Jeremías 11:4 - Bible in Tzotzil de Chamula

⁴ Ja' ono'ox ti jtrate laj jpas ta stojol ti atot ame'ic ta vo'nee, ti c'alal laj jloq'uesic talel ta Egiptoe, ta jun muc' ta lum ti bu co'ol s'elan yunijesobil taq'uin jorno ti c'ot ta stojolique, ti xichi laj calbeique: Aq'uic ta venta ti c'usi ta xcale. Pasic scotol jech c'u cha'al ti c'usi ta jc'ane. Jech ta xac'otic ta jteclumal, ta xic'ot ta Dios avu'unic ec.

Bible in Tzotzil de Chenalhó with Deuterocanon

⁴ Ja' li c'usi jchapanoj ono'ox ta sventaic li amoltotic c'alal la jloq'uesic tal ta Egipto banamile, ja' li lum ti xco'laj xchi'uc horno sventa yunijesbil taq'uine. Jech laj calbeic: A'ibicun li jc'ope, ch'unic li c'usi chacalboxuque; pasic me scotol, jech jteclumaloxuc chac'otic o, jech vu'un Diosun chic'ot o avu'unic ec.

Jeremías 11:4 Iomraidhean Croise

Deuteronomio 4:20

Ja'uc ti vo'oxuc une, laj stsoboxuc ti Diose. Laj sloq'uesoxuc ti bu co'ol s'elan yunijesel taq'uin horno ti ja' sc'oplal ti Egiptoe. C'ot ta pasel ti xi ac'oplalic yu'un avi tana li' une: jteclum ti ja' yu'une.

Levítico 26:12

Yu'un tey ono'ox ta xajchi'inoxuc ta xanobal ti vu'un ti Diosun avu'unique, ti vo'oxuc ti calab jnich'naboxuque.

2 Corintios 6:16

¿Mi yu'un xu' ta jtic'tic ochel ta xch'ulna Dios ti c'usi meltsanbil ta c'abale? Yu'un ti vo'otique c'otemotic xa ta xch'ulna ti cuxul Diose jech c'u cha'al ti xi laj yal stuc ti Diose: “Ta xinaqui ta stojolic. Ta jchi'in ta xanobal. Diosun yu'unic. Jech ti stuquique ja'ic ti calab jnich'nabtaque.”

Zacarías 8:8

Ta xquiq'uic talel ta jteclum Jerusalén yo' jech ta xnaquiic tey. Jech ti stuquic une ta xc'otic ta jteclumal. Ja' jech xtoc ta slequilal yutsilal co'nton ta xic'ot ta Dios yu'unic.”

Jeremías 24:7

Ta xcac'be lec snopbenal yu'unic yo' jech ta xiyojtiquinic ti vu'un Ajvalilune. Ti stuquique ta xc'otic ta jteclumal, ta xic'ot ta Dios yu'unic un, ja' ti sjunul xa yo'ntonic ta sutic talel ta jtojole.

1 Reyes 8:51

Yu'un c'otem ta avu'untac, ja' ateclumal ti laj aloq'ues talel ta Egipto ti bu co'ol s'elan yunijesobil taq'uin sc'ac'al ti bu to ox oyique.

Zacarías 13:9

Jech ti jvoc' ti cuxul to ta xcome ta jtiq'uic ya'iic ochel ta c'oc' yo' jech ta xich' lecubtasel jech c'u cha'al ta xich' lecubtasel ta c'oc' ti plata ti oroe. Jech ti stuquic une ta xlic vocoleticuc ta jtojol. Ti vu'un ec une ta jtac'beic ti sc'opique. Ta xcalbeic ya'iic ti ja' jteclumaltaque. Ti stuquic une xi ta staq'uique: ‘Ti Ajvalile ja' ti Dios cu'untique.’ Jech ta xc'ot ta pasel cu'un ti vu'un Diosune.”

Ezequiel 37:23

Laj c'op ma' ti ta xlic soques sbaic ta yich'el ta muc' ti c'usitic meltsanbil ta c'abal ti spajebal mu stac' albel sc'oplal ti xlic xcaj no'ox ta sa'el ep ta tos ti mulile. Ta jva'an jba ta spojelic ti c'usitic mu'yuc stuq'uil laj spasique. Ta jmesbe ta jtusbe ti smulique. Ta xc'otic ta calab jnich'nab. Ta xic'ot ta Dios yu'unic.

Ezequiel 36:28

Ta xlic naclanic liquel ta muc' ta lum ti laj cac'beic ti atot ame'ic laj ech'uc ta vo'nee. Ta xac'otic ta calab jnich'nab, Diosun avu'unic ti vu'une.

Ezequiel 14:11

Yu'un ja' to jech mu xch'ac sbaic yan velta ta jtojol ti Israel ti ja' jteclumale. Ta j'ech'el mu xa xba scapin sbaic ta xchi'inel ti jmilvanejetic taje. Jech ti stuquique, ja'ic xa bats'i jteclumal. Jech ti vu'un eque lic'ot xa ta Dios yu'unic. Ti vu'un Ajvalilune, mu me lo'iluc no'ox ta xcal.”

Ezequiel 11:20

Ja' yu'un unbi, ja' to jech jun yo'ntonic ta xcuxiic ta spasel ti jmantaltaque, xchi'uc ti c'usitic nopbil cu'une. Jech ti stuquique, ja' xa bats'i calab jnich'nab. Jech ti vu'une, ja' xa Diosun yu'unic.

Jeremías 30:22

Ta xc'otic ta jnich'nab un, Diosun yu'unic un. Ti vu'un Diosune, mu lo'iluc no'ox ta xcal.”

Jeremías 26:13

Ictaic ti c'u s'elan atalelique, xchi'uc ti c'usi me'inem xava'iic ta spasele. Ch'unic c'usi ta sc'an ti Ajvalil Dios avu'unique yo' jech xu' to ta stselbuj ti cuxul ilbajinel ti q'uelel talel laj caj'albe sc'oplale.

Deuteronomio 11:27

C'uxubinel lequilal ta xavich'ic mi ta xach'unbeic smantaltac ti Ajvalil Dios avu'unic ti laj calboxuc ava'iic ti c'ac'al li'e.

Levítico 26:3

“Mi nabaloxuc ta spasel ti oy c'usi jbel tsots sc'oplal albile, xchi'uc ti ta xc'ot ta pasel avu'unic ti jmantaltaque, xchi'uc ti ta xachanic ta spasele,

Génesis 17:8

Ti vo'ote xchi'uc ti stuquique, ta xcac'boxuc scotol yosilal Canaán ti bu nacalot avie. Yu'un j'ech'el ta xcom o ta arextoic cu'un, xchi'uc ta jva'an jba ta Dios avu'unic.

Hebreos 5:9

Ti c'alal laj spas scotol ti c'usi oy ta yo'nton ti Diose, c'ot ta banquilal Jcoltavanej yu'unic sbatel osil ti buch'utic ta xc'ot ta yo'ntonic ta xch'unele.

San Mateo 28:20

Chanubtasic ta spasel scotol ti c'u s'elan laj xa calboxuc ava'iique. Jech ti vu'un ec une, jchi'inojoxuc scotol c'ac'al c'alal to ta slajebal c'ac'ale. Jechuc.

Zacarías 6:15

Yo' ta xana'ic ti ja' tacbilun talel yu'un ti Dios ti scotol xu' yu'une, ta xc'ot ta pasel ti ta xtalic jnamal-lumetic yo' ta scolta sbaic ta xcha'meltsanel xch'ulna ti Diose. Ti va'i s'elan taje, ja' to me ta xc'ot ta pasel ti mi laj xachiquintabeic lec sc'opojel ti Dios avu'unique, mi ta xach'unbeic ti c'usi ta xale.

Ezequiel 37:27

Ta xinaqui ta stojolic. Ta xic'ot ta Dios yu'unic. Ta xc'otic ta calab jnich'nab ec un.

Jeremías 32:28

Jech o xal xichi laj calbot une: Ta xc'ot ta pasel cu'un, ti jteclum li'e, ta x'och ta yoc ta sc'ob ti Nabucodonosor ajvalil yu'un ti Babiloniae, xchi'uc ti caldeo soldadoetic yu'une.

Isaías 48:10

Laj jch'ulot ta poquel. Mu jechuc laj jpasbot jech c'u cha'al ta xich' pasbel ti platae. Laj jq'uel c'u s'elan ta xanop yu'un ti avocol ti laj jtic'ot ochel ta jornoe.

1 Samuel 15:22

Va'i un, ti Samuele xi laj yale: “Ja' jun yutsil ta xil ti Dios ti ta xch'unbat ti c'usi ta xale, ja' mu sta sc'oplal ta x'ac'bat ti milbil chic'bil matanale. X'ech' xjelav sc'oplal ti xch'unbate, ti ts'etel lec chiquinal ta xich' a'yibele, peq'uel sc'oplal ta xc'ot ti milbil matanale xchi'uc ti xepu'al chij ti ta xich' ac'bele.

Éxodo 20:6

Ja' no'ox un, mu'yuc spajeb ta jc'uxubinan ti buch'utic c'ux ta xiya'iique, ti ta xc'ot ta pasel yu'unic ti jmantaltaque.

Isaías 30:6

Xi ta xcaj'albat sc'oplal ti chon bolometic ti oy ta yosil Negueve: Ta sjunul ti c'u sjamlej smacoje, yan sba xi'elal ta j'ech'el ti naca xa leónetic ti yan sba xloquet snuq'uic ta c'uletele, xchi'uc ti jti'oval quiletel chonetique, xchi'uc ti muc'tiquil tsajal jti'oval chanul nab ti sna' xvilique. Ta spojic batel ti ac'ulejalique, ti c'usitic toyol stojole. Ta xac'beic ech'el xcuch ti burroe, ti camelloe, c'alal to ta Egipto jteclum ti chopol sjol yo'ntonique.

Jeremías 11:7

C'alal laj jloq'uesic talel ta Egipto banomil ti amolmuc'totic ta vo'nee, laj ono'ox jcaj'albeic ya'iic ti ac'o xiyaq'uicun ta ventae, ti jech o ta jcaj'alilan talel tana li'e.

Jeremías 38:20

Ti Jeremiase xi laj staq'ue: “Mi ja'uc xa'och ta yoc ta sc'obic, Jcuch abtel. Avocoluc, Jcuch abtel, ch'uno ti c'usi laj yalbun ti Dios ti ja' yacal ta xcalbote. Lec ta xc'ot ta atojol. Mu xavac' ajol abaquil xchi'uc.

Daniel 3:26

C'alal jech xa ox laj yale, ti Nabucodonosore nopaj batel ta sti' ti jornoe. Tsots avan ti xi laj yale: “Sadrac, Mesac, Abed-negó, ti vo'oxuc yajtuneloxuc ti muc'ul Dios ti oy ta toyole, loc'anic talel.” Ti oxibique loq'uic talel ti bu ta xtil sleb ti c'oq'ue.

Deuteronomio 5:6

‘Yu'un vu'unun ti Ajvalil Diosun avu'unique ti laj jloq'uesoxuc talel ta Egipto ti bu mosovinbiloxuque.

2 Reyes 18:6

Staoj yav jun yo'nton snabanoj sba ta stojol ti Diose. Mi ja'uc laj xch'ac sba ta stojol. C'ot ta pasel yu'un smantaltac ti Dios ti albil comel ti Moisese.