scajlebinoje, sbiinoj ti Lajebale. Oy yan oy buch'u cajal talel ta spat ti sbiinoj Yajval ti Lajebale. Tey ac'batic stsatsal yo' ta xchamesic o'lol jvoc' ti ta o'lol ti jnaclejetic ta banomile, yo' ta xchamic ta leto, ta vi'nal, ta chamel, ta jti'oval chonetic li' ta banomile.