Jeremías 12:1 - Bible in Tzotzil de Chamula

¹ Dios, mi xivulvun no'ox liquel ta stac'belote, oy ono'ox stuq'uil ti c'u s'elan ta xavale. Manchuc mi jech un, oy jaybeluc ta jac'bot ca'i un. ¿C'u cha'al ya'yel lec no'ox oyic ti buch'u mu'yuc xch'ulel xa'i sbaique? ¿C'u cha'al jun yo'nton cuxulic ti jpayc'opetique?

Bible in Tzotzil de Chenalhó with Deuterocanon

¹ Muc'ul Dios, mu smeloluc ti ta jtsaquilanot ta lo'ile, yu'un tuc' scotol li c'usi chapase, pero oy c'usi ta jc'an ta jac'bot. ¿C'u yu'un ti ja' toj lec c'usi tstaic li boch'otic chopolique? ¿C'u yu'un ti lec chbat yu'unic scotol li jlo'lavanejetique?

Jeremías 12:1 Iomraidhean Croise

Malaquías 3:15

Quilojtic lec ta jba ta jsatic ti xmuyubajic no'ox ti buch'utic jtoyobbaetique. Ja' jech no'ox xtoc, ti buch'utic mu'yuc xch'ulel xa'i sbaique, lec ti c'usi ta staique. Ja' jech no'ox xtoc, ti buch'utic ta slajeltsabeic yo'nton ti Diose, mi ja'uc jutebuc ta x'ac'bat stojic.’ ”

Salmos 92:7

Yacal ta epajel un ti buch'u mu'yuc xch'ulel xa'i sbaique, ti jchopol joletique ta xch'i jech c'u cha'al ti momole, le' une, talic yo' ta xich' tubbel ti sc'oplalic ta j'ech'ele.

Salmos 37:1

Mu soc ajol yu'un ti buch'u mu'yuc xch'ulel xa'i sbaique, mi ja'uc xlic yit'ixal avo'nton yu'un ti jchopol joletique.

Daniel 9:7

Ti vo'ote, Dios, oy yutsil slequil avo'nton. Ja'uc ti vu'uncutic israeluncutique ta xca'i ti q'uexlal jba jsatcutique xchi'uc ti c'u yepal nacal ta Jerusalene. Mu yanuc ta xa'iic ec ti jlom israeletic ti nopol no'ox oyique, xchi'uc ti oyic ta nom ti bu laj aten batel ta muc'tiquil lum ta scoj ti laj stoy sbaic ta atojole.

Job 12:6

Ti j'eleq'uetique lamajem ma' ti c'op ta snaique; ti jcontrainej Diose mu'yuc c'usi sna'ic, ta snopic ti ta yip no'ox yoc sc'ob ta staique.

Habacuc 1:4

Mu'yuc xa ta tunesel ti oy c'usi jbel albil ti tsots sc'oplale; ti lequil chapanele, pech'bil ta teq'uel ta j'ech'el. Ti buch'u oy stuq'uil sjol yo'ntone, ilbajinbil yu'un ti buch'u toj chopole, ta xyanij yu'unic ta j'ech'el ti lequil chapanele.

Salmos 51:4

Laj jsa' jmul ta atojol, ja' no'ox ta atojol laj xa jsa' jmul un; laj xa jpasilan chopol ti albil sc'oplal ta xavac'be stojole. Ti chapanel ti loc' ta alel avu'une, oy stuq'uil ta j'ech'el, mi ja'uc yamal sc'oplal ti c'u s'elan c'ot ta nopel avu'une.

Salmos 37:35

Quiloj ti toyobba xa'i sbae, ti buch'u mu'yuc xch'ulel xa'i sbae, co'ol s'elan jpets te' ti limil no'ox ech'el ti sc'obtaque.

Sofonías 3:5

Ja' no'ox un, ti Diose li' oy ta jteclume, yu'un ja' yac'ojbe yipal ta spasel ti c'usi leque, ma'uc ti c'usi chopole. Ti jujun c'ac'al ta x'ech'e, mi ja'uc ta xch'ay sc'oplal yu'un, ja' ta xc'ot ta pasel ti lec tuc' snopbenal yu'une. Ja'uc ti buch'u toj chopole mi ja'uc xa xa'i jutebuc ti q'uexlale.

