Jeremías 12:2 - Bible in Tzotzil de Chamula

² Ats'unojan, ta x'ibelinic batel avu'un; ta xch'iic, ta x'esomajic ech'el avu'un. Oy no'ox ta ye ta sti' ta slequil-c'optaelot, ja'uc ti yo'ntonique, nom oy ta atojol

Bible in Tzotzil de Chenalhó with Deuterocanon

² Vo'ot laj ats'un, jech iyal lec yisimic, ich'iic, xchi'uc isatinic. Li vo'ote nopol oyot ta yeic, pero li stuquique nom oyot ta yo'ntonic.

Jeremías 12:2 Iomraidhean Croise

Isaías 29:13

Xiyut ti Dios une: “Ti lum li'e, naca no'ox sba ye ti ta xalic ti c'otem ta cajtunele. Ta ye no'ox ma' ti ta xiyich'un ta muq'ue. Le' to oy ma' ti yo'ntonic ta jtojol une. Naca nopbil yu'un viniquetic ma' ti ta xalic ti quich'el ta muq'ue, naca chanbil no'ox ta sjol stuquic.

SUN TITO 1:16

Ta xalic ti xojtiquinic ti Diose. Ta scoj ti oy c'usi ta spasique, ta xvinaj ti mu meleluque. Yu'un xti'et sjolic, jbaj-mantaletic, mu xtojobic ta spasel mi jutebuc ti c'usi lec ta pasele.

San Mateo 15:8

‘Ti jteclum li'e, jun yutsil ti ye ta xich'icun ta muc' yilele. Ti yo'ntonique nom oy ta jtojol.

Jeremías 11:17

“Ti Diosun ti scotol xu' cu'une, laj cal mantal ti lamal ta xc'ot ti cuxul j'ilbajinvanej j'ac'-vocol ta stojol ti c'usi laj jts'une, ta scoj ti oy c'usi chopol laj xa spas ti jteclum Israele, xchi'uc ti jteclum Judae. Yu'un laj soquesbeicun co'nton ta scoj ti laj yac'beic matanal chic'bil pom ti Baale.”

Ezequiel 33:31

Ti jteclumale ta xtalic, xchotiic xa vulel ta ats'el jech c'u cha'al liquem yu'unic ta ya'yiel ti ac'ope. Ti c'usi ta xaval une, mi jutebuc ta yo'ntonic ta spasic. Cacal ta yeic ta yalel jech c'u cha'al sq'uejimol jun lecombail, yu'un naca taq'uin ti ic'bil yo'ntonic xchi'uquique.

Jeremías 45:4

Ti Diose xi laj yalbun ti ac'o calbot ava'ie: ‘Ti c'usi laj jva'ane, ta jlilin. Ti c'usi laj jts'une, ta jbul loq'uel scotol li' ta banomile.

Marcos 7:6

Xi laj stac' ti Jesuse: —Ti vo'oxuque, mu yanuc ac'oplalic ti laj yalbe sc'oplal ti jpac'taejbail ti xi laj sts'iba comel ti j'alc'op Isaiase: ‘Ti jnaclejetic ta banomil li'e, jun yutsil ti ye ta xiyich'icun ta muq'ue, ja'uc ti yo'ntonic une, nom oy ta jtojol.

Jeremías 3:10

Ti jech laj xa spas scotol ti va'i s'elan taje, mi ja'uc xa ta sjunul yo'nton sut talel ta jtojol ti jchuvaj jol jteclum Judae. Yu'un c'ajomal no'ox laj slo'laun. Ti vu'un Diosune, mu lo'iluc no'ox ta xcal.”

Job 5:3

Quiloj ta jech yepal ti c'usiticuc ta xlic ayanuc yu'un ti buch'u pimuneb ta j'ech'ele, ta xc'ot ta pasel ti ta jliquel no'ox mesel ta xcom ti snae.

Salmos 37:35

Quiloj ti toyobba xa'i sbae, ti buch'u mu'yuc xch'ulel xa'i sbae, co'ol s'elan jpets te' ti limil no'ox ech'el ti sc'obtaque.

Habacuc 1:13

¿C'u cha'al ta xavac' ave ati' yu'un ti c'usi chopole, c'alal ti vo'ote jelavem ti avutsil alequilale, ti xlaet no'ox ta xava'i yu'un ti c'usi chopol ta q'uelele? ¿C'u cha'al ya'yel un ti tey no'ox ts'ijil aq'ueloj ti j'ilbajinvanejetique, ti mu'yuc no'ox c'usi ta xaval yu'un ti buch'utic toj chopolic ti yacalic ta stubbel sc'oplal ti buch'utic mu xco'olaj ti yo'ntonic xchi'uque?

Job 24:12

Nom to xil jteclum ti buch'u ta xa xlaj ta xa'ie, ti x'oc' x'avan xa ti mu stac' pajesel ti x'ijet xchi'uc ti svocole, mi ja'uc x'a'yibat sc'opojel sti'inel yu'un ti Diose.

Oseas 7:14

Ac'o mi x'avetic xa c'alal puch'ulic ta stemique, mi ja'uc loq'uem ayanem lec ta yo'ntonic ti ta xc'opoj xti'inique. Yo' ta sc'anic ti trigoe xchi'uc ti vinoe, ta syayijes sbaic. Ja' no'ox ta stoy sbaic ta jtojol.