Jeremías 12:3 - Bible in Tzotzil de Chamula

³ Ja'uc ti vo'ot une, Dios, xavojtiquin buch'uun. Xana' xavil c'u s'elan ti jol co'nton ta atojole. Co'oluc s'elan chij, ic'o batel ta smilobil ti jnaclejetic li'e, ti ac'biluc xa senyail avu'un ta sta sc'ac'alil ti yorail smilele.

Bible in Tzotzil de Chenalhó with Deuterocanon

³ Yan li vu'une lec xavotquinun, Muc'ul Dios. Aviloj, ana'oj lec c'u x'elan co'nton ta atojol. Li cristianoetic li'i ac'o ta milel jech chac c'u cha'al chijetic, ti chucbil xa sventa chich'ic milele. Ac'bo senyailic ti chapal xa chchamique.

Jeremías 12:3 Iomraidhean Croise

2 Reyes 20:3

“Cajval, avocoluc, mu xch'ay xava'i ti sjunul co'nton laj cac' jba ta tunele, ti jamal lec co'nton laj jpas c'usi ta xac'ane.” Lic smil sba ta oq'uel un.

1 Crónicas 29:17

Jna' lec ti Diosote, xavil xavojtiquin lec ti snopobile, ti lec ta xava'i ti oyuc smelol stuq'uile. Jech o xal un, ta stuq'uil jol co'nton, laj cac'bot ta atojol scotol li'e. Avi tana une, quiloj ta jba ta jsat ti xmuyubajic no'ox ti ateclumal li' tsobolic laj yaq'uic ti matanaletic ta yutsil slequil yo'ntonique.

Job 23:10

Va'i un, ti jujuteq'uel coque, ojtiquinbil yu'un; mi ta sq'uelbun ti co'nton une, ta xic'ot ta loq'uel ti sts'ayet no'ox jech c'u cha'al ti bats'i oroe.

Salmos 11:5

Yac'oj talel sat ti Diose, sq'ueloj c'usi ta spas ti buch'u oy slequil sjol yo'ntone, xchi'uc ti buch'u mu'yuc xch'ulel xa'i sbaique; ta j'ech'el soquet sjol yu'un ti buch'utic ic'bil xa xch'ulel yanima ta spasel ti c'usi mu lecuque.

Salmos 139:23

Ch'ul Dios, tuc'ulanun lec ti c'u j'elane, ojtiquino avil ti co'ntone; q'uelbun avil ti co'ntone, ojtiquinbun avil ti snopobiltac cu'une.

Salmos 17:3

Abainoj un ti c'u s'elan ta jnopilane; ta ac'ubaltic une, avac'oj asat ta sq'uelelun; laj atic'un xa ochel ta c'oc' ta sq'uelel ti co'ntone, mu'yuc laj ata un ti oy c'usi chopol ta jtojole. Mu'yuc calojan ti bu ma'uc smelole,

Salmos 26:1

Chapanun un, Dios, yu'un mu'yuc ma' ti jmule, mu'yuc jsoquesoj jc'oplal ma' ti c'u s'elan cuxulune, yu'un ta j'ech'el jpatoj co'nton ta atojolal.

Salmos 7:9

Dios ti oy avutsilale, ti chajal aba asat ta yilel ti c'usi ta xich' nopele, ti c'usi xa slo'il xmaxil ti yut o'ntonale, c'otuc ta tubbel avu'un xchopolalic ti buch'u mu'yuc xch'ulel xa'i sbaique. Jun yo'nton oyuc avu'un ti buch'u oy stuq'uil yutsilale.

Jeremías 15:15

Cajval, ti xana' lec scotole, vulesun ta avo'nton, tic'o aba ta jpojel un. Pacbo ya'i ti buch'utic ta xiyilbajinique. Ma'uc me ti xaco'oltas abaic xchi'uque, ti xajax-q'uel no'ox ta xichame. Xana' lec ti cuchem cu'un ta aventa ti bisbilun ta cotol chavale.

Jeremías 17:16

Manchuc mi jech un, mu'yuc xivulvun ta sc'anel ti staicuc ti svocol avu'une, ti staicuc ti cuxul ilbajinel avu'une. Xana' lec ti c'u s'elan laj calbote, yu'un jamal laj cal ta atojol.

Jeremías 17:18

Nijil chimil comicuc ta q'uexlal ti j'ilbajinvanejetique, ma'ucuc ti xjoybij ta jbae. Batuc ya'iic xch'ulel ta xi'el, ma'ucuc ti xjoybij ta jbae. J'ech'el c'otuc ta stojolic ti lajem ta xcomic xchi'uc ti svocolic ti ta xc'otilan ta stojolique.

Jeremías 20:12

Cajval, ti scotol xu' avu'une, ti oy alequilal avutsilale, aviloj bu c'alal oy sjol yo'nton ti vinique, quiluc ta jba ta jsat ti tsitsel ta xavac'be ti jnaclejetic une, yu'un cac'ojbot ta avoc ta ac'ob ti yatel co'ntone.

Jeremías 48:15

Ta xvul xa ta loq'uel ma' ti jlilinvanej yu'un ti Moabe xchi'uc ti jteclumetic yu'une. Ti c'u to ox yutsil ta squeremale, ts'ij xi sc'oplal un. Ja' ta xal ma' ti Ajvalil ti albil sc'oplal Dios ti scotol xu' yu'une.

Jeremías 50:27

Iq'uic batel ya'i scotol ti yajsoldadotac ti bu ta xamilique. Mu xa cha'bel un. C'ot xa yorail yu'unic un laj staic ti tsitsele.

Jeremías 51:4

Ta sjunuluc slumal ti caldeoetique, tusuluc ta xcom yu'unic ta calleetic ti jnaclejetic yu'une.

San Juan 21:17

Xi laj sjac' ta yoxcojal ti Jesuse: —Simón, xnich'onot ti Jonase, ¿mi c'ux ta xava'iun ta avo'nton? At o'nton xa oy ti Pedroe, yu'un yoxcojal xa albat, ¿mi c'ux ta xava'iun ta avo'nton? ti x'utee. Xi laj yal ti Pedroe: —Cajval, ana'oj scotol. Xana' lec ti c'ux ta xca'iot ta co'ntone. Xi laj yal ti Jesuse: —Mi jech c'uxun ta avo'ntone, q'uelbun tuc'ulanbun ti jchijtac un cha'e.

Santiago 5:5

Li' ta banomile, laj xa avac'be abaic scotol ti c'usi xal ti avo'ntonique, ti scuts'et anuq'uic yu'un ajubemalic jech c'u cha'al ti vacax ti xc'ot yorail ta xich' milele.

2 Pedro 2:12

Ti viniquetic taje, co'ol s'elan chon bolometic ti xi s'elan ti stalelique: mu xa'ibeic sni' xchiquinal, yavil ti cuxul ta xa'ie. Ja' no'ox ta xvoq'uic talel yo' ta xich'ic tsaquel yo' ta xich'ic milel. Naca chopol ta xc'opojic ta stojol ti c'usi mu xa'ibeic ti smelole. Ja'uc le'e, jech ta xcham xlajic jech c'u cha'al ti chon bolometique.