Jeremías 11:20

Ti vo'ot une, Dios, ti scotol xu' avu'une, jun tuq'uil jchapanvanejot, xavojtiquin bu c'alal pajem xnopnun sjol ti vinique. Ac'bun quil ta jba ta jsat c'u s'elan ta xatsits ti jnaclejetic le'e, yu'un laj xa cac'bot ta avoc ta ac'ob ti jc'oplale.

Jeremías 12:6

Yu'un avinquileltac no'ox, junoxuc ta na xchi'uc, ta spay ac'oplal, xbic'tal c'opojic xa ta apat ta axocon ti sbiselot ta cotol chavale. Laj to c'op ma' ti xapat xa avo'nton ta stojol unbi, manchuc mi jun xa yutsil ti ye sti'ic ta xasc'oponique.

Jeremías 5:11

Ti Israele xchi'uc ti Judae laj syanijes sjol yo'nton ta jtojol. Ti vu'un Diosune, mu stselbuj ti jc'ope.”

Job 13:3

Ja' xloc' venta ta xca'i ta jc'opon ti Diose; xloc' venta ta xca'i ta jvul jba xchi'uc ti Buch'u scotol xu' yu'une.

Esdras 9:15

“Cajval, Dios yu'un Israel, laj avac' ta q'uelel yutsil avo'nton ta jtojolcutic. Yu'un laj avac' ave ati' ti oy to jvoc' cuxul licomcutic jech c'u cha'al ta xvinaj li'e. Ti vu'uncutique, bats'i ech'em jsa'muliluncutic ta aba ta sat. Jech o xal mu xu' ta jva'an jbacutic ta atojol.”

Oseas 6:7

“C'u stu un, jteclumal, yu'un lac'otic jech c'u cha'al laj spas ti Adane, ti mu'yuc xc'ot ta ch'unel yu'un ti jtratee, yu'un yanij sjol yo'nton ta jtojol.

Isaías 48:8

Taje, mi ja'uc oy bu ava'binoj ti sc'oplale. Mi ja'uc xavojtiquin, yu'un uni cocorix xava'i aba ono'ox. Jna'oj ono'ox ti mu'yuc atuq'uil xava'i abae, ti bisbilot ta uni toyobba ti c'alal lavoq'ue.

Isaías 41:21

Ti Ajvalile, Dios yu'un ti Jacobe, xi ta xale: La'ic, loc'obbailetic, paco ac'oplalic, la'ic ta spojel abaic.

Proverbios 1:32

Ti buch'u mu stuc'ulan sbae ta smil sba xchi'uc ti mu'yuc lec snopobil yu'une; ti buch'utic bolineb yo'ntonique ta smil sba stuc ta scoj ti mu stuc'ulan sbae.

Salmos 145:17

Jun yutsil ti c'usitic ta spas batel ti Diose, ta slequil yo'nton ti c'usitic ta snope.

Salmos 119:137

Cajval, ti vo'ote oy alequil atuq'uil, tuc' ta j'ech'el ti c'usitic nopbil avu'une.

Salmos 119:75

Cajval, jna' lec ti tuc' scotol ti c'usitic nopbil avu'une, ti oy smelol ti c'alal ta xavac'bun quich' ti jvocole.

Deuteronomio 32:4

Ja' c'otem ta jpojobbailtic; jun yutsil ti yabtel spasoje. Ti c'usi ta spase, lec tuc' ta j'ech'el, yu'un ja' jun Dios ti melel ti c'usi ta xale. Mu'yuc c'usi chopol ta spas ti stuque, yu'un ja' melel, oy lec srazon ti stuque.

Génesis 18:25

Mu nan jechuc ta xapas muts'ul sat ta xatubbe sc'oplal jmoj xchi'uc ti buch'u oy smule. Mu stac' ma' ti jech ta xapas taj une. Yu'un ti vo'ote, muc'ul jchapanvanejot yu'un sjunlej ti banomile, ¿mi ch'abal xa ti pojel une?

Nehemías 9:33

Ti le' une, mi juteb ja' amul scotol ti c'usi laj c'otuc ta jtojolcutique. Ti c'usi laj apase, ta stuq'uil avo'nton. Ti vu'uncutique, chopol ti c'usi laj xa jpascutique.

Salmos 116:5

J'ech'el tuc' ma' ti Dios une, sna' xc'uxubaj; ti Dios cu'untique, spajebal oy sts'iquemal xcuchemal yu'un.

Eclesiastés 8:14

Jech ta xc'ot ta pasel li' ta sba banomile, ti mu'yuc smelol yilele. Oy lequil viniquetic ta xich' svocolic co'ol s'elan ti chopolique. Ti chopol viniquetique, mu'yuc c'usi sna'ic co'ol s'elan lequil viniquetic yilel. Ch'ayel xal o ta xcal yu'un ma' taje.

Jeremías 3:7

Ti vu'une laj jnop ti ta ts'acal ta sut talel ta jtojol c'alal mi ech' yo'nton scotol ti vi s'elan ta spase. Le' une, mu'yuc sut talel. Ti va'i s'elan taje, laj yil ec ti jovil-jol jteclum Judá ti ja' yuni chi'il ta voq'uel xa'i sbaique.

Jeremías 3:20

“Ja'uc le' une, yan ajolic ta jtojol, co'ol a'elanic junuc ants ti ta smucul sati ti smalale. Ti vu'un Diosune, mu lo'iluc no'ox ta xcal.

Jeremías 9:2

Oc no'ox la ta alel oyucun ta sbajtical banomil yo' xu' ta xinaquie, yo' nom ta xquicta comel ti jlumale. Yu'un scotolic mu'yuc stuq'uil ti yo'ntonique. Scotolic naca j'ac'vanejetic ta milel.

Jeremías 32:16

“C'alal laj cac'be jelavel svunal sventa smanobil osil ti Baruc xnich'on ti Neriase, xi lic c'opoj ti'incun ta stojol ti Diose:

Lamentaciones 1:18

Laj spas ti c'usi oy stuq'uil ta xil ti Diose, yu'un laj jcontrainbe ti smantaltaque. Ts'et-chiquintabeicun ava'iic, acotolic jteclumetic, tuc'ulano avilic yipal xc'uxul ta xca'i ti jvocole. Ti jva'lej jquerem jtsebtaque chucbil pechbil xa bat yu'unic.

Ezequiel 18:25

“Ta xavalic un ti mu'yuc stuq'uil ti c'u s'elan ta jpase. A'yio ava'iic li' une, Israel, ¿mi ta xanopic xana' ti mu'yuc stuq'uil c'u s'elan ta jpase? ¿Mi mu van ja'uc vo'oxuc xana' atamojic ta spasel ti c'usi chopole?

Job 8:17

Naca sts'un no'ox ech'el yibel ta tontic ta sts'uts'el ti vo'e, ti slim no'ox sba ech'el ta ba tontique.

Job 24:12

Nom to xil jteclum ti buch'u ta xa xlaj ta xa'ie, ti x'oc' x'avan xa ti mu stac' pajesel ti x'ijet xchi'uc ti svocole, mi ja'uc x'a'yibat sc'opojel sti'inel yu'un ti Diose.

Job 24:23

Jun yo'ntonic ta x'aq'ueic cuxiicuc yu'un ti Diose, le' une, q'uelbilic jujuteq'uel yoquic ti bu ta xanavique.

Salmos 51:6

Melel un, mu tuch'baj ta avo'nton ti buch'u jamal yo'nton ta atojole, ta yutil to co'nton laj abijubtasun.

Daniel 9:14

Jech o xal un, Dios, laj achapan ti laj atac talel ta jtojolcutic ti c'usi chopole. Yu'un ti vo'ote, Cajval, ti Diosot cu'uncutique, yu'un tuc' scotol ti c'usi ta xapase. Ja' no'ox un, ti vu'uncutique mu'yuc xloc' x'ayan ta co'ntoncutic ta xchiquintabelot ti ac'ope.

Malaquías 2:17

Ti Diose mu xa sc'an xa'i ti ac'opique. Ja'uc ti vo'oxuc une xi to ta xajaq'uique: “¿C'usitic laj xa calbetic ti jech mu xa sc'an ta xchiquinta ti jc'optique?” Ta xavalilanic ti lec ta xa'i Dios ti buch'utic oy c'usitic chopol ta spasique, ti xmuyubaj yu'un ti avalojique. Mu xc'ot ta avo'ntonic ti tuc' sna' xchapanvan ti Diose